NEHEMIA 13:15 - Sura' Madatu

¹⁵ Attu iato kutiromi tu ba’tu pira-pira tau lan Yehuda tu umparra bua anggoro’ tonna allo katorroan, sia umbaai tu ba’tu pirang-pirang uyun gandung, nateke’ dao keledai, sia ia duka tu uai anggoro’, bua anggoro’, bua ara sia mintu’ apa diteke’, tu nabaa lako Yerusalem tonna allo katorroan. Kuta’tan tu tau iato, tonna umbalukan kande.

NEHEMIA 13:15 ပူးပေါင်းရင်းမြစ်များ

2 OSSORANNA DATU 24:19

Nasuami tu ba’tu pira-pira nabi lako tau iato mai, kumua anna pasulei lako PUANG; moi napakilala nabi tu tau iato mai, apa tae’ naperangii.

NEHEMIA 10:31

Sia iake saei umbaa balukanna tu bangsa lan tondok iate sia ma’rupa-rupa gandung lan allo katorroan la umbalukki, tae’ tala unnallii, ke allo katorroan ba’tu sala umbanna misa’ allo maindan, sia lan taun ma’pempitu iatu mai padang la tapopa’elo’na talo sia iatu mai pa’peindan moi misa’ tae’ tala untungkai.

NEHEMIA 10:32

Sia tapatakoi kaleta la ussorong taa tallunna sikele’ ke sangtaunoi, lako kamenomban lan banuanNa Kapenombanta:

NEHEMIA 13:16

Iatu to Tirus, tu ma’tondok dio, umbaa bale sia ma’rupa-rupa balukan, tu nabalukan tonna allo katorroan lako to Yehuda sae tama Yerusalem.

NEHEMIA 13:21

Kupakilalami tu tau iato mai kukua: Ma’apai ammi ma’bongi dio salian rinding tembo’ iate? Iake mipogau’pi pissanto, manassa kutingkankomi. Randuk attu iato tae’mo nasae tu tau iato mai, ke allo katorroan.

NEHEMIA 9:29

Miada’i tu tau iato mai la umpasulei lako sukaran alukMi, apa matampo, manoka umperangii tu pepasanMi sia untengkai atoramMi. Iake naturu’i tau la napotuo. Apa napopenggega’ tu palempengna tau iato mai sia napabattuk tu penaanna sia manoka ma’perangi.

AYUB 39:12

Morai siaraka tunduk lako kalemu tu sapi lampung, morairaka ma’bongi dio to’ inan pa’pakandean sapimmu?

PA’PUDIAN 50:7

Perangii, e taungKu, angKu ma’kada, e Israel, la Kupakanassangko, kumua: Akumo Kapenomban, tu Kapenombammu.

KATASSURAN 31:12

Ma’kadami tu PUANG lako Musa Nakua:

KATASSURAN 31:16

Iamoto anna mintu’ to Israel la ussiosso’i nakaritutui tu allo katorroan, ke napakarayai, anna pobasse matontonganni.

KATASSURAN 34:21

Lan annan allona la munii mengkarang, apa allo ma’pempitu la mutorroi; moi attu ma’tengko moi attu pegandungan la mutorroi.

KATASSURAN 35:2

Sipatu lan annan allona la dinii mengkarang, apa iake allo ma’pempitu la mipoattu maindan, iamo misa’ allo katorroan sundun lako PUANG: minda-minda tu mengkarang allo iato, la dipatei.

SARAMBU PEADA’ 28:4

Iatu to umboko’i sukaran aluk, umpudi to tang mekaaluk, apa minda-minda ungkaritutui sukaran aluk napomatana’ tu tau iato.

YESAYA 58:13

Iake tang ullullu’ko allo katorroan umpogau’ pengkarangammu, iamotu allo maindanKu, sangadinna ke musangai allo kasendeammu tu allo katorroan, sia mutanda bilangi tu allo dipamaindanan PUANG, tu sielle’ dipangke’ sia umpakala’bi’i tu allo iato tang unturu’ kalena lalanmu ba’tu umpogau’ pengkarangammu, ba’tu umpasun kada tang kebattuan,

YEREMIA 17:24

Apa iake miperangii tonganNa’ kadanNa PUANG, sia tae’ mibaa pamaan tama babangan kota iate, sangadinna mipamadatu tu allo katoroan ammi tang mengkarang allo iate,

YEREMIA 17:27

Apa iake manokakomi umperangiiNa’, kumua: la mipamadatu tu allo katorroan sia da mimamaa sia umbaa pamaan tama babangan Yerusalem ke allo katorroan, manassa la umpadukkuNa’ misa’ api lan babanganna, tu la ussappii mintu’ tongkonan layukna Yerusalem sia tang pa’de-pa’deanna.

YEREMIA 42:19

Ma’kadamo tu PUANG lako kalemi, e kamu mintu’ to Yehuda tu torronapa: Da mimale lako Mesir! La miissan melo kumua kupakilala tongankomi.

YEHEZKIEL 20:13

Apa pabali-bali tu to Israel lako Kaleku lan padang pangallaran; tae’ naturu’i tu apa Kupondok sia natibe tu atorangKu, tu napotuo tau, ke naturu’i. Napamatuna liu tu allo katorroangKu, Kuurungan untangnga’i la umbarrakanni tu kare’dekan ara’Ku lako tau iato mai lan lu padang pangallaran la ussabu’i.

AMOS 8:5

tu ma’tangnga’-tangnga’ kumua: Sangapapira nalendu’ tu bulan ba’ru, angki ma’din umbalukan gandung sia allo katorroan, angki ma’din umpatassu’ gandung dibalukan; angki pabitti’i tu epa sia umpakapua sikele’ sia ma’pakena umpake timbangan tang tongan,

MIKHA 6:3

E taungKu, apara tu Kupogau’ lako kalemu sia apara Kupamasussangko? Bendan sa’biko untingoiNa’!

PENGGAURANNA RASULU’ 2:40

Budapa tu kada senga’ nanii untonganni sia umpakilalai tu tau nakua: Pa’benganni tu kalemi dikarimmanni dio mai te to leko’ penaanna.

PENGGAURANNA RASULU’ 20:21

sia kupamanassan to Yahudi sia to Yunani tu diona kamengkatobaran lako Puang Matua sia ma’patongan lako Puangta Yesu.

GALATIA 5:3

Sia kupamaleso pole’ lako tu to umpogau’ sunna’, kumua pato’ ungkaritutui tu mintu’ tuntunan Sukaran aluk.

EFESUS 4:17

Inde sia tu kadangku sia kukatottongi lan Puang, kumua da’mo nasusi gau’na to kapere’ tu gau’mi, unturu’i tu tangnga’ tae’na gai’na,

PA’TOLE 8:19

Apa la dadi, ke mukalupai liumi tu PUANG, Kapenombammu, ammu turu’mo kapenomban senga’ sia umpengkaolai sia tukkuko umpenombai – la kupamanassangkomi totemo, kumua la sanggang tongankomi.

1 TESALONIKA 4:6

sia da miden misa’ umpogau’ kadake sia untampan saki inaa siulu’na lan tu iannato, belanna Puang Matua umpapakkanni tu mintu’nato, susitu inang mangkamo kipokada dolo sia kikatottongi lako kalemi.