NEHEMIA 12:43 - Sura' Madatu

⁴³ Allo iato napemalaran tau iato mai tu pemala’ buda; anna siparannu-rannuan, belanna Napaparannu tongan Puang Matua tu penaanna; ia duka tu mai baine sia iatu mai pia parannu-rannu, naurunganni iatu kaparannuanna tau lan Yerusalem mambela nanii karangian.

NEHEMIA 12:43 ပူးပေါင်းရင်းမြစ်များ

2 OSSORANNA DATU 20:13

Mintu’ to Yehuda bendan dio oloNa PUANG sae lako mintu’ pia’-pia’na sia bainena sia anakna muane.

2 OSSORANNA DATU 20:27

Mangkato tibalikmi tu mintu’ to Yehuda sia pa’tondokan Yerusalem nadoloan Yosafat sule lako Yerusalem situang kaparannuan, belanna Napasende PUANG tu tau iato mai diona kataloanna ualinna.

2 OSSORANNA DATU 7:10

Iatonna allo ma’penduangpulona ntallu bulan ma’pempitu, naelorammi datu tu to buda sule lako tendana, siparannu-rannu sia matana penaa diona kameloan Napogau’ PUANG lako Daud sia Salomo sia lako to Israel, taunNa.

EZRA 3:13

Iamoto tang diissanmo umpasisengaranni tu gamara to unnarrak-arrak na gamara to tumangi’ belanna iatu to buda mandu unnarrak-arrak, naurunganni iatu gamaranna dirangi lako inan mambela.

NEHEMIA 12:27

Iatonna dirara tu rinding tembo’ Yerusalem ditambaimi tu mintu’ to Lewi dio mai mintu’ inanna male lako Yerusalem, anna pogau’ pa’gauran mangrara sia umpopenani pa’pudi-pudian sia penanian napasiala taa’-taa’, dandi na katapi.

NEHEMIA 12:42

sia iatu Maaseya, Semaya, Eleazar, Uzi, Yohanan, Malkia, Elam na Ezer. Iatu to menani umpa’perangian gamaranna naindoran Yizrahya.

AYUB 34:29

Iake ma’pakappai tu Puang, mindara la ma’pasala? Sia iake Nabunianni lindoNa tu misa’ tau, mindara la untiroi – la pada-pada tu misa’ bangsa ba’tu misa’ tau –

PA’PUDIAN 27:6

Na totemo natongloi ulungku tu mintu’ ualingku tiku lao. Sia la umpemalaranna’ pangurandean situang arrak lan tendaNa, la sumengona’ sia la kupenanian pa’pudian tu PUANG.

PA’PUDIAN 28:7

PUANGmo kamatotorangku sia balulangku; Iamo nakatappa’i penaangku, angku appa’mo pa’tunduan. Iamoto anna sende paiman tu penaangku sia la kupakendekan pa’pudi-pudiangku.

PA’PUDIAN 9:2

La ponno penaangku umpudiKomi, o PUANG, sia la kuulelean tu mintu’ penggauran kalle-kalleamMi.

PA’PUDIAN 92:4

Dipasiala paningoan sangpulo ritinna sia dandi, sisola oni-onian naturu’ katapi.

YESAYA 61:3

La umpapatui mintu’ to Sion tu nalambi’ rosso inaa, anna diben passapu maramba’ la dipasondana au sia minna’ kasendean la dipasondana ma’pote dibolong, pakean pa’tendeng la dipasondana penaa si’pi’. Anna disangai tu tau iato mai: tarpin kamaloloan, tanananNa PUANG, dikua anna pakala’bi’I.

YEREMIA 31:13

Attu iato iatu mintu’ anak dara parannu-rannu ma’gellu’, susi dukato tu muane mangura sia to matua parannu-rannu, belanna la Kupopembali kasendean tu passanda bolongna tau iato mai, sia la Kupakatana sia Kupakarannu, ke upu’mi tu kamasussanna.

YEREMIA 33:11

La dirangi pole’omo tu arrak kaparannuan sia kamaruasan sia gamara to ma’rampanan kapa’ sia gamaranna tu mintu’ tau nakua: Pudimi tu PUANGna mintu’ ma’dandan maritik, belanna masokan tu PUANG, belanna iatu kamasokananNa tang leluk sae lakona! iake umbaai pemala’ pa’pudian tama banuanNa PUANG; belanna la Kupopembali tu toto’na te tondok iate, naurunganni susito dolona, kadanNa PUANG.

KADIBILANGAN 10:10

Susi dukato ke allo kaparannuammi, ke pa’maruasammi sia ke allo bunga’ sombona bulanmi, la mipannoni tu tarompe’ pissan dipamurru’, ke umpogau’komi pemala’ ditunu pu’pu’ sia pemala’ kasalamaran; iatu iannato la umpakilalakomi dio oloNa Kapenombammi: Akumo tu PUANG, Kapenombammi.

MATIUS 21:15

Apa iatonna tiroi pangulu-pangulu to minaa sia pandita Sura’ tu mintu’ penggauran memangnganNa, sia iatu mintu’ pia unnarrak-arrak lan Banua Kabusungan kumua: Hosanna tu Anakna Daud, sengkemi tinde tau,

MATIUS 21:9

Iatu to buda, tu dolona dio tingayoNa sia undinna unturu’I, unnarrak-arrak, nakua: Hosanna tu Anakna Daud, Kurre sumanga’Na tu saeNa umpotete sanganNa Puang, Hosanna dao masuanggana.

YOHANES 16:22

Susi kamu inang masussa misa’ding totemo te; apa la Kusitiroan pole’komi, anna parannu penaammi, na moi misa’ tau tae’ umbelai unnalai dio mai kalemi tu kaparannuammi.

EFESUS 5:19

ammi sipa’kada-kada naturu’ pa’pudian sia pa’tendeng sia penanian masallo’ ammi penanianni sia umpudi-pudi Puang lan penaammi;

YAKOBUS 5:13

Denrokomika tu masussa? sipatu la massambayang. Denkomiraka parannu? sipatu la umpopenani pa’pudian.

1 SAMUEL 4:5

Iatonna rampomo tu patti basseNa PUANG lako to’ tenda surodadu, unnarrak-arrakmi tu mintu’ to Israel lendu’ mamakna, naurunganni parodo tu padang.