NEHEMIA 3:8 - Sura' Madatu

⁸ Dio sa’dena ma’pemeloi tu Uziel, anakna Harhaya, misa’i pande bulaan; dio sa’dena pole’o ma’pemeloi tu Hananya, misa’ to ma’bangki’. Iatu tau iato mai tae’mo namanggi’ mengkarang dio Yerusalem dio to’ rinding tembo’ makamban.

NEHEMIA 3:8 ပူးပေါင်းရင်းမြစ်များ

KADADIAN 50:2

Nasuami Yusuf tu mintu’ taunna tu ma’dampinna umbangki’i batang rabukna ambe’na; napalakoimi pebangki’ mintu’ to ma’dampi tu batang rabukna Israel.

NEHEMIA 12:38

Iatu sangtorroan to menani tu ma’penduanna, tu male senga’ sitingoan tu misa’na sia undi kuturu’ sola tu sesena to buda, unnola rinding tembo’ ullendu’i menara Panglallangan sae lako rinding tembo’ kalua’;

KATASSURAN 30:25

Iamoto tu la mugaragai minna’ maindan la dipa’minnakan sia dipa’tokkoan iamotu misa’ panggaraga pebangki’ dipasirau melo, susi panggaraga pande ma’bangki’; iamoto tu la dadi minna’ maindan la dipa’minnakan.

TOMANGADA’ 10:1

Iatu ba’tu pira-pira kasisi’ mate umpabosi sia umpare’de salapna to unggaragai salap; susi dukato tu kabagan sidi’, matoto’ unnala penaanna tau na kakinaan sia kamala’biran.

YESAYA 46:6

Tau iato mai umbolloan bulaan lan mai poro’-poro’ sia untimbang salaka dao timbangan; nasaroi tu pande bulaan, anna garaganni rapang-rapang dipodeata namalinguntu’ menomba dio olona.