NEHEMIA 12:27 - Sura' Madatu

²⁷ Iatonna dirara tu rinding tembo’ Yerusalem ditambaimi tu mintu’ to Lewi dio mai mintu’ inanna male lako Yerusalem, anna pogau’ pa’gauran mangrara sia umpopenani pa’pudi-pudian sia penanian napasiala taa’-taa’, dandi na katapi.

NEHEMIA 12:27 ပူးပေါင်းရင်းမြစ်များ

2 SAMUEL 6:12

Iatonna pokadami tau lako datu Daud, kumua: Napamasakke-sakke PUANG tu to lan banuanna Obed-Edom sia mintu’ tu apa dio kalena belanna pattinNa Puang Matua, malemi Daud unnalai tu pattinNa Puang Matua lan mai banuanna Obed-Edom, anna baai langngan kotana Daud situang kaparannuan anna ma’marua’-rua’.

1 DATU 8:63

Iatu pemala’ kasalamaran tu napemalaran Salomo lako PUANG, duangpulo ndua sa’bunna tu sapi sia saratu’ duangpulo sa’bunna tu domba sola bembe’. Susimoto tu datu sola mintu’ to Israel urrarai tu banuanNa PUANG.

1 OSSORANNA DATU 13:8

Iatu Daud sola mintu’ to Israel ma’marua’-rua’ tongan unnondo dio oloNa Puang Matua napasiala nanian sia to umpannoni katapi, dandi, ganda’-ganda’, taa’-taa’ sia tarompe’.

1 OSSORANNA DATU 15:12

Ma’kadami tu datu lako tau iato mai nakua: Iate kamu pangulunna mintu’ to Lewi, pamaseroi tu kalemi, la kamu la iatu mai siulu’mi, ammi ma’din umbaai tu pattinNa PUANG, Kapenombanna to Israel lako inan, tu kupasakkaranni.

1 OSSORANNA DATU 15:16

Mesuami tu Daud lako mintu’ pangulunna to Lewi kumua anna popa’tibangi tu siulu’na, iamotu to menani umbaa oni-onian, dandi, katapi na taa’-taa’, la umpannoni tanda pa’maruasan kaparannuan.

1 OSSORANNA DATU 15:28

Iatu mintu’ to Israel umbaa patti basseNa PUANG unnarrak-arrak sia umpannoni napiri tanduk, tarompe’ na taa’-taa’, sia ma’dandi na ma’katapi.

1 OSSORANNA DATU 15:4

Narampunmi Daud tu bati’na Harun sia to Lewi;

1 OSSORANNA DATU 16:42

Iatu Heman na Yedutun umbaa tarompe’ sia taa’-taa’ la napake to umpannoni sia oni-onian la unggamarai penanian umpangke’ Puang Matua. Na iatu bati’na Yedutun iamo ungkampai babangan.

1 OSSORANNA DATU 16:5

Iatu Asaf iamo pangulunna, nadampi’i Zakharia; sia Yeiel, Semiramot, Yehiel, Matica, Eliab, Benaya, Obed-Edom na Yeiel umpannoni oni-onian, iamotu ma’dandi sia ma’katapi,

1 OSSORANNA DATU 23:5

na patangsa’bu tu to ma’kampa babangan; na patangsa’bu tu la umpudi-pudi PUANG, tu la umpannonianni oni-onian, tu kusua unggaragai la dipopa’pudi-pudian.

1 OSSORANNA DATU 26:31

Dio mai to Hebron iamotu Yeria, pangulunna bati’na sia rapunna to Hebron; Iatonna taun ma’patangpulona kadatuanna Daud diparessami tu tau iato mai, anna diapparan tu ba’tu pira-pira pa’barani lalong dio Yaezer lan lili’na Gilead.

2 OSSORANNA DATU 29:25

Nasuami tu to Lewi bendan sikandappi’ banuanNa PUANG untangke taa’-taa’, dandi sia katapi, susitu napasan Daud sia Gad, to patanda-tandanna datu sia nabi Natan, belanna iatu pepasan iato Napokada PUANG nalopian tu mai to minaanna.

2 OSSORANNA DATU 29:30

Mangkato mesuami tu datu Hizkia sola mintu’ pangulu lako to Lewi, la umpudi PUANG ussa’bu’ kadanna Daud sia Asaf, to patanda-tandan. Napopenanimi tu pa’pudi-pudian siparannu-rannu, malinguntu’ sia tukku menomba.

2 OSSORANNA DATU 5:13

Iatonna marassan sola nasang umpannoni tarompe’ sia umpasiala gamaranna tu mintu’ to menani la umpudi sia umpangke’ PUANG, sia umpekapuai gamaranna napasibara’ tarompe’, taa’-taa’ sia oni-onian senga’, sia umpudi PUANG, kumua: Belanna masokan Ia, belanna iatu kamasokananNa tang leluk sae lakona –, pakalan iatu banua iato, iamotu banuanNa PUANG, nakapu’ sangkombong salebu’,

2 OSSORANNA DATU 7:6

Iatu mintu’ to minaa pada bendan dio lu to’ pentoeanna, na iatu mintu’ to Lewi sitangke oni-onianNa PUANG, tu nagaragai Daud la umpudi PUANG, ke napa’pesuanomi Daud umpenanian pa’pudi-pudian tete dio pentoeanna tu tau iato mai, nakua: Belanna iatu kamasokananNa tang leluk sae lakona. Na iatu mintu’ to minaa umpannoni tarompe’na sitingoan tau iato mai, anna bendan nasang tu mintu’ to Israel.

EZRA 6:16

Nararami to Israel, iamotu mintu’ tominaa, to Lewi sia to senga’, tu mangkamo dipali’, tu banuanNa Puang Matua, situang kasendeanna.

NEHEMIA 11:20

Iatu tang dipokadannapa tu mai to Israel, to minaa na to Lewi, torro lan lu mintu’ kota Yehuda, pantan dio lu kota mana’na.

NEHEMIA 12:43

Allo iato napemalaran tau iato mai tu pemala’ buda; anna siparannu-rannuan, belanna Napaparannu tongan Puang Matua tu penaanna; ia duka tu mai baine sia iatu mai pia parannu-rannu, naurunganni iatu kaparannuanna tau lan Yerusalem mambela nanii karangian.

NEHEMIA 8:17

Tassu’mi tu tau iato mai, naalai tu tangke kayu, nagaraganni kalumba tu kalena, napantan umpadaoi lu bubunganna sia dio lu tarampakna sia tarampak banuanNa Puang Matua sia dio tana lapang babangan Uai sia dio tana lapang babangan Efraim.

PA’PUDIAN 149:3

La ma’gellu’ sola nasangi umpudi sanganNa PUANG, la ma’ganda’-ganda’ sia la massu’dekan umpakendekan pa’pudian Puang!

PA’PUDIAN 30:1

Pa’pudian dipopenani ma’kure sumanga’ urrara banua kabusunganNa Puang Matua. Pa’pudianna Daud.

PA’TOLE 16:11

La parannu-rannuko dio oloNa PUANG, Kapenombammu, iko sola tu mai anakmu muane sia iatu mai anakmu baine, kaunanmu muane sia ia tu mai kaunanmu baine, sola to Lewi, tu torro lan babangan kotamu, sia to sae, sia pia biung sia baine balu, tu misisolan, dio inan tu la Napilei PUANG, Kapenombammu, la Napannii sanganNa dio.

PA’TOLE 20:5

Sia la ma’kada tu mai mantari’ lako to buda nakua: Minda tu umbangun banua ba’ru, apa tae’pa nanii? Dieloran male sule lako banuanna, kumua da nasabu’ lan kapararian, sia nanii to senga’ tu banuanna.

FILIPI 4:4

Tontongkomi parannu tete dio Puang, kutolepa pissan kupokada kumua: parannukomi.

KADA OMBO’ LAKO RASULU’ YOHANES 5:8

Iatonna alami tu sura’ iato, tukkumi tu a’pa’ a’gan kepenaa sia iatu duangpulo nna’pa’ penatua dio oloNa Anak domba iato, pada untoe katapi sia gori-gori bulaan ponno kemenian, iamo mintu’ pangandona to masallo’.