NEHEMIA 2:1 - Sura' Madatu

¹ Iatonna bulan Nisan taun ma’penduang – pulona kaparentanna datu Artahsasta, tonna sakka’ tu uai anggoro’ dio tingayona, kuangka’mi tu uai anggoro’, kutadoanni datu. Tae’ lenpa kumasussa to lendu’na dio olona datu.

NEHEMIA 2:1 ပူးပေါင်းရင်းမြစ်များ

KADADIAN 40:11

Iatu irusanna Firaun kutoe angku alai tu bua anggoro’, kuparrai tama irusanna Firaun, kumane umpennoloanni tu irusan iato lako Firaun.

KADADIAN 40:21

Napatamai tu pangulu pa’kampa pangiru’ tama toena sule, kumua napennoloan polei tu irusan lako Firaun.

EZRA 4:7

Apa iatonna linona Artahsasta unggaragaimi misa’ sura’ tu Bislam, Mitredat, Tabeel sia iatu sangpangka’ senga’na lako Artahsasta, datu Persia; iatu sura’ iato disura’ lan basa Aram, sibaa misa’ pallemba’na.

EZRA 7:1

Iatonna mangkamo tu mintu’ apa iato, tonna ma’parenta tu Artahsasta, datu Persia, ke’de’mi tu Ezra, anakna Seraya, anakna Azarya, anakna Hilkia,

EZRA 7:7

Ke’de’ dukami tu ba’tu pira-pira to Israel sia tominaa, sia to Lewi, sia tomenani, sia toma’kampa babangan sia topabali-balian lan Banua Kabusungan, lako Yerusalem, tonna taun ma’pempitu kadatuanna Artahsasta.

NEHEMIA 1:1

Inde sia tu tuna’na Nehemia, anakna Hakhalya. Iatonna bulan Kislew, taun ma’penduangpulo, tongku lan tambakuku Susan,

NEHEMIA 1:11

O PUANG, tananni talingamMi tu passambayangna taumMi sia iatu passambayangna mintu’ taumMi, tu parannu penaanna ungkabangnga’ sangamMi, sia pamaupa’i tu taumMi allo iate, dennoupa’ nalolongan kamamasean dio olona tau iate. Belanna iate aku te pangulu to ma’pairu’na datu.

ESTER 3:7

Iatonna bulan bunga’na, iamotu bulan Nisan, taun ma’pessangpulo duanna kadatuanna Ahasweros, nabuangmi tau tu Pur dio olona Haman – iamotu pa’loterei – la umpamanassa misa’ allo dio mai mintu’ allo sia misa’ bulan dio mai mintu’ bulan sae lako bulan ma’pessangpulo dua, iamo bulan Adar.

DANIEL 9:25

Issanni sia tandai, kumua randuk dio mai attu tassu’na tu kada la umpemeloi sia umbangunni sule tu Yerusalem sae lako kaparentanna misa’ to ditokko, iamotu misa’ arung, den pitung minggu, sia annan pulona ndua minggu la dinii umpemeloi sia umbangunni, anna torro susito, sola tana lapangna sia kalo’na, apa siappa’ attu kadipakario-rioan.