NEHEMIA 10:30 - Sura' Madatu

³⁰ Ondongpi mangakumoki’, kumua tae’mo tala umbenni tu anakta baine lako bangsa lan tondok iate sia iatu anakna baine tau iato mai tae’mo tala unnalanni anakta muane napobaine.

NEHEMIA 10:30 ပူးပေါင်းရင်းမြစ်များ

2 DATU 23:25

Dolona na iate datu iate tae’ tu misa’ datu ponno penaanna sia deatanna sia kamatotoranna mengkara’pa susito lako PUANG, unturu’ mintu’ sukaran alukna Musa; sia undinna na datu iate tae’mo bu’tu tu sangtende’na.

2 DATU 23:3

Bendanmi tu datu dio to’ lentong, anna tanan misa’ basse’ dio oloNa PUANG, kumua naturu’i tau tu PUANG sia lantuk penaanna sia deatanna ungkaritutui tu pepasanNa sia kasa’bianNa sia mintu’ tu aluk Napondok sia untoe manda’i tu mintu’ kada basse tu disura’ lan sura’ iate. Iatu mintu’ to buda tamamo basse iato.

2 OSSORANNA DATU 34:31

Bendanmi tu datu dio inanna, anna tanan misa’ basse dio oloNa PUANG, kumua naturu’i tau tu PUANG sia lantuk penaanna sia deatanna ungkaritutui tu pepasanNa sia pa’pangada’Na sia iatu mintu’ apa Napondok sia unturu’i tu mintu’ kada basse tu disura’ lan sura’ iate.

NEHEMIA 10:1

Iatu mintu’ to ma’ca’ iamotu Nehemia, to maraa lompo, anakna Hakhalya sia Zedekia,

NEHEMIA 13:23

Iatu attu iato kutiro duka tu ba’tu pira-pira to Yahudi umpobaine to Asdod, to Amon sia to Moab.

NEHEMIA 13:25

Kusengkeimi tu tau iato mai, sia kugatai, sia ba’tu pira-pira kubamba sia kulampi’ beluakna sia kupopassumpa tete dio sanganNa Puang Matua, kumua: Da mipa’benganni tu anakmi baine sibali anakna bangsa iato sia da mialai tu anakna bangsa iato la napobaine anakmi ba’tu kumua la umpobainei.

NEHEMIA 13:30

Kuseroimo tu tau iato mai dio mai mintu’ apa to senga’; sia kupamanassa tu toeanna mintu’ tominaa sia to Lewi, pada dipapatui pengkaranganna;

NEHEMIA 5:12

Ma’kadami tu tau iato mai nakua: Manassa la kipasulemo sia tae’mo kila ussinga’ len apa dio mai tau iato mai, la kipogau’mo susitu kadammi. Kutambaimi tu mintu’ to minaa, angku suai tu tau iato mai umpalao sumpa, kumua napogau’i susitu dipokadanna.

PA’PUDIAN 119:106

Mangkamo’ umpalao sumpa sia la kupakatua te iannate: La kukaritutui tu mintu’ atoran malambu’Mi.

KATASSURAN 34:16

Iake mualai tu anakna tau iato mai la napobaine anakmu, sia iake ma’gau’i umpengkaolai deatanna, manassa la nanaran duka tu anakmu ma’gau’ sala umpengkaolai deatanna.

PA’TOLE 29:11

sia ia duka tu mai anakmi, bainemi sia to sae lan to’ tendamu, sia iatu mai to mekayummu sia to meuaimmu,

PA’TOLE 7:3

Sia da duka musipoipa’ tu tau iato; iatu anakmu baine da mupakemuanei lako tau iato, sia da mutarimai tu anakna baine napobaine anakmu.