NEHEMIA 2:6 - Sura' Madatu

⁶ Ma’kadami datu lako kaleku tonna unnisung tu bainena dio sa’dena, nakua: La sangapara mulingkai sia piran ammu la sule? Iatongku pamanassami tu attunna, nakalo’mi penaanna datu ussuana’.

NEHEMIA 2:6 ပူးပေါင်းရင်းမြစ်များ

NEHEMIA 1:11

O PUANG, tananni talingamMi tu passambayangna taumMi sia iatu passambayangna mintu’ taumMi, tu parannu penaanna ungkabangnga’ sangamMi, sia pamaupa’i tu taumMi allo iate, dennoupa’ nalolongan kamamasean dio olona tau iate. Belanna iate aku te pangulu to ma’pairu’na datu.

NEHEMIA 13:6

Apa iatonna dadi tu mintu’ apa iato, tae’ angku dio Yerusalem, belanna iatonna taun ma’tallungpulona ndua kaparentanna Artahsasta, datu Babel, malemo’ umpennoloi datu. Apa iatonna ba’tu sangapa-apamoto, messimanmo’ lako datu la sule.

NEHEMIA 2:4

Ma’kadami datu lako kaleku nakua: Apara palakummu? Attu iato massambayangmo’ lako Puang Matua dao suruga.

NEHEMIA 2:5

Ma’kadana’ lako datu kukua: Iake napasituru’i datu sia iake nakalo’na’ penaanna, la misuana’ lako Yehuda lako kota tu nanii lamunanna nene’ to doloku, angku bangunni sule.

NEHEMIA 5:14

Randuk allo iato naangka’mo’ datu Artahsasta dadi to maraa dio tondok Yehuda, randuk dio mai taun ma’penduangpulo kaparentanna sae lako taun ma’pentallungpulo ndua, den sangpulo dua taunna, tae’ kutarima len pa’kasian to maraa, la aku la mintu’ siulu’ku.

YESAYA 58:12

Sia solamu la umbangunni sule tu kota masai allomo daun lauan sia la muoton pole tu parandangan ra’da pariamamo, anna sangaiko tau: to umpemeloi tembo’ tuan sia to umpasule batatta.

YESAYA 61:4

Attu iato la napemeloi sule tu kota masaimo daun lauan sia la nabangun pole tu inan disanggang pirambongi’ sia la umba’rui tu mintu’ kota ro’pok tu mangsanmo disituran-turananni.

YESAYA 65:24

La dadi, iake tae’pi nameongli’ tu tau iato mai, la mebaliMo’ sia iake marassan bangsiai ma’kada, la Kutarimamo.

DANIEL 9:25

Issanni sia tandai, kumua randuk dio mai attu tassu’na tu kada la umpemeloi sia umbangunni sule tu Yerusalem sae lako kaparentanna misa’ to ditokko, iamotu misa’ arung, den pitung minggu, sia annan pulona ndua minggu la dinii umpemeloi sia umbangunni, anna torro susito, sola tana lapangna sia kalo’na, apa siappa’ attu kadipakario-rioan.