NEHEMIA 10:29 - Sura' Madatu

²⁹ nasituru’i mintu’ siulu’na, iamotu to mala’bi’na, anna takoi passanan tengkona menggata sia umpalao sumpa la lolang unturu’ Sukaran alukNa Puang Matua tu Napa’bengan Puang Matua nalopian Musa, taunNa Puang Matua sia la birisan ungkaritutui tu mintu’ pepasan, atoran sia apa Napondok PUANG, Puangta.

NEHEMIA 10:29 ပူးပေါင်းရင်းမြစ်များ

2 DATU 10:31

Apa tang ponno penaanna tu Yehu ungkaritutui Sukaran alukNa PUANG, Kapenombanna to Israel, belanna tae’ naboko’i tu kasalanna Yerobeam, tu napa’pesuan lako to Israel umpogau’i.

2 DATU 23:3

Bendanmi tu datu dio to’ lentong, anna tanan misa’ basse’ dio oloNa PUANG, kumua naturu’i tau tu PUANG sia lantuk penaanna sia deatanna ungkaritutui tu pepasanNa sia kasa’bianNa sia mintu’ tu aluk Napondok sia untoe manda’i tu mintu’ kada basse tu disura’ lan sura’ iate. Iatu mintu’ to buda tamamo basse iato.

1 OSSORANNA DATU 9:2

Iatu tau pamulanna sule lako mana’na lan lu mintu’ kotana la umpa’tondokki, iamotu to kambanna to Israel, to minaa, to Lewi na to mengkarang lan Banua Kabusungan.

2 OSSORANNA DATU 34:31

Bendanmi tu datu dio inanna, anna tanan misa’ basse dio oloNa PUANG, kumua naturu’i tau tu PUANG sia lantuk penaanna sia deatanna ungkaritutui tu pepasanNa sia pa’pangada’Na sia iatu mintu’ apa Napondok sia unturu’i tu mintu’ kada basse tu disura’ lan sura’ iate.

2 OSSORANNA DATU 6:16

Na totemo, o PUANG, Kapenombanna to Israel, palanda’mi tu apa mangka Mipokada lako taumMi Daud, ambe’ku, kumua: Tang ka’tu tu bati’mu dio oloKu la unnisungi kapayunganna Israel, podo ke ungkaritutui lalanna tu anakMu muane sia unturu’ Sukaran alukKu susi kalolangammu dio oloKu.

NEHEMIA 13:25

Kusengkeimi tu tau iato mai, sia kugatai, sia ba’tu pira-pira kubamba sia kulampi’ beluakna sia kupopassumpa tete dio sanganNa Puang Matua, kumua: Da mipa’benganni tu anakmi baine sibali anakna bangsa iato sia da mialai tu anakna bangsa iato la napobaine anakmi ba’tu kumua la umpobainei.

NEHEMIA 7:46

Mintu’ to pabali-balian lan Banua Kabusungan: Bati’na Ziha, bati’na Hasufa, bati’na Tabaot;

NEHEMIA 8:2

saemi sirampun tu mintu’ bangsa butung to misa’ri dio lu tana lapang dio tingayo babangan Uai. Napalakumi tau iato mai tu Ezra, pandita sura’ la unnala sura’ Sukaran alukna Musa, tu Napa’bengan PUANG lako to Israel.

NEHEMIA 8:3

Nabaami to minaa Ezra tu sura’ Sukaran aluk lako tingayo kombongan, la muane la baine sia mintu’ tu to ma’dinmo untandai tonna allo bunga’na bulan ma’pempitu.

NEHEMIA 9:2

Umpatoyangmo kalena tu bati’na Israel dio mai mintu’ to sae sia bendan unnaku kasalanna sia kakelokanna nene’ to dolona.

NEHEMIA 9:38

Bannang diomote mintu’nate untananmoki’ basse tang leluk anta patamai sura’, anna ca’i pangulunta sia to Lewinta sia to minaanta.

PA’PUDIAN 105:45

Kumua anna karitutui tau iato mai tu aluk Napondok Puang, sia natoe manda’ tu mintu’ Sukaran alukNa. Haleluya!

PA’PUDIAN 119:106

Mangkamo’ umpalao sumpa sia la kupakatua te iannate: La kukaritutui tu mintu’ atoran malambu’Mi.

PA’PUDIAN 8:1

Lu lakona pangala sengo. Unturu’ baenan sengona Gitit. Pa’pudianna Daud.

PA’PUDIAN 8:9

Mintu’ manuk-manuk dao lu langi’ sia mintu’ bale lan tasik, iamotu mintu’ menono’na sumayo lan tasik kalua’.

YESAYA 14:1

Belanna Nakaturu-turui PUANG tu Yakub sia la tontong Natonno’ tu Israel sia la Napatorro lan tondokna; anna iatu to salian lembang la menturu’ lako to Israel sia la mareke’ lako rapunna Yakub.

YEREMIA 26:4

Iamoto pokadanni tau iato mai kumua: Inde sia tu kadanNa PUANG: Iake tae’i miperangiiNa’ sia tae’ mituru’i tu Sukaran alukKu, tu mangka Kuadarangkomi,

YEREMIA 34:15

Apa totemo mengkatoba’mokomi sia umpogau’ apa malolo dio pentiroKu sia pada umpetambammokomi katomakakan lako solana sia mangkamokomi untanan basse dio oloKu lan banua, tu dinii ussa’bu’ sangangKu.

YEHEZKIEL 36:27

La Kubenkomi PenaangKu la tama ba’tengmi sia Kupadadikomi to unturu’ apa Kupondok sia makaritutu umpogau’ atorangKu.

SURA’ KATOMINAAN 20:26

La maserokomi dio oloKu, belanna Akumote tu PUANG masero, iamoto Kupamarimbangankomi dio mai mintu’ bangsa, kumua ammi dadi taungKu.

MALEAKHI 4:4

La mikilalai tu Sukaran alukna Musa, taungKu, tu Kupokadanni dao Horeb, anna karitutui mintu’ to Israel, iamotu apa dipondok sia atoran.

KADIBILANGAN 5:21

– la nasumpa to minaa tu baine iato misa’ sumpa umpaden tampak ropu, anna ma’kada tu to minaa lako baine iato nakua: La Napadadiko PUANG misa’ tampak ropu sia sapuan pala’ dio lu bangsamu, anNa pamarangkei PUANG tu pupummu, Napakambangi tu tambukmu.

YOHANES 1:17

Belanna napa’benganmo Musa tu Sukaran aluk, apa iatu kamaturu-turuan sia kamanapparan Napaombo’ Yesu Kristus.

YOHANES 15:14

Kamumo te tu sangmaneKu, ke mipogau’i tu apa Kupa’peannan lako kalemi.

YOHANES 7:19

Tang mangkamorokomika naben Sukaran aluk Musa? Natae’ bangkomi misa’ umpengkaolai tu Sukaran aluk. Ma’apari ammi daka’ra lalan la umpateiNa’?

PENGGAURANNA RASULU’ 11:23

Iatonna rampomo, natiroi tu pa’kamaseanNa Puang Matua, parannumi, anna pakilalai tu tau mintu’, kumua anna tontong maruru’ lako Puang susitu diongnamo penaanna.

PENGGAURANNA RASULU’ 17:34

Apa den ba’tu pira-pira tu tau mengkadamak sia ma’patongan. Iatu tau iato den disanga Dionisius ada’ Aeropagus na misa’ baine disanga Damaris sia den dukapa to senga’ nasolan tu tau iato.

PENGGAURANNA RASULU’ 23:21

Apa da mimorai nanaran-naran tu tau iato la umparundu’i tu lalan penaanna, belanna la’bi patangpulo tu tau unnaunganni sia ussumpa kalena tae’ nala kumande sia mangiru’, ke tae’ pi napatei tu Paulus; totemoto marea bangmo umpeagii tu kamipalaloanna.

ROMA 12:9

Iatu kasialamasean pasiolananni kamalamburan. Kagi’gi’i tu kadakena la’ka’ lakokomi melona.

PA’TOLE 33:4

Napasanmoki’ Musa tu Sukaran aluk, tu napoapa kombonganna Yakub.

PA’TOLE 5:1

Natambai Musa tu mintu’ to Israel, sirampun nama’kada lako nakua: Perangii, e to Israel, tu aluk dipondok sia atoran, tu kupa’perangian allo iate, kumua ammi pelada’i sia mikaritutui.

PA’TOLE 5:32

La mikaritutui tongan, susitu mangka Napepasanan PUANG, Kapenombammi, lako kalemi; da misepang kanan ba’tu kairi.