NEHEMIA 10:36 - Sura' Madatu

³⁶ susi dukato tu anak muane pa’bunga’ta sia patuoanta, susi tu disura’ lan sukaran aluk: anta baai tu anak bunga’ sapinta sia anak bunga’ dombata sia bembe’ta lako banuanNa Kapenombanta, iamotu lako tominaa, tu umpogau’ kamenomban lan banuanNa Kapenombanta.

NEHEMIA 10:36 ပူးပေါင်းရင်းမြစ်များ

2 OSSORANNA DATU 31:5

Iatonna kaissanammo tu parenta iato, napebudaimi nabaa to Israel tu bua bunga’ gandung sia uai anggoro’ sia minna’ sia tani’ enoan sia mintu’ bura padang sia sebo nabaa tu taa sangpulona mintu’ apa.

NEHEMIA 12:44

Allo iato dipamanassami tu ba’tu pira-pira to ungkapalai bilik pa’palumpunan, tu nanii apa dirampun, iamotu pa’duruk, bunga’na bura padang sia patuoan na taa sangpulona mintu’ apa; na inde to dinii umpasirampunni tu pa’duruk dipamanassamo lan sukaran aluk, nadisorong lako to minaa sia to Lewi, sitinaya kakapuanna pa’lak sikandappi’ kota, belanna iatu to Yehuda umpoparannui tu to minaa sia to Lewi, tu umpogau’ kamenomban.

NEHEMIA 13:5

naparandanammi tau iato tu misa’ bilik kapua, tu dolona dinii umbaa kande dipemalaran, dupa, mintu’ pareanan sia taa sangpulona mintu’ gandung, uai anggoro’ ba’ru sia minna’, taa dipamanassan mintu’ to Lewi, to menani na to ma’kampa babangan, sia pa’durukna mintu’ tominaa.

KATASSURAN 13:2

Pamarimbanganni lako Kaleku tu mintu’ pa’bunga’, tu bunga’na urrubak pa’tambukan dio lu to Israel la to lino la patuoan; Aku tu Puangna.

KATASSURAN 23:19

Mintu’ tu bunga’ bura padang me’lokmu la mubaa tama banuanNa PUANG, Kapenombammu. Da mutollo’i tu anak bembe’ muuai pangandu’na indo’na.

KATASSURAN 34:19

Mintu’na tu anak pa’bunga’ urrubak pa’tambukan Aku puangna, sia mintu’ patuoan lakimmu tu bunga’na dadi la sapi la iatu domba sia bembe’.

MALEAKHI 3:10

Baa nasangi tu pissan taa sangpulona mintu’ apa tama inan pangrampunan, kumua anna den kande lan banuangKu; tobaNa’ tu diona to, kadanNa PUANGna mintu’ ma’dandan maritik, ke tae’i Kubungkarangkomi pentiroanna langi’ sia umbarrakanni lako kalemi tu kamauparan sebo.

KADIBILANGAN 3:13

belanna mintu’ anak pa’bunga’ taungKu nasang. IatongKu pata’pai lima tu mintu’ anak pa’bunga’ lan tondok Mesir, Kupamarimbanganan Kaleku tu mintu’ anak pa’bunga’ lan Israel la tau la olo’-olo’; apangKu nasang; Akumo tu PUANG.

GALATIA 6:6

Sipatu tu to diada’i kadanNa Puang umbenni kataananna tu to mangada’i.

PA’TOLE 12:6

Indemoto la minii umbaai tu mintu’ pemala’ ditunu pu’pu’mi sia pemala’ pangrere’mi sia mintu’ taa sangpulomi sia mintu’ pamengammi tu dipamarimbangan sia mintu’ pemala’ pangallonammi sia mintu’ pemala’ tanning inaammi sia anak pa’bunga’na sapimmi sia pa’bunga’na dombami sia bembe’mi.