NEHEMIA 5:13 - Sura' Madatu

¹³ Sia kupentambakan tu sepu’ bayu lamba’ku angku ma’kada kukua: Susi dukato Natibe Puang Matua lan mai banuanna sia dio mai iananna tu mintu’ tau tae’ napalanda’i tu pangallu’ iate, nasusito matambak male anna lo’bang. Ma’kadami tu mintu’ kombongan nakua: Amin, sia napudi tu PUANG. Naturu’mi mintu’ bangsana te kada iate.

NEHEMIA 5:13 ပူးပေါင်းရင်းမြစ်များ

2 DATU 23:3

Bendanmi tu datu dio to’ lentong, anna tanan misa’ basse’ dio oloNa PUANG, kumua naturu’i tau tu PUANG sia lantuk penaanna sia deatanna ungkaritutui tu pepasanNa sia kasa’bianNa sia mintu’ tu aluk Napondok sia untoe manda’i tu mintu’ kada basse tu disura’ lan sura’ iate. Iatu mintu’ to buda tamamo basse iato.

1 OSSORANNA DATU 16:36

Mintu’na kadipangkeran lu langngan nasang PUANG, Kapenombanna to Israel, tempon dio mai tontong landa’ lako attu situran. Namintu’ to buda ma’kada nakua: Amin, sia: Pudimi tu PUANG.

NEHEMIA 8:6

Nabungka’mi Ezra tu sura’ iato natiro mintu’ bangsana, belanna bendan madao na iatu mintu’ tau iato mai. Iatonna bungka’mi tu sura’ iato, bendanmi tu mintu’ bangsana.

PA’PUDIAN 119:106

Mangkamo’ umpalao sumpa sia la kupakatua te iannate: La kukaritutui tu mintu’ atoran malambu’Mi.

PA’PUDIAN 50:14

Pennoloanni lako Puang Matua tu pa’kurre sumangasan, sia palesso’i tu mintu’ pangallonammu lako Puang Patodoranna.

PA’PUDIAN 76:11

Manassa napudiKomi tu to masarrang, sia to masarrang tinampepa Mitaro’to’.

SARAMBU PEADA’ 28:4

Iatu to umboko’i sukaran aluk, umpudi to tang mekaaluk, apa minda-minda ungkaritutui sukaran aluk napomatana’ tu tau iato.

TOMANGADA’ 5:5

Da mupopa’elo’nai tu pudukmu umbaako tama kasalan, ammu ma’kada dio tingayona sumbung pudukNa Puang Matua kumua mangka lendu’ tu kadangku. Ma’apai mula umpare’dekki ara’Na tu Puang Matua diona tu kadammu, Naurunganni ussanggangi tu panggaraga limammu?

KADIBILANGAN 5:22

Belanna uai iate, tu umpaden tampak ropu, la rampo tama ba’tengmu la umpakambang tambukmu sia umpamarangke pupummu. La mebali tu baine iato nakua: Amin, amin.

MATIUS 10:14

Minda-minda tu tang untarimakomi, ba’tu tang umperangii kadammi, sunkomi lan mai banua ba’tu kota iato, mipentambakanni tu barra’-barra’ dio pala’ lentekmi.

PENGGAURANNA RASULU’ 13:51

Napentambakammi tinde rasulu’ tu barra’-barra’ le’ke dio pala’ lentekna, tanda sa’bi salana tu tau, anna male lako Ikonium.

PENGGAURANNA RASULU’ 18:6

Apa iatonna mangea tu tau sia ma’kada solang, narimbakammi tu pakeanna sia ma’kada lako tu tau nakua: Narampoi misamorokomi kamu tu kasanggangan; tae’mo aku na aku sala; randuk te attu iate angku la lu lako to kapere’.

1 KORINTUS 14:16

Iake tae’i nasusito, iake ma’kurre sumanga’ko sisola penaa umba la nakua tu to sa’buran ma’perangi, la ma’amin diona pa’kurre sumanga’ mu? Anna tae’ naissanni tu kadammu?

1 SAMUEL 15:28

Nakuami Samuel lako: Allo ia dukate, anNa alai PUANG tu kadatuan Israel dio mai kalemi, Nakamaseanni to senga’ tu melo anna kamu.