NEHEMIA 6:16 - Sura' Madatu

¹⁶ Iatonna rangimi ualingki tu iannato, mataku’mi tu mintu’ bangsa untikuikan sia rosso penaanna, anna mangaku kumua iate pengkarangan iate dikarang tete dio pa’tunduanNa Kapenombanta.

NEHEMIA 6:16 ပူးပေါင်းရင်းမြစ်များ

NEHEMIA 2:10

Iatonna rangimi Sanbalat, to Horon sia Tobia, kaunan to Amon, lendu’mi mapa’di’na penaanna, kumua saemo misa’ tau la undakaran melo to Israel.

NEHEMIA 4:1

Apa iatonna rangimi Sanbalat kumua kibangunmo sule tu rinding tembo’, re’dekmi tu ara’na sia mapa’dik tu penaanna. Natelle-tellemi tu to Yahudi,

NEHEMIA 4:7

Iatonna rangimi Sanbalat sia Tobia sia to Arab sia to Amon sia to Asdod kumua mukkunmo dipemeloi tu rinding tembo’ Yerusalem sia mintu’ lo’po’na dilepe’mo, re’dek tonganmi tu ara’na,

NEHEMIA 6:17

Ia duka tonna allo iato iatu mintu’ to mala’bi’na Yehuda umpakatu sura’ buda lako Tobia na dio duka mai Tobia den sura’ sae lako tau iato mai.

PA’PUDIAN 109:27

Anna issanni tau iato mai kumua lalan limamMi te, sia Kamumo, o PUANG, tu mangka umpogau’i.

PA’PUDIAN 126:2

Attu iato naponnoi petaa mammi’ tu sadangki, sia narandan la’tek silelean tu tongka’ dililaki. Attu iato den to kapere’ ma’kada kumua: Umpogau’mo apa kalle-kallean tu PUANG lako tau iato mai!

PA’PUDIAN 129:5

La kasirisan sola nasang anna sule leko’, tu to ungkabiri’ Sion.

PA’PUDIAN 147:2

PUANG tu umbangun Yerusalem, sia umpasipulungi sae tu mintu’ to Israel diula’i lan mai tondokna.

KATASSURAN 14:25

Napalammak tu mintu’ roda karetana tau iato mai, sia Napamale’lan lumingka, naurunganni ma’kada tu to Mesir, nakua: Melo ke mallaiki’ dio mai to Israel, belanna PUANG urrondongi tu tau iato mai urrarii to Mesir.

YEREMIA 33:9

Attu iato kota iato la dadi misa’ sanga Kupoparannu, sia kadipudian sia kadipangkeran dio lu mintu’ bangsa lan lino, tu la urrangi kareba diona mintu’ kameloan tu Kupogau’ lako tau iato mai; la tiakka’ sia tigega’ penaanna diona mintu’ kameloan sia kasalamaran tu Kupogau’ lako tau iato mai.

KADIBILANGAN 23:23

belanna tae’ gai’na tu kada la ullangdo Yakub, sia pa’basa-basa la dinii unnea Israel. Totemo melo ke dipokadai tu diona Yakub sia diona Israel apa tu la Napogau’ Puang Matua.

PENGGAURANNA RASULU’ 5:38

Dadi totemo kukua mati’: da mipatumbai te tau iate mai, sia popa’elo’nai ia; belanna iake tuo dioi tolino tu lalan penaa iate ba’tu pengkarangan iate, inang la disanggang;

YOSUA 2:11

Iatongki rangi nasangi to, raangmi tu penaangki, sia moi misa’kan tae’mo tang pa’de deata napobua’ kamatakurangki lako kalemi, belanna iatu PUANG, Kapenombammi, iamo Kapenomban lan langi’ dao sia diong kuli’na padang.

YOSUA 2:9

anna ma’kada lako nakua: Kuissanmo kumua iate tondok iate Nasorongmo PUANG lako kalemi sia iatu kadikatakurammi narampoimokanni sia mintu’ tau lan tondok ma’parondomo ungkataku’komi.

YOSUA 5:1

Iatonna rangimi mintu’ datu to Amori, tu dio rampe matampu’na Yordan sia mintu’ datu to Kanaan dio randan tasik, kumua Napamarangke PUANG tu uai Yordan dio tingayona to Israel sae lako tappunna lamban tu tau iato mai, raangmi penaanna sia pa’de deata, belanna mataku’ lako to Israel.