NEHEMIA 12:44 - Sura' Madatu

⁴⁴ Allo iato dipamanassami tu ba’tu pira-pira to ungkapalai bilik pa’palumpunan, tu nanii apa dirampun, iamotu pa’duruk, bunga’na bura padang sia patuoan na taa sangpulona mintu’ apa; na inde to dinii umpasirampunni tu pa’duruk dipamanassamo lan sukaran aluk, nadisorong lako to minaa sia to Lewi, sitinaya kakapuanna pa’lak sikandappi’ kota, belanna iatu to Yehuda umpoparannui tu to minaa sia to Lewi, tu umpogau’ kamenomban.

NEHEMIA 12:44 ပူးပေါင်းရင်းမြစ်များ

1 OSSORANNA DATU 23:28

Na iatu tau iato mai bendan umbalii bati’na Harun dio kamenomban lan banuanNa PUANG sia ungkampai tu mai tarampak, sia iatu mintu’ bilik, sia untiroi tu kadipemaseroianna mintu’ apa maindan, sia umposara’i tu mintu’ pengkarangan diona kamenomban lan banuanNa Puang Matua;

1 OSSORANNA DATU 26:20

Iatu to Lewi, siulu’na tau iato mai, tu ungkampai ianan banuanNa Puang Matua sia ianan dipamarimbangan,

1 OSSORANNA DATU 9:26

belanna lan te pentoean iate iatu tau a’pa’ iamo pangulunna to ma’kampa babangan; iatu tau iato mai to Lewi. Sia ia duka tu tau iato mai ungkampai tu mintu’ bilik sia bilik pangnannan lan banuanNa Puang Matua.

NEHEMIA 10:36

susi dukato tu anak muane pa’bunga’ta sia patuoanta, susi tu disura’ lan sukaran aluk: anta baai tu anak bunga’ sapinta sia anak bunga’ dombata sia bembe’ta lako banuanNa Kapenombanta, iamotu lako tominaa, tu umpogau’ kamenomban lan banuanNa Kapenombanta.

SARAMBU PEADA’ 8:34

Maupa’ ia tu mintu’ to umperangiina’, sia kiallo-kiallo ma’kampa dio to’ ba’baku sia ma’kampa dio to’ ampang babangangku.

YESAYA 40:31

Apa iatu to untayan PUANG la umba’rui kamatotoranna, anna mettia’ kendek langngan susi langkan maega. Tau iato mai la lumingka tang mekaboyo’, la sumalong tang mekata’ka’.

KADIBILANGAN 3:10

Apa lako Harun sia iatu mai anakna la mupasan anna toei tu pentoean to minaa; minda-minda tang sipatu anna reke’i tu pentoean iato, la mate dipongko.

ROMA 12:7

iake pa’parakan, angkaranni tu situru’na kapa’parakan; iake ma’pangada’, angkaranni tu situru’na lalan pangadaran;

PA’TOLE 18:8

iamoto la napotaa pada taana tu tau dio, tae’ nadipasibilang tu taana dio mai ambe’na, tu mangka nabalukan.