NEHEMIA 6:6 - Sura' Madatu

⁶ Disura’ lan susite nakua: Tiseno-senomo dio lu mintu’ bangsa tu kareba sia napamanassamo Gasymu, kumua iatu kamu sola mintu’ to Yahudi ma’tanga’mo la mangea; iamoto mimasara’ umbangunni sule tu rinding tembo’, sia den duka kareba nakua morai dukakomi ade’ dadi datunna tau iato mai.

NEHEMIA 6:6 ပူးပေါင်းရင်းမြစ်များ

EZRA 4:12

La naissan puang, kumua iatu to Yahudi, tu ke’de’ dio mai puang lako kaleki, rampomo lako Yerusalem; marassanmo nabangun sule tu kota marittuk sia kadake; nasundunnimo napabendan tu benteng tembo’ sia naotonmo tu mai parandangan.

EZRA 4:15

kumua anna paressai tau lan sura’ ossoranna nene’ to dolona puang. Manassa la naapparan sia la nakabu’tui puang lan sura’ ossoran iato, kumua iate kota iate misa’ kota marittuk, sia umpadenan karugian mintu’ datu sia propinsi sia inang tempon diopa mai anna umpadenmo kamarukkan lan. Iamoto nadisanggang tu kota iato.

NEHEMIA 2:19

Iatonna rangimi Sanbalat, to Horon sia Tobia, kaunan to Amon sia Gesyem, to Arab tu iannato, ma’tellemi sia ma’lo’bo tu tau iato mai lako kaleki, nakua: Apa toda kamu mipogau’? La umbalirokomika datu?

NEHEMIA 6:13

Ia sia nasaroi susito, kumua angku mataku’ sia iake kupogau’i susito la kasalanna’; na iamo la napotete tau iato mai umpakadake lelena’, kumua nalo’bona’.

NEHEMIA 6:5

Nasuami Sanbalat tu taunna tonna ma’pellimanna lako kaleku untangke misa’ sura’ tibungka’.

NEHEMIA 6:7

Sia miangka’ kalenamo tu ba’tu pira-pira nabi lan lu Yerusalem la umpetambangkomi, kumua: Denmo misa’ datu dio Yehuda! Tonganna iate apa iate la rampo lako datu. Iamoto maikomi anta sipa’kada-kada.

YEREMIA 20:10

Belanna kurangimo tu tau buda sibisik-bisik – den kamaramban tiku lao – nakua: Pokadai apara tu la tatandaranni! Mintu’ solaku tu kusikadamakan ummanta-manta katobangangku sia nakua: Lalo sia manii tanaran anta ma’din umpasalai sia umpabala’i.

MATIUS 5:11

Maupa’komi ke nasayukomi tau sia napakario-riokomi sia napalele bekokomi naben tang gau’mi diona Aku.

LUKAS 23:2

Randukmi umparapa’I, nakua: Kilambiran te tau iate unnada’i sala solaki, Nagagai massima lako datu kapua, Nakua Ia kalena Ia Kristus sia datu.

YOHANES 19:13

Iatonna rangii Pilatus te kada iate, nabaami lako salian tu Yesu, naunno’ko’ dao kadera biasa nanii unno’ko’ mangra’ta’ kara-kara, tu inan disanga Sali batu, ke basa Ibrani disanga Gabata.

ROMA 3:8

Nama’apari kitang ma’kadara – susito kada naanggarangkan tau, kumua kikua: – Da’ito anta pogau’ kakadakean, anna bu’tu melona? Tau iato dipasisurung lindo alukna.

2 KORINTUS 6:8

lan kamala’biran sia kamadiongan, lan kadipalele-bekoan sia kadipudian, sitinti to pakira-kira anna manappa’,

1 PETRUS 3:16

sia bannang putekomi, dikua anna diona kanasangammi tau kadake, iamo napomasiri’ to ussayu torro ke’de’ melomi lan Kristus.