NEHEMIA 6:15 - Sura' Madatu

¹⁵ Disundunnimi tu rinding tembo’ tonna allo ma’penduangpulo llima bulan Elul, iamotu lan limangpulo ndua allona.

NEHEMIA 6:15 ပူးပေါင်းရင်းမြစ်များ

EZRA 6:14

Iatu mintu’ pekaamberanna to Yahudi umpatarru’ marampa’ umbangunni tu Banua Kabusungan, tonna attunna ma’nubua’ tu nabi Hagai sia Zakharia, anakna Ido; anna sundunni umbangunni susi pepasanNa Kapenombanna to Israel sia susi parentana Koresh, Darius na Artahsasta, datu Persia.

EZRA 6:15

Napatarru’mi tu pengkarangan iato namalisan tonna allo ma’pentallun bulan Adar, iamo tonna taun ma’pennannan kaparentanna datu Darius.

NEHEMIA 7:1

Iatonna sundunmo dibangun sule tu rinding tembo’, kupalakoimi ba’bana sia kuangka’ tu mai to ma’kampa babangan, to menani sia to Lewi.

PA’PUDIAN 1:3

Belanna sangtinti ia kayu, ditanan dio to’ randan lalan uai, tu membua ke nalambi’mi attunna, sia tang malayu tu daunna, sia mintu’ tu mai napogau’na, umpabu’tuanni kameloan.

PA’PUDIAN 147:2

PUANG tu umbangun Yerusalem, sia umpasipulungi sae tu mintu’ to Israel diula’i lan mai tondokna.

DANIEL 9:25

Issanni sia tandai, kumua randuk dio mai attu tassu’na tu kada la umpemeloi sia umbangunni sule tu Yerusalem sae lako kaparentanna misa’ to ditokko, iamotu misa’ arung, den pitung minggu, sia annan pulona ndua minggu la dinii umpemeloi sia umbangunni, anna torro susito, sola tana lapangna sia kalo’na, apa siappa’ attu kadipakario-rioan.