NEHEMIA 4:15 - Sura' Madatu

¹⁵ Iatonna rangimi ualingki kumua kiissan nasangmo sia Nadampamo Puang Matua tu tangnga’na, ma’dinmokan sule nasang lako to’ rinding tembo’ pantan lako pa’diamanna.

NEHEMIA 4:15 ပူးပေါင်းရင်းမြစ်များ

2 SAMUEL 15:31

Attu iato napokadami tau lako Daud nakua: Iatu Ahitofel dio lu sola tu to sipakulu-kulu Absalom. Nakuami Daud: O PUANG, padampai tu pa’timbanganna Ahitofel.

2 SAMUEL 17:14

Nakuami Absalom sia mintu’ to Israel: Iatu pa’timbanganna Husai, to Arki melo na pa’timbanganna Ahitofel. Apa inang pangelorannamo PUANG susito, belanna la Nadampa tu pa’timbanganna Ahitofel, kumua anNa pasaeanni kasanggangan PUANG tu Absalom.

NEHEMIA 4:16

Sia randuk allo iato iatu taungku sesena mengkarang na iatu sesena untoe doke, balulang, pana sia ma’bayu kararran, na iatu mai kamandang bendan dio boko’na mintu’ to Yehuda,

SARAMBU PEADA’ 21:30

Tae’ tu kakinaan sia tae’ tu tangnga’ kinaa, tae’ duka tu bisara, ke umpennoloiki’ PUANG.

YESAYA 44:25

Akumo tu undampa tanda-tandana to untannun kamo’rangan sia Aku dukamo tu umpatolle mintu’ to pakita-kita; mintu’ to paissan Kupamaling sia iatu kapaissananna baga.

YESAYA 8:10

Iatu apa mikombongan, inang tang la danun; iatu kada misama turu’i, tang la lolo’, belanna Narondongkan Puang Matua.

MARKUS 13:34

Iatu iannato susi misa’ to male lako padang mambela, untampe banuanna sia napakuasa tu mai kaunanna, sia pantan napatakoi pengkaranganna, anna mepasan lako to ma’kampa ba’ba, kumua anna ma’penanda-nanda.

ROMA 12:11

Da milangga’ lan sara’mi; paparrukki tu penaammi, mengkaolakomi lako Puang.

1 TESALONIKA 4:11

Sia mipomala’bi’ tu tuo rapa’ penaa, ammi parinaai tu pengkarangammi, sia unnosok rangka’mi, susitu mangka kipasanangkomi;