NEHEMIA 12:24 - Sura' Madatu

²⁴ Iatu pangulunna mintu’ to Lewi, iamo Hasabya, Serebya, na Yesua, anakna Kadmiel; iatu mintu’ siulu’na, tu bendan sitingoan, ma’dandanan siamping sisanglaoan, la umpakendek pa’pudi-pudian sia nanian pa’tendeng, situru’ tu pepasanna Daud, taunNa Puang Matua,

NEHEMIA 12:24 ပူးပေါင်းရင်းမြစ်များ

1 DATU 17:24

Nakuami tinde baine lako Elia: Totemo kuissan tonganmo, kumua taunNakomi Puang Matua, na iatu kadanNa PUANG dio randan pudukmi manappa’.

1 OSSORANNA DATU 16:4

Napamanassami tu ba’tu pira-pira tau dio mai to Lewi la menomba dio tingayo pattinNa PUANG, kumua anna tau iato tontong ussa’bu’, umpangke’ sia umpudi PUANG, iamotu Kapenombanna to Israel.

2 OSSORANNA DATU 8:14

Napamanassami unturu’ atoranna Daud, ambe’na, tu pengkarangan dipaborongan to minaa sia pentoeanna to Lewi la umpopenani pa’pudi-pudian sia ma’kamaya untundui to minaa, susi dipamanassa kiallo-kiallo; susi dukato tu pentoeanna to ma’kampa babangan urrundunan golonganna, ke misa’o babangan, belanna susimoto tu pepasanna Daud, taunNa Puang matua.

EZRA 2:40

Mintu’ to Lewi: bati’na Yesua sia Kadmiel, iamotu bati’na Hodawya: pitungpulo nna’pa’.

NEHEMIA 11:17

Iatu Matanya, anakna Mikha, anakna Zabdi, anakna Asaf, iamo pangulu, tu unnangka’ nanian pa’pudi-pudian, ke massambayangi tau sia Bakbukya ma’penduanna dio mai mintu’ siulu’na, sia Abda, anakna Samua, anakna Galal, anakna Yedutun.

NEHEMIA 12:23

Iatu bati’na Lewi, iamotu mintu’ pangulu rapu disura’mo lan sura’ ossoran, sae lako linona Yohanan, anakna Elyasib.

NEHEMIA 12:36

sia mintu’ siulu’na, iamotu Semaya, Azareel, Milalai, Gilalai, Maai, Netaneel, Yehuda na Hanani, umbaa oni-onianna Daud, taunNa Puang Matua. Na iatu Ezra, pandita sura’, male undoloanni.

NEHEMIA 8:7

Napudimi Ezra tu PUANG, Puang Matua pasareongan, anna mebali tu mintu’ bangsana, sia mempala’ nasang langngan, nakua: Amin! Amin! Malinguntu’mi tu tau iato mai sia tukku menomba rokko padang dio oloNa PUANG.

NEHEMIA 9:4

Dao lempo to Lewi bendammi tu Yesua, Bani, Kadmiel, Sebanya, Buni, Serebya, Bani na Kenani; anna metamba umpekapuai gamaranna lako PUANG, Kapenombanna.

PA’TOLE 33:1

Inde sia tu pa’passakke, tu nanii Musa, to Natonno’ Puang Matua umpassakke to Israel tonna tae’pa namate.

1 TIMOTIUS 6:11

Apa iatu iko, taunNa Puang Matua, pallaiangko kalemu dio mai tu mintu’nato, sia tuntunni tu kamaloloan, kamengkaolan, kapatonganan, pa’kaboro’ kabattaran sia sorong inaa.

2 TIMOTIUS 3:17

anna palambi’ tu taunNa Puang Matua, sia sakka’ lako mintu’ penggauran melo.

YOSUA 14:6

Attu iato mennolomi tu to Yehuda lako Yosua dio Gilgal, anna ma’kada tu Kaleb anakna Yefune, to Kenas lako, nakua: Mitandai sia tu kada Napokada PUANG lako Musa, taunNa Kapenomban, diona te aku sia diona kamu dio Kadesh-Barnea.