NEHEMIA 6:11 - Sura' Madatu

¹¹ Apa ma’kadana’ kukua: Ma’dinraka misa’ muane susi aku te la mallai? Ma’dinraka tu misa’ tau susi aku te tu tama Banua Kabusungan la tuo? Tae’ kula male.

NEHEMIA 6:11 ပူးပေါင်းရင်းမြစ်များ

NEHEMIA 6:12

Belanna kutandai melo, kumua tae’ Nasuai Puang Matua, sangadinna ia sia nama’nubua’ diona aku, belanna nasaroi Tobia sola Sanbalat.

NEHEMIA 6:3

Apa ussuana’ tau male umpokadanni kumua: Marassanna’ ungkarang pengkarangan kapua, iamoto natae’ kuma’din male mati’. Ma’apai nala dipatadang tu pengkarangan, belanna la kutampe, kumale mati’?

NEHEMIA 6:9

Belanna la morai tu tau iato mai umpakataku’kanni, nasanga kumua: Nalangga’ tu limanna tau iato mai natampei tu pengkarangan iato, anna tang dadi. – Iamoto, pematoto’i tu limangku!

PA’PUDIAN 112:6

Belanna tae’ anna la tilende’ tontong sae lakona, sia iatu kadikilalaianna to malambu’ matontongan sae lako.

PA’PUDIAN 112:8

Batta’ tu penaanna sia tae’ anna mataku’ len, sae lako natirona situang kaparannuan tu kamandasanna mintu’ ualinna.

SARAMBU PEADA’ 28:1

Iatu to tang mekaaluk male mallai, moi tae’ tau unnula’i, apa iatu to malambu’ manaman bang nasa’ding susito singa mangura.

TOMANGADA’ 10:1

Iatu ba’tu pira-pira kasisi’ mate umpabosi sia umpare’de salapna to unggaragai salap; susi dukato tu kabagan sidi’, matoto’ unnala penaanna tau na kakinaan sia kamala’biran.

YESAYA 10:18

La Nasopui duka Puang tu kamala’biranna pangala’na sia pa’lakna, la deatanna la batang kalena, – la bali misa’ to marangke kale.

KADIBILANGAN 3:10

Apa lako Harun sia iatu mai anakna la mupasan anna toei tu pentoean to minaa; minda-minda tang sipatu anna reke’i tu pentoean iato, la mate dipongko.

PENGGAURANNA RASULU’ 20:24

Apa tae’mora kuangga’ lenni tu penaangku kumua la denpi patunna lako kaleku, podo Naeloranna’ Puang Matua umpasundun passanan tengkoku sia iatu pentoean mangka Napadudunganna’ Puang Yesu, tu la ungkatottongi Kareba-kaparannuan diona pa’kamaseanNa Puang Matua.

PENGGAURANNA RASULU’ 21:13

Nakuami Paulus mebali: Apara ga’imi tumangi’ sia umparanggang penaangku? belanna aku te kukaringnganan tangia dipungo manna sangadinna dipatei duka dio Yerusalem tu belanna sanganNa Puang Yesu.

PENGGAURANNA RASULU’ 8:1

Naporaimi Saulus tu diona Stefanus mate dipongko. Tonna attu iato narampoimi kadipakario-rioan kapua tu kombongan to Sarani dio Yerusalem, natisambo’-sambo’ dio lu mintu’ tana Yudea sia Samaria, ia mannamo tu mai rasulu’.

FILIPI 2:17

Moi susinna anna dipato’do raraku dibolloan pemala’ sia pesuru’ kapatonganammi, parannu duka penaangku sia sende-sendena’ sisola kamu massola nasang,

FILIPI 2:30

Belanna diona pengkaranganNa Kristus anna sidi’ namate, untibe sunga’na la umpaganna’i tu apa kurang diona kamiparakaingku.

IBRANI 11:27

Bannang dio dukamora kapatonganan anna tampei tu tondok Mesir tang ungkataku’ kasengkeanna datu, belanna bantang ia butung ungkita To tang kakitanan.

1 SAMUEL 19:5

Belanna tae’ nadampangi tu sunga’na tonna patei tu to Filistin sia Napaden PUANG tu kadilendokan kapua lako mintu’ to Israel. Mitiromo tu iannato ammi poparannui. Apa bannangna ammi la umpogau’ra kasalan lako rara tang sala sia la umpatei Daud natae’ silalanna?