NEHEMIA 10:39 - Sura' Madatu

³⁹ Belanna tama bilik iato sipatu tu to Israel sia to Lewi la umbaai tu gandung pa’duruk, uai anggoro’ ba’ru sia minna’; inde to dio nanii tu mintu’ pareanan maindan sia nanii tominaa umpogau’ kamenomban sia to ma’kampa babangan sia tomenani. Iatu banuanNa Kapenombanta tae’ tala umpopa’elo’nai.

NEHEMIA 10:39 ပူးပေါင်းရင်းမြစ်များ

2 DATU 7:10

Saemi metamba-tamba tu tau iato mai lako to ma’kampa kota, naparampoi lako nakua: Kilambi’mo tu inan surodadu to Aram, mangngakan, moi misa’ tau tae’mo dio, moi gamara tae’ duka, sangadinna darang mannamo ba’tu pira-pira disangkin sia ba’tu pira-pira duka keledai disangkin sia iatu tenda bendan susi bangsiato dinii.

2 OSSORANNA DATU 31:11

Mesuami tu Hizkia umparandan ba’tu pira-pira bilik lan banuanNa PUANG, Naparandanmi tau.

2 OSSORANNA DATU 31:12

Matutumi tu tau umbaa pa’duruk sia taa sangpulona sia iatu mai apa masero. Iatu pangulunna te mintu’na te, iamotu Konanya, to Lewi, na iatu ma’penduanna, iamotu Simei, siulu’na.

NEHEMIA 12:47

Iatonna linona Zerubabel sia linona Nehemia iatu mintu’ to Israel ussorong pa’duruk lako to menani sia to ma’kampa babangan, pada tu parallunna kiallo-kiallo; sia nasorong tu pamengan maindan lako to Lewi, anna to Lewi ussorongi lako bati’na Harun.

PA’PUDIAN 122:9

Sia bannang dio banuanNa PUANG, Kapenombanta, angku dakarangko kameloan.

KADIBILANGAN 18:26

La ma’kadako lako to Lewi sia kuanni kumua: Iake mutarimai tu pissanna taa sangpulona bura padang sia patuoan dio mai to Israel, tu Kuala dio mai tau iato, angKu benkomi, la mipotaa mana’, la mipennoloan la dipopa’duruk lako PUANG tu pissanna taa sangpulona dio mai taa sangpulona bura padang sia pissanna patuoan.

KADIBILANGAN 18:30

Sia la ma’kadako lako tau iato mai, kumua: Iammi pennoloanni tu melona dio mai apa iato la dipopa’duruk, ke to Lewi, la dipapada gandung dio mai panglulluran sia iatu dialanna dio mai pa’parran anggoro’ tu iannato.

PA’TOLE 12:17

Lan kotamu tae’ muma’din la ungkandei tu taa sangpulona gandungmu sia uai anggoro’ ba’rummu sia minna’mu sia pa’bunga’na sapimmu sia pa’bunga’na dombamu sia bembe’mu sia iatu mintu’ pemala’ pangallonammu, tu la muallu’ sia pemala’ tanning inaammu sia pa’durukmu.

IBRANI 10:25

Da anta salai tu kasirampunan kombonganta siamo, susitu biasa napogau’ tau pira, sangadinna la sipakilala-lalaki’, ondong pole’pi na iato belanna mitiro tu allo iato mengkareke’mo.