NEHEMIA 1:4 - Sura' Madatu

⁴ Iatongku rangii te mintu’ kada iate, unno’ko’mo’ tumangi’ sia ma’pote dibolong ba’tu pirang-pirang allo. Ma’puasa dukamo’ sia massambayang dio oloNa Puang Matua dao suruga,

NEHEMIA 1:4 ပူးပေါင်းရင်းမြစ်များ

2 SAMUEL 12:16

Mengkamoyami tu Daud lako Puang Matua tu diona pia iato sia ma’puasa sia mamma’ diong padang situ’turan bongi.

2 DATU 22:19

belanna malamma’ tu penaammu sia umpamadiongangko kalemu dio oloNa PUANG, tommu mangka urrangii tu apa mangka Kupokada diona te inan iate sia iatu to torro lan, kumua la metakuran sia tampakan ropu, sia belanna usserek-serekko tamangkalemu sia tumangi’ dio oloKu, iamoto Kuperangii dukako, kadanNa PUANG.

2 OSSORANNA DATU 6:13

Belanna mangkamo nagaraga Salomo tu misa’ mimbar tambaga, napalanni tangnga’ tarampak, limang siku tu lambe’na. Limang siku tu babana, tallung siku tu langka’na, bendanmi dao anna malinguntu’ dio tingayona mintu’ kombongan to Israel, anna mempala’ langngan langi’.

EZRA 1:2

Inde sia tu kadanna Koresh, datu Persia nakua: Mintu’ kadatuan dao te kuli’na padang Nakamaseammo’ PUANG, Kapenombanna langi’, sia Napasanmo’ la umbangunanNi misa’ banua dio Yerusalem, lan Yehuda.

EZRA 10:1

Iatonna marassan tu Ezra massambayang sia unnaku kasalanna sia tumangi’ tukku dio tingayo banuanNa Puang Matua, sirampunmi tu tau buda tongan dio mai to Israel lako kalena, iamotu muane, baine sia pia, belanna iatu to buda randukmo siurrukan.

EZRA 9:3

Iatongku rangimi te apa iate, kuserekmi tu bayu lanku lu sia bayu lamba’ku, kudu’dukki tu beluak dao mai ulungku sia kudu’dukki tu danggo’ku, angku unno’ko’ tang unnissan apa.

EZRA 9:5

Apa iatonna dipemalarammo tu pemala’ makaroen, ke’de’mo’ diong mai to’ kuninna umpamadiongan kaleku, angku malinguntu’ ma’kameja serek sia ma’bayu lamba’ serek, sia umballa’ pala’ku lako PUANG, Kapenombangku,

NEHEMIA 2:20

Apa kubali tu tau iato kukua: iatu Puang Matua dao suruga Iamo la umpamaupa’ pengkarangangki, na kami, te taunNa, la ke’de’ umbangunni; apa iatu kamu tae’ taami ba’tu patu borongmi ba’tu kadipengkilalaiammi lan Yerusalem.

NEHEMIA 2:4

Ma’kadami datu lako kaleku nakua: Apara palakummu? Attu iato massambayangmo’ lako Puang Matua dao suruga.

PA’PUDIAN 102:15

Belanna mintu’ taumMi ungkamali’ batunna Sion, sia tang namasean tu barra’-barra’na.

PA’PUDIAN 136:26

Pudimi tu Kapenomban dao suruga, belanna iatu kamasokananNa tang tileluk sae lakona.

PA’PUDIAN 137:1

Dio randan salu Babel, kinii sio’koran, angki tumangi’, tongki kilalai Sion.

DANIEL 10:2

Attu iato ma’pote dibolongna’, te aku Daniel, malebu bang tallung minggu.

DANIEL 2:18

anna ma’kada kumua la umpalaku kamamasean lako Puang Matua dao suruga diona te rasia iate, kumua na iatu Daniel sola to nasolan da nadipatei sola to paissan torronapa dio Babel.

DANIEL 9:3

Mentingaramo’ langngan Puang Kapenomban la massambayang sia mengkamoya angku ma’puasa sia ma’karoro’ sia undudung barra’-barra’.

YUNUS 1:9

Ma’kadami lako tau iato mai nakua: Iate aku te to Ibrani sia umpenombaina’ PUANG, Kapenomban dao suruga, tu mangka ungkombong tasik sia karangkean.

ZEFANYA 3:18

Mintu’ tu to rosso penaanna, sikambela kasirampunan pa’gauran, manassa la Kurampun; inang naala bilangammu. Nati’tin kadilo’boan tu tau iato mai butung panglemba.

ROMA 12:15

Pada parannukomi to parannu; sia pada tumangi’komi to tumangi’.