NEHEMIA 6:13 - Sura' Madatu

¹³ Ia sia nasaroi susito, kumua angku mataku’ sia iake kupogau’i susito la kasalanna’; na iamo la napotete tau iato mai umpakadake lelena’, kumua nalo’bona’.

NEHEMIA 6:13 ပူးပေါင်းရင်းမြစ်များ

NEHEMIA 6:12

Belanna kutandai melo, kumua tae’ Nasuai Puang Matua, sangadinna ia sia nama’nubua’ diona aku, belanna nasaroi Tobia sola Sanbalat.

NEHEMIA 6:6

Disura’ lan susite nakua: Tiseno-senomo dio lu mintu’ bangsa tu kareba sia napamanassamo Gasymu, kumua iatu kamu sola mintu’ to Yahudi ma’tanga’mo la mangea; iamoto mimasara’ umbangunni sule tu rinding tembo’, sia den duka kareba nakua morai dukakomi ade’ dadi datunna tau iato mai.

SARAMBU PEADA’ 22:1

Iatu sanga melo losong ia na ia tu kasugiran kapua sia kamaturu-turuan mandu melo na iatu salaka sia bulaan.

SARAMBU PEADA’ 29:5

Iatu to ussede-sede bang padanna tolino, natananni porro’ tu pentengkana.

TOMANGADA’ 7:1

Mandu melo tu sanga melo na iatu minna’ pandere’ busarungngu’, sia melo iatu allo kamateanna tau na iatu allo kadadianna.

YESAYA 51:7

PerangiiNa’, e kamu to untandai kamaloloan, e bangsa unnanna rara’ Sukaran alukKu lan penaanna. Da mikataku’i tu pelo’bona tolino sia da mipotirambanni tu pebe’sena tau iato mai.

YESAYA 57:11

Namindara tu mukagiang sia mukataku’, ammu tang maruru’mo sia tae’mo muingaranNa’ sia umpalan penaai tu iannato? Iaraka tu masaiNa’ kappa, ammu tang ungkataku’moRa’?

YEREMIA 1:17

La mupori tu aakmu, ammu ke’de’ umpokadai lako tau iato mai tu mintu’ apa la Kupasanangko, da mutiramban belanna tau iato mai, da angKu patirambanko dio tingayona.

YEREMIA 18:18

Attu iato ma’kadami tu tau iato mai nakua: Maikomi tadakaran tangnga’ Yeremia, belanna tae’ lenpa napa’de tu pangadaran dio lu mintu’ to minaa ba’tu pa’timbangan dio lu mintu’ to matarru’ ba’tu kada dio lu mintu’ nabi. Maikomi taotton kadai; sia da taperangii moi misa’ tu kadanna.

YEREMIA 20:10

Belanna kurangimo tu tau buda sibisik-bisik – den kamaramban tiku lao – nakua: Pokadai apara tu la tatandaranni! Mintu’ solaku tu kusikadamakan ummanta-manta katobangangku sia nakua: Lalo sia manii tanaran anta ma’din umpasalai sia umpabala’i.

YEHEZKIEL 2:6

Na iko, e ma’rupa tau, da mukataku’i tu tau iato mai sia da mukataku’i tu kadanna, moi natikuiko a’da’ sola duri sia moi ammu sisola te’tek buku; da mukataku’i tu kadanna sia da mukagiangi tu olona, belanna tau iato mai to pabali-bali.

MATIUS 10:28

Da mikataku’i tu to umpatei batang kaleta, apa tang nakulle umpatei deatanta; apa iatu sipatunna tongan la mikataku’, Iari tu kuasanna ussanggangi nala batang kaleta nala deatanta, lan naraka.

MATIUS 22:15

Tonna iato malemi tu to Farisi sipakulu-kulu umba la nakua umpoya kadai tu Yesu.

MATIUS 26:59

Napatamammi kada pangulu-pangulu to minaa sola mintu’ Ada’ tu Yesu, kumua anna patei;

PENGGAURANNA RASULU’ 6:13

Sia napopentingayo tu sa’bi tang tongan, tu umpokadai kumua: Tae’ natorei te tau iate umpasunanni kada solang te inan maindan sia Sukaran aluk,

2 KORINTUS 11:12

Apa iatu mangkanna kupogau’ la kupogau’ dukapa, angku puttai tu lalanna to undaka’ lalan, anna tiroi lan kapassattuanna kumua pada-pada bangsiakanni.

1 TIMOTIUS 5:14

Iamoto, iatu diongna penaangku, la kemuane nasang tu mai baine balu mangura, sia la ma’dadian tau sia ungkaritutui tu lanna banuanna, sia da anna benni lalan pa’posangan tu uali la nanii umpalele bekoki’.

2 TIMOTIUS 1:7

Belanna tangia kumua Penaa kamatakuran mangka Napa’kamasean Puang Matua lako kaleta, sangadinna Penaa kamatotoran sia pa’kaboro’ sia kauntaloian kale.

TITUS 2:8

sia pa’peissananni tu kada tongan tu tang la disayunna, anna kasirisan tu balinta, belanna tae’ tu la nanii umpokada kadakeki’.

YAKOBUS 4:17

Iamoto, iake to unnissan umpogau’ melo, apa tae’ napogau’i napokasalan.

KADA OMBO’ LAKO RASULU’ YOHANES 21:8

Apa iatu to takuran sia to tang ma’patongan sia to megi’giran, sia mintu’ to papatean, sia to ma’gau’ sala, sia to patiro-tiro, sia to umpenombai deata sia mintu’ to morang, iatu dalle’na la tama limbong tu umpodukku api sia solo’, iamo kamatean ma’penduanna.