NEHEMIA 2:20 - Sura' Madatu

²⁰ Apa kubali tu tau iato kukua: iatu Puang Matua dao suruga Iamo la umpamaupa’ pengkarangangki, na kami, te taunNa, la ke’de’ umbangunni; apa iatu kamu tae’ taami ba’tu patu borongmi ba’tu kadipengkilalaiammi lan Yerusalem.

NEHEMIA 2:20 ပူးပေါင်းရင်းမြစ်များ

2 OSSORANNA DATU 26:5

Undaka’ Puang Matua tempon tuona Zakharia, tu unnada’i mengkaola lako Puang Matua; temponna undaka PUANG, Napamaupa’ Puang Matua.

EZRA 4:3

Apa mebali tu Zerubabel, Yesua sia mintu’ pangulu rapu senga’na to Israel lako tau iato mai, nakua: Tae’ misipatu kumua la sisolaki’ umpabendananni misa’ banua tu Kapenombangki, belanna kami kalena la umpabendananni PUANG, Kapenombanna to Israel, susitu napasan datu Koresh, iamotu datu Persia, lako kaleki.

NEHEMIA 1:4

Iatongku rangii te mintu’ kada iate, unno’ko’mo’ tumangi’ sia ma’pote dibolong ba’tu pirang-pirang allo. Ma’puasa dukamo’ sia massambayang dio oloNa Puang Matua dao suruga,

NEHEMIA 2:4

Ma’kadami datu lako kaleku nakua: Apara palakummu? Attu iato massambayangmo’ lako Puang Matua dao suruga.

ESTER 4:11

Iatu mintu’ to diala pareana datu sia mintu’ pa’tondokan propinsinna datu unnissanni, kumua lako minda-minda, la muane la baine, tu tama mennolo lako datu dio tingayo bilik lanna lu, anna tae’ naditambai, misa’ri ukunganna, iamotu la dipatei. Sangadi, ke nadullui datu tekken bulaan kadatuan, ia mannapito namane makarimman. Lan te tallungpulomo allona tae’ natambai lenna’ datu.

PA’PUDIAN 102:17

Belanna Nabangunmo PUANG tu Sion, anna payan tu Puang situang kamala’biranNa.

PA’PUDIAN 122:6

Palakuanni kamarampasan tu Yerusalem, sangapaoi anna rapa’ tu to ungkamali’ko.

PA’PUDIAN 20:5

Sangapoi anNa pa’kamaseanni mati’ tu lanna penaammi, anNa padenangkomi tu mintu’na lalan tangnga’mi.

PA’PUDIAN 35:27

Melo ke mela’tekki sia sende paimanni tu mintu’ to umporai tu kaunnolaiangku salu; sia la tontong napokada kumua: Kapua paanNa tu PUANG. Tu umporai taunNa ke unnappa’i kasalamaran.

PA’PUDIAN 51:18

Belanna tae’ Mianga’i tu pemala’ pangrere’, kenna la susito, manassa la kupemalaran; sia iatu pemala’ ditunu pu’pu’ tae’ duka naalai penaamMi.

KATASSURAN 28:29

Susimoto la narengnge’ Harun tu mintu’ sanganna anakna Israel lan pesambo ara’ pangra’ta’ daona lu penaanna, ke tamai inan maindan la misa’ kapengkilalan matontongan dio oloNa PUANG.

TOMANGADA’ 7:18

Melo ke mukaritutui tu misa’ sia da murampananni tu misa’na, belanna minda-minda ungkataku’ Puang Matua la tilendok dio mai mintu’nato.

YESAYA 56:5

La Kuben tanda kapengkilalan sia sanga tu tau iato mai mandu melo anna mintu’ pia muane sia baine lan banuangKu sia lanna lu nalili’ rinding tembo’Ku; Kubenmo misa’ sanga matontongan sia tang la dipa’dei.

SURA’ KATOMINAAN 2:2

Anna baai lako anakna Harun, to minaa; ke mangkai naalai to minaa sangka’pan tu ta’pung manisak iato sia minna’ sisola tu dupa, natunui tu pemala’ iato dao inan pemalaran iamo pemala’ kapengkilalan la dipopemala’ pantunu, la dipobau busarungngu’ dio oloNa PUANG.

SURA’ KATOMINAAN 24:7

La mupannii dupa masero dao tu roti manipi’ dipasitoppo’, ke sangtoppo’oi; la dipopemala’ kapengkilalan tu roti iato, iamotu misa’ pemala’ pantunu dipemalaran lako PUANG.

ZAKHARIA 6:14

Na iatu makota iato la torro lan banua kabusunganNa PUANG dipotanda kapengkilalan diona Heldai, Tobia, Yedaya na Yosia, anakna Zefanya.

KADIBILANGAN 10:10

Susi dukato ke allo kaparannuammi, ke pa’maruasammi sia ke allo bunga’ sombona bulanmi, la mipannoni tu tarompe’ pissan dipamurru’, ke umpogau’komi pemala’ ditunu pu’pu’ sia pemala’ kasalamaran; iatu iannato la umpakilalakomi dio oloNa Kapenombammi: Akumo tu PUANG, Kapenombammi.

PENGGAURANNA RASULU’ 10:31

nakua: E, Kornelius, ditarimamo tu passambayangmu, sia Napengkilalai Puang Matua tu pa’kamaseammu.

PENGGAURANNA RASULU’ 10:4

Lendu’mi mataku’na mentiro lako malaeka’ sia nakua: Apara mitungkanan, Puang? Nakuami lako: Mintu’na passambayangmu sia pa’kamasemu rampomo langngan Puang Matua sia Napengkilalai.

PENGGAURANNA RASULU’ 8:21

Tae’ mutamai ba’tu tae’ taamu lan te kada iate: belanna tae’ namalambu’ penaammu langngan Puang Matua.