NEHEMIA 6:1 - Sura' Madatu

¹ Iatonna rangimi Sanbalat, Tobia sia Gesyem, to Arab, sia mintu’ uali senga’ta, kumua kusundunnimo umbangunni sule tu rinding tembo’ sia tae’mo torro tu lo’bangna, moi tae’pa kupalakoi tu ba’bana lan babangan,

NEHEMIA 6:1 ပူးပေါင်းရင်းမြစ်များ

NEHEMIA 13:4

Iato pura lendu’na dio mai attu iate iatu to minaa Elyasib, tu diangka’ ungkampai ba’tu pira-pira bilik lan banuanNa Kapenombanta, tu sisangdadian Tobia,

NEHEMIA 2:10

Iatonna rangimi Sanbalat, to Horon sia Tobia, kaunan to Amon, lendu’mi mapa’di’na penaanna, kumua saemo misa’ tau la undakaran melo to Israel.

NEHEMIA 2:19

Iatonna rangimi Sanbalat, to Horon sia Tobia, kaunan to Amon sia Gesyem, to Arab tu iannato, ma’tellemi sia ma’lo’bo tu tau iato mai lako kaleki, nakua: Apa toda kamu mipogau’? La umbalirokomika datu?

NEHEMIA 3:1

Ta’kala ke’de’mi tu Elyasib, tominaa kapua, sola mintu’ siulu’na, iamotu mintu’ to minaa, anna bangunni tau iato mai sule tu babangan Domba. Napamaindanmi sia napalakoi ba’bana, napamaindanmi tau iato mai sisola duka tu menara Mea na menara Hananeel.

NEHEMIA 3:3

Iatu babangan Bale nabangun bati’na Senaa sule; narattiangi sia naba’bai sia napalakoi salli’na sia gontingna.

NEHEMIA 3:6

Iatu babangan Dolo napemeloi Yoyada, anakna Paseah, sia Mesulam, anakna Besoja. Narattiangi sia naba’bai sia napalakoi salli’na sia gontingna.

NEHEMIA 4:1

Apa iatonna rangimi Sanbalat kumua kibangunmo sule tu rinding tembo’, re’dekmi tu ara’na sia mapa’dik tu penaanna. Natelle-tellemi tu to Yahudi,

NEHEMIA 7:1

Iatonna sundunmo dibangun sule tu rinding tembo’, kupalakoimi ba’bana sia kuangka’ tu mai to ma’kampa babangan, to menani sia to Lewi.

DANIEL 9:25

Issanni sia tandai, kumua randuk dio mai attu tassu’na tu kada la umpemeloi sia umbangunni sule tu Yerusalem sae lako kaparentanna misa’ to ditokko, iamotu misa’ arung, den pitung minggu, sia annan pulona ndua minggu la dinii umpemeloi sia umbangunni, anna torro susito, sola tana lapangna sia kalo’na, apa siappa’ attu kadipakario-rioan.