NEHEMIA 3:15 - Sura' Madatu

¹⁵ Iatu babangan Kalimbuang napemeloi Salum, anakna Kolhoze, kapala lembang Mizpa; anna bangunni sule sia napapa-sapei sia naba’bai anna palakoi salli’na sia gontingna, ondongpi (nabangun sule) tu rinding tembo’ limbong tu nanii uai saruran tama, sikandappi’ pa’lakna datu sae lako eran tu solo’ dao mai kotana Daud.

NEHEMIA 3:15 ပူးပေါင်းရင်းမြစ်များ

2 SAMUEL 5:9

Torromi Daud lan kota ditambakuku iato, anna sangai tondok Daud; napalilingimi Daud rinding tembo’ randuk dio mai Milo ma’palutama.

2 DATU 25:4

ditossomi tu tambakuku kota, anna mallai tu mintu’ surodadu tonna bongi unnola babangan naparitangnga da’dua benteng tembo’ sirondong pa’lakna datu – na iatu to Kasdim umpatama limbu kota iato –, apa moi susito unnola bang lalan lu lako Araba-Yordan.

2 OSSORANNA DATU 32:30

Hizkia duka untampoi tu saruran Gihon tu rampe daoan, anna palolongi tu uainna rokko ma’palulako rampe matampu’na kotana Daud. Iatu mintu’ apa nagaragai Hizkia, napaupu’ marampa’.

NEHEMIA 12:37

Iatonna lendu’mo dio to’ babangan Kalimbuang, kendekmi langngan unnola eran kotana Daud dio tingayona, tu nanii rinding tembo’ ma’palulangngan, ullendu’i tongkonan layukna Daud, nake’de’ tu tau iato mai sae lako babangan Uai dio rampe matallo.

NEHEMIA 2:14

Tarru’mo’ lako babangan kalimbuang sia lako limbong datu, apa inde to dio sukku’mo la naolai tarru’ tu olo’-olo’ kusakei.

NEHEMIA 2:17

Attu iato ma’kadamo’ lako tau iato mai kukua: Mitiromo tu kadipandasanta, kumua iatu Yerusalem sanggangmo na iatu mai babanganna puramo diballa api. Maikomi tabangunni sule tu rinding tembo’ Yerusalem, anna damo tapomatunai.

NEHEMIA 3:12

Dio sa’dena ma’pemeloi tu Salum, anakna Halohesh, kapala sesena lembang Yerusalem, la ia la mintu’ anakna baine.

NEHEMIA 3:14

Iatu babangan Au napemeloi Malkia, anakna Rekhab, kapala lembang Bet-Kerem. Nabangun sule, sia naba’bai, anna palakoi salli’na sia gontingna.

NEHEMIA 3:19

Dio sa’dena tu Ezer, anakna Yesua, kapala lembang Mizpa, umpemeloi tu siumpu’na, sitingoan lalan tuka’ langngan inan pangnannan pa’buno tu dio to’ katetuk.

NEHEMIA 3:7

Dio sa’dena tau iato mai ma’pemeloi tu Melaca, to Gibeon, sia Yadon, to Meronot, sia to Gibeon sia to Mizpa, tu naparenta to maraa lompo dio lili’ sambalinna lu Salu.

NEHEMIA 3:9

Dio sa’dena tau iato mai ma’pemeloi tu Refaya, anakna Hur, kapala sesena lembang Yerusalem.

TOMANGADA’ 2:6

sia kugaragaimo tu ba’tu pira-pira limbong, nanii tassu’ uai la ussakka’i tu pangala’ mane ditananni kayu.

YESAYA 8:6

Tu belanna tang nabilang bangsa iate tu uai Syiloah, tu lolong unnentang, sia umposende diona Rezin na anakna Remalya,

YEREMIA 40:6

Susimoto tu kasaeanna Yeremia lako Gedalya, anakna Ahikam, dio Mizpa, anna torro sola dio lu to buda, tu torrona siapa dio padang iato.

LUKAS 13:4

Na iatu sangpulo karua tau nasongkai menara dio Siloam namate, misangaraka ondong ia kapuana salana na mintu’ to torro dio Yerusalem?

YOHANES 9:7

sia Nakua ungkuanni: Laomoko umbasei lako limbong Siloam!, ke dipallemba’i battuananna: Disua. Laomi nabasei, nasule millikmo matanna.

TO PARENGNGE’ 20:1

Ta’kala pada sunmi tu mintu’ to Israel; randuk dio mai Dan sae lako Bersyeba sia dio duka mai tondok Gilead sirampun sae butung to misa’ri, mennolo lako PUANG dio Mizpa.

TO PARENGNGE’ 20:3

– Narangimi to Benyamin kumua sae nasang tu to Israel lako Mizpa. – Ma’kadami tu mintu’ to Israel nakua: Uleleanni umbara nakua to kakadakean iato.