NEHEMIA 6:12 - Sura' Madatu

¹² Belanna kutandai melo, kumua tae’ Nasuai Puang Matua, sangadinna ia sia nama’nubua’ diona aku, belanna nasaroi Tobia sola Sanbalat.

NEHEMIA 6:12 ပူးပေါင်းရင်းမြစ်များ

NEHEMIA 6:11

Apa ma’kadana’ kukua: Ma’dinraka misa’ muane susi aku te la mallai? Ma’dinraka tu misa’ tau susi aku te tu tama Banua Kabusungan la tuo? Tae’ kula male.

NEHEMIA 6:13

Ia sia nasaroi susito, kumua angku mataku’ sia iake kupogau’i susito la kasalanna’; na iamo la napotete tau iato mai umpakadake lelena’, kumua nalo’bona’.

YESAYA 56:11

Sia asu iate soko, tae’ natandai dia’; iatu tau iato mai iamoto mangkambi’ tang makaritutu, pada unturu’ kalena lalanna, pada umparinaa kalena sarona, tae’ misa’i dipasalian rinding.

YEREMIA 14:14

Apa ma’kada PUANG lako kaleku Nakua: Tae’ natongan tu apa napokada mintu’ nabi iato tete dio sangangku; tae’ Kusuai tu tau iato mai, ba’tu umpasanni, ba’tu ma’kada lako kalena. Iatu pa’nubua’na lako kalemi iamo patiro mendeata tang tongan sia kapakita-kitan tae’ gai’na sia pa’pakena bu’tu lan penaanna.

YEREMIA 23:16

Nakua kadanNa PUANGna mintu’ ma’dandan maritik, kumua: Da miperangii tu kadanna mintu’ nabi tu ma’nubua’ lako kalemi, belanna tau iato mai umpapusakomi diona apa tae’ gai’na, sia umpokada apa pangala penaanna, tu tae’ natassu’ dio pudukNa PUANG.

YEREMIA 23:25

Kurangimo tu apa napokada mintu’ nabi, tu ma’nubua’ tang tongan, tete dio sangangKu, nakua: Mangkamo’ mangimpi, mangkamo’ mangimpi.

YEREMIA 28:15

Sia nakua duka nabi Yeremia lako nabi Hananya: Perangii, e Hananya, manassa tae’ nasuako PUANG, sangadinna iko napobannang te bangsa iate urrannuan apa tang tongan.

YEHEZKIEL 13:19

MipamatunaNa’ dio tingayona taungKu kumua ammi appa’ dalle sisikan ba’tu pirang-pirang raku’ sia ba’tu pirang-pirang sasa’ roti, la ungka’tu sunga’na tau, tu tae’ nasipatu la mate sia la ungkarimmanni sunga’na tau, tu tae’ nasipatu la tuo, belanna mimo’rangi tu taungKu, tu morai umperangii mo’rang.

YEHEZKIEL 13:22

Belanna miparossomo tu penaanna to malambu’ tete dio kamo’rangan, moi natae’ Kupamasussai, sia mipamatoto’ tu limanna to tang mekaaluk, kumua da natibalik dio mai lalan kadakena, anna tuo.

YEHEZKIEL 13:7

Tang patiro mendeata pa’pakenaraka tu mangka mitiro sia pa’biangan balle tu mipokada, tommi ma’kada kumua: Susito tu kadanNa PUANG anna inang tae’ Kuma’kada?

MIKHA 3:11

Iatu mintu’ pangulu ma’paolai salu ungkande pappe’, sia mintu’ to minaa mangada’ umpalaku saro sia mintu’ nabi pakita-kita umpalaku doi’. Moi na susito iatu tau iato mai sande’ duka lako PUANG sia ma’kada nakua: Tae’raka PUANG dio lu kaleta? Tae’ nala urrampoiki’ kamandasan!

PENGGAURANNA RASULU’ 20:33

Tae’ angku kaduangi salakana tau ba’tu bulaanna ba’tu pakeanna.

1 KORINTUS 12:10

Iatu to senga’ penggauran kalle-kallean, na senga’na pa’nubua’, na senga’na umboronganni mintu’ penaa, na senga’na ma’rupa-rupa pa’kamase diona basa, na senga’na kamanarangan umbattuananni tu basa.

1 KORINTUS 2:15

Apa iatu to umbudanan mempenaanna untimbang mintu’ apa, na moi misa’ tau tae’ untarru’i tu penaanna.

1 TIMOTIUS 3:3

tang pa’anggoro’, ba’tu passiboboran, sangadinna to sallo’ penaanna, tangia to passite’geran sia tangia to ungkaduangi doi’;

TITUS 1:7

Belanna iatu to ma’panundu’ la susito makatirinnanNa Puang Matua tae’ len sayuanna, da nato umpakapua penaanna, da nato madoi’ sengke, da nato pa’anggoro’, ba’tu to passiboboran, ba’tu to mesaro bu’tu kadake;

1 PETRUS 5:2

kambi’i tu mintu’ dombaNa Puang Matua tu mitage’na, da anna susito diparuku sangadinna la sanning penaa situru’ pa’poraianNa Puang Matua; sia da anna butung la morai mesaro bu’tu kadake, sangadinna naturu’ penaa kalebu;

2 PETRUS 2:3

Belanna kabasisi-inaanna nala undaka’ saro dio mai kalemi umpokada kada passede. Masaimo tumaya tu ukungan la urrampoi sia ia duka tu kasangganganna ma’kampa bangmo.

1 YOHANES 4:1

E mintu’ pa’kaboro’ku, da mipatongan bangi tu anggenna penaa, sangadinna sudi dolo tu mintu’na penaa iato, ba’tu la lu dio siai mai Puang Matua; belanna budamo nabi tang tongan bu’tu lan lili’na lino.

KADA OMBO’ LAKO RASULU’ YOHANES 18:13

sia kayu tanik, sia minna’ pandere’, sia kemenian, sia muru, sia dupa, sia uai anggoro’, sia minna’ saitun, sia ta’pung manisak, sia gandung, sia sapi, sia domba, sia darang, sia kareta, sia kaunan sia sunga’ tolino.