NEHEMIA 12:45 - Sura' Madatu

⁴⁵ Belanna nakaritutui tongan tu kapengkaolanna lako Kapenombanna sia kausseroianna mintu’ tau sia mintu’ barang apa; susi dukato tu to menani sia to ma’kampa babangan unturu’ pepasanna Daud sia Salomo, anakna muane.

NEHEMIA 12:45 ပူးပေါင်းရင်းမြစ်များ

2 DATU 7:10

Saemi metamba-tamba tu tau iato mai lako to ma’kampa kota, naparampoi lako nakua: Kilambi’mo tu inan surodadu to Aram, mangngakan, moi misa’ tau tae’mo dio, moi gamara tae’ duka, sangadinna darang mannamo ba’tu pira-pira disangkin sia ba’tu pira-pira duka keledai disangkin sia iatu tenda bendan susi bangsiato dinii.

1 OSSORANNA DATU 23:28

Na iatu tau iato mai bendan umbalii bati’na Harun dio kamenomban lan banuanNa PUANG sia ungkampai tu mai tarampak, sia iatu mintu’ bilik, sia untiroi tu kadipemaseroianna mintu’ apa maindan, sia umposara’i tu mintu’ pengkarangan diona kamenomban lan banuanNa Puang Matua;

1 OSSORANNA DATU 26:26

Iamote Selomit iate sola mintu’ siulu’na umpoissanni tu mintu’ ianan dipamarimbangan, tu napamarimbangan datu Daud sia pangulu rapu sia kamandangna sangsa’bu tau sia saratu’ tau sia kamandangna surodadu.

2 OSSORANNA DATU 23:6

Moi misa’ tau da natama banuanNa PUANG sangadinna to minaa sia to Lewi, tu mentoena; iatu tau iato mai ma’din tama, belanna masero. Apa iatu mintu’ to buda la ungkaritutui pa’pana’ta’Na PUANG.