NEHEMIA 13:14 - Sura' Madatu

¹⁴ Kilalaina’, o Kapenombangku, tete dio tu mintu’nate sia da Miputtai tu penggauran melo, tu kupogau’ lako banuanNa kapenombangku sia mintu’ atoranna.

NEHEMIA 13:14 ပူးပေါင်းရင်းမြစ်များ

2 DATU 20:3

nakua: O PUANG, la Mikilalai umba kukua lolang maruru’ dio oloMi sia lantuk penaangku sia kupogau’ tu apa melo dio pentiroMi. Pakalan si’dan-si’danmi tumangi’ tu Hizkia.

1 OSSORANNA DATU 29:3

Ondongpi, belanna kukamali’ tu banuanNa Kapenombangku, iamoto kualai tu ianan kaleku, kusorongan banuanNa Kapenombangku, iamotu bulaan sia salaka, senga’pi tu apa kuparandanan inan maindan:

2 OSSORANNA DATU 24:16

Napeliangmi tau lan kotana Daud sisola mintu’ datu, belanna umpogau’mo kameloan lan Israel la lako Puang Matua la lako banuanNa.

EZRA 7:20

Na iatu apa parallupa lako banuanNa Kapenombammu, tu musanga la mubaya’pa, ma’din mupatassu’ lan mai pa’rampunan doi’na kadatuan.

EZRA 7:24

Sia kupokada duka lako kalemi tu diona mintu’ tominaa sia mintu’ to Lewi, sia tomenani, sia toma’kampa babangan sia topabali-balian lan Banua Kabusungan sia mintu’ toma’paraka lan banuanNa Puang Matua kumua tae’ nama’din miparuai sima, sassung ba’tu sima balukan.

EZRA 7:27

Mintu’ kadipudian lu lako PUANG, Kapenombanna nene’ to dolota, tu mangka umpatiakka’ penaanna datu la umpakala’bi’ banuanNa PUANG, tu unnisung dio Yerusalem,

NEHEMIA 13:22

Sia kusua duka usseroi kalena tu mintu’ to Lewi sia la sae ungkampai babangan, kumua anna dipamadatu tu allo katorroan. O Kapenombangku, kilalaina’ belanna diona duka te apa iate sia kamaseina’ sitinaya kakapuanna kamasokanamMi.

NEHEMIA 13:31

susi dukato tu to umbaa kayu, ke attu dipamanassanni sia bunga’na bura padang sia patuoan. Kilalaina’, o Kapenombangku, angku pomeloi.

NEHEMIA 5:19

O Kapenombangku, kilalaina’ tu kupomelona sitinaya tu mintu’ apa mangka kupogau’ lako bangsa iate.

YESAYA 38:3

Nakua: O PUANG, la Mikilalai kumua umba kukua lolang maruru’ dio oloMi sia lantuk penaangku sia kupogau’ tu apa melo dio pentiroMi. Pakalan si’dan-si’danmi tumangi’ tu Hizkia.

IBRANI 6:10

Belanna tangia kumua tang unnola salunna tu Puang Matua Naurunganni tang ungkilalai tu penggaurammi sia pa’kaboro’mi lako sanganNa, tu mangka mipa’pekitanan tete dio kamangkammi ungkamayai mintu’ to masallo’ sia sae lako totemo mikamayai siapa.

KADA OMBO’ LAKO RASULU’ YOHANES 3:5

Iatu to patalo la dipakei pakean busa sia inang tae’ Kula umpa’dei tu sanganna lan mai sura’ katuoan, sia la Kuaku tu sanganna dio oloNa Ambe’Ku sia dio olona mintu’ malaeka’Na.