NEHEMIA 12:36 - Sura' Madatu

³⁶ sia mintu’ siulu’na, iamotu Semaya, Azareel, Milalai, Gilalai, Maai, Netaneel, Yehuda na Hanani, umbaa oni-onianna Daud, taunNa Puang Matua. Na iatu Ezra, pandita sura’, male undoloanni.

NEHEMIA 12:36 ပူးပေါင်းရင်းမြစ်များ

1 OSSORANNA DATU 23:5

na patangsa’bu tu to ma’kampa babangan; na patangsa’bu tu la umpudi-pudi PUANG, tu la umpannonianni oni-onian, tu kusua unggaragai la dipopa’pudi-pudian.

2 OSSORANNA DATU 8:14

Napamanassami unturu’ atoranna Daud, ambe’na, tu pengkarangan dipaborongan to minaa sia pentoeanna to Lewi la umpopenani pa’pudi-pudian sia ma’kamaya untundui to minaa, susi dipamanassa kiallo-kiallo; susi dukato tu pentoeanna to ma’kampa babangan urrundunan golonganna, ke misa’o babangan, belanna susimoto tu pepasanna Daud, taunNa Puang matua.

EZRA 7:1

Iatonna mangkamo tu mintu’ apa iato, tonna ma’parenta tu Artahsasta, datu Persia, ke’de’mi tu Ezra, anakna Seraya, anakna Azarya, anakna Hilkia,

EZRA 8:1

Inde sia tu pangulu rapunna sia sura’ ossoranna tu to kusolan ke’de’ dio mai Babel, tonna kaparentanna datu Artahsasta:

NEHEMIA 12:24

Iatu pangulunna mintu’ to Lewi, iamo Hasabya, Serebya, na Yesua, anakna Kadmiel; iatu mintu’ siulu’na, tu bendan sitingoan, ma’dandanan siamping sisanglaoan, la umpakendek pa’pudi-pudian sia nanian pa’tendeng, situru’ tu pepasanna Daud, taunNa Puang Matua,

NEHEMIA 12:35

Ba’tu pira-pira passikola to minaa tu umbaa tarompe’, iamotu Zakharia, anakna Yonatan, anakna Semaya, anakna Matanya, anakna Mikha, anakna Zakur, anakna Asaf;

AMOS 6:5

Tu unnarrak-arrak unturu’ oni dandi sia ma’tangnga’-tangnga’ unggaragai oni-onian, susi Daud.

KADIBILANGAN 1:8

dio mai Isakhar disanga Netaneel, anakna Zuar;