NEHEMIA 3:21 - Sura' Madatu

²¹ Sia iatu tarru’na male napemeloi Meremot, anakna Uria, anakna Hakos, iamotu siumpu’na randuk dio mai babangan banuanna Elyasib sae lako tampak banuanna Elyasib.

NEHEMIA 3:21 ပူးပေါင်းရင်းမြစ်များ

1 OSSORANNA DATU 4:8

Kos undadian Anub na Hezobeba, sia ia duka tu bati’na Aharhel, anakna Harum.

EZRA 2:61

sia dio mai mintu’ bati’na to minaa: bati’na Habaya, bati’na Hakos na bati’na Barzilai, tu mangka unnala misa’ baine, bati’na Barzilai, to Gilead, napobainei sia naala tu sanganna tau iato naposangai.

EZRA 8:33

Iatonna allo ma’penna’pa’ ditimbangmi tu mintu’ salaka sia bulaan sia pareanan lan banuanNa Kapenombanta, nakampai Meremot, anakna Uria, iamotu tominaa; iatu nasisolan dio iamotu Eleazar, anakna Pinehas, sia ia duka tu nasisolan tau iato mai, iamotu Yozabad, anakna Yesua, sia Noaja, anakna Binui, iamotu to Lewi, –

NEHEMIA 3:1

Ta’kala ke’de’mi tu Elyasib, tominaa kapua, sola mintu’ siulu’na, iamotu mintu’ to minaa, anna bangunni tau iato mai sule tu babangan Domba. Napamaindanmi sia napalakoi ba’bana, napamaindanmi tau iato mai sisola duka tu menara Mea na menara Hananeel.

NEHEMIA 3:20

Sia iatu tarru’na male birisan tongan tu Barukh, anakna Zabai umpemeloi tu siumpu’na randuk dio mai to’ katetuk sae lako babangan banuanna, tominaa kapua Elyasib.

NEHEMIA 3:22

Sia iatu tarru’na male ma’pemeloi dio tu to minaa, iamotu to torro dio lu Padang.

NEHEMIA 3:4

Dio sa’dena tau iato mai ma’pemeloi tu Meremot, anakna Uria, anakna Hakos. Na diona pole’o sa’dena ma’pemeloi tu Mesulam, anakna Berekhya, anakna Mesezabeel. Dio sa’dena ma’pemeloi tu Zadok, anakna Baana.

NEHEMIA 7:63

sia dio mai mintu’ to minaa: bati’na Habaya, bati’na Hakos na bati’na Barzilai tu mangka unnala misa’ baine, bati’na Barzilai to Gilead, napobainei sia naala tu sanganna tau iato naposangai.