NEHEMIA 10:37 - Sura' Madatu

³⁷ Sia la tabaa tu bunga’ ta’pung dalle sisikan – iamotu pa’durukta – sia mintu’ bunga’ bua kayu, uai anggoro’ ba’ru sia minna’ lako tominaa, dipatama bilik dio banua Kapenombanta sia taa sangpulona tu bura padangta la tabaa lako to Lewi, na tau iato mai, iamotu to Lewi, la urrampunni tu taa sangpulona lan lu mintu’ kotana to ma’lakoan padang.

NEHEMIA 10:37 ပူးပေါင်းရင်းမြစ်များ

2 OSSORANNA DATU 31:6

Na iatu to Israel sia to Yehuda, tu torro lan mintu’ kota Yehuda umbaa duka taa sangpulona tu mintu’ sapinna sia dombana sia bembe’na; sia ia duka tu taa sangpulona mintu’ apa maindan, tu napamarimbanganan PUANG, Kapenombanna, anna popa’tombon-tombonni.

NEHEMIA 13:10

Sia kuissan duka, kumua iatu pa’duruk tae’ nadisorong lako to Lewi, naurungan iatu to Lewi sia to menani, tu umpogau’ kamenomban, pantan naparuku bang sule lako to’ pa’lakna.

NEHEMIA 13:12

Iatu mintu’ to Yehuda nabaaomo tu taa sangpulona mintu’ gandung, uai anggoro’ ba’ru na minna’ tama bilik pa’palumpunan.

NEHEMIA 13:5

naparandanammi tau iato tu misa’ bilik kapua, tu dolona dinii umbaa kande dipemalaran, dupa, mintu’ pareanan sia taa sangpulona mintu’ gandung, uai anggoro’ ba’ru sia minna’, taa dipamanassan mintu’ to Lewi, to menani na to ma’kampa babangan, sia pa’durukna mintu’ tominaa.

NEHEMIA 13:9

Sia kupesuan anna diseroi tu mai bilik iato, kumane umpatamai sule tu mintu’ pareanan banuanNa Puang Matua sola kande dipemalaran sia dupa.

KATASSURAN 13:12

manassa la mupamarimbangan lako PUANG tu mintu’ pia pa’bunga’ urrubak pa’tambukan sia anak pa’bunga’na mintu’ patuoan tu dio kalemu, tu lakinna iamo apanNa PUANG.

KATASSURAN 13:2

Pamarimbanganni lako Kaleku tu mintu’ pa’bunga’, tu bunga’na urrubak pa’tambukan dio lu to Israel la to lino la patuoan; Aku tu Puangna.

SURA’ KATOMINAAN 23:17

La umbaakomi da’dua roti pemala’ disorong ditarima sule; roti iato ta’pung manisak digaraga, diala duang taan sangpulona epa, diragii anna ditunu, iamotu bunga’ pealammi, la dipennoloan lako PUANG.

MALEAKHI 3:10

Baa nasangi tu pissan taa sangpulona mintu’ apa tama inan pangrampunan, kumua anna den kande lan banuangKu; tobaNa’ tu diona to, kadanNa PUANGna mintu’ ma’dandan maritik, ke tae’i Kubungkarangkomi pentiroanna langi’ sia umbarrakanni lako kalemi tu kamauparan sebo.

MALEAKHI 3:8

Ma’dinraka tu tolino urrampa apanNa Puang Matua? Moi tae’ nama’din mirampa duka tu apangKu. Ma’kadakomi mikua: Umbara kikua urrampai, tu apamMi? Bannang dio pissan taa sangpulona tu mintu’ apa sia pa’duruk.

KADIBILANGAN 18:15

Mintu’ tu bunga’na urrubak pa’tambukanna indo’na dio mai kepenaanna, tu dipennoloan lako PUANG, dio mai ma’rupa tau ba’tu dio mai patuoan, la mupotaa; sangadinna iatu anak pa’bunga’na tolino sipatu la mula’bak, sia ia duka tu anak bunga’na patuoan maruttak sipatu la mula’bak.

KADIBILANGAN 18:18

Apa iatu duku’na la mupotaa, susito tu dada pemala’ disorong ditarima sule sia pesese kananna la mupotaa dukato.

KADIBILANGAN 18:21

Apa iatu to Lewi, manassa la Kuben tu mintu’ pissanna taa sangpulona bura padang sia patuoan lan Israel la napotaa mana’ belanna diona pentoean natoe, iamotu pentoean dio Tenda Kasitammuan.

ROMA 11:16

Iake maseroi tu bunga’ panglemun, ten dukato tu sangla’pa’na, sia iake maseroi tu uaka’na, ten dukato tu mai tangkena.

PA’TOLE 14:22

Iatu mintu’ bura padang, tu muambo’, dio pa’lakmu, ke taunoi, la mupennoloan tu taa sangpulona.

PA’TOLE 18:4

Iatu bua bunga’na gandungmu, sia uai anggoro’ ba’rummu sia minna’mu sia bunga’ bulu dombamu, la musorong nasang lako.

PA’TOLE 26:2

manassa la muala dio mai bunga’na mintu’ bura padang, tu murampun dio mai padang, tu la Nabenko PUANG, Kapenombammu, sia la mupatama baka, mumale lako inan tu la Napilei PUANG, Kapenombammu, la umpannii sanganNa dio.