NAHUM 2:4 - Sura' Madatu

⁴ Iatu mintu’ kareta sigalunturan dio lu lalan, sia sisarrukan dio lu mintu’ tana lapang; iatu arrangna susi dama’, sia susi kila’ sipellepa’-leparan.

NAHUM 2:4 ပူးပေါင်းရင်းမြစ်များ

SARAMBU PEADA’ 31:21

Tae’ namataku’, narampoi ambun makko tu rurananna, belanna mintu’ rurananna ma’tamangkale karamisi.

YESAYA 37:24

Tete dio pudukna kalena taummu ammu be’sei tu PUANG, mukua: Kabudanna karetaku angku kendekki tu buntu malangka’ sae langngan bottona Libanon sia kulelleng tu mintu’ garonto’ arasi’ kalandona, sia mintu’ sanoba’ mellongna; sia la rampona’ langngan botto malangka’na sia tama pangala’ tamman makampunna.

YESAYA 66:15

Belanna manassa la sae tu PUANG susi api na mintu’ karetaNa sangtinti talimpuru’, la umpapayan kasengkean ma’lulu-lulunNa sia pa’garrak ma’lana-lananNa.

YEREMIA 4:13

Tiromi, kendekmo susi gaun tikembong; sia iatu mintu’ karetana butung angin bara’, na iatu mintu’ darangna mandu matira’ anna langkan maega: upu’ allota belanna sanggangmoki’.

YEREMIA 46:9

Palakomi, e darang: patikaranni, e kareta; la tassu’mokomi e mintu’ to lalong: To Etiopia sia to Put ma’balulang sia mintu’ to Lidia ma’binting pana.

YEHEZKIEL 23:24

Tau iato mai ma’kareta sia ma’lentenan la ullaoiko sangsiturusan buda bangsa, la ma’pakolong sia ma’balulang sia ma’songko’ basi sae ullaoiko tiku lao. La Kueloran tu tau iato mai ma’paolai salu, anna paolaiko salu situru’ atoranna.

YEHEZKIEL 26:10

Kabudanna darangna anna samboiko barra’-barra’. Diona gumaluntu’na pakkanarang sia lentenan sia kareta parari, anna la tigoyak tu rinding tembo’mu, ke tamami babanganmu, susito tama kota mangka ditalo.

YEHEZKIEL 26:7

Belanna inde sia tu kadanNa Puangta PUANG, Nakua: Manassa la Kupake’de’ daa mai tu Nebukadnezar, datu Babel, datunna mintu’ datu, sola darang, kareta, pakkanarang, sia surodadu lumingka buda tongan, sae ullaoi Tirus.

DANIEL 11:40

Apa iake attu ma’katampakannai la sae tu datu rampe Lo’na lu urrarii tu datu rampe Daanna lu, anna iatu datu rampe Daanna lu la ullaoi umbaa kareta sia pakkanarang sia kappala’ buda; la tama ullaoi tu tondok iato sia samasai-sainna ma’parekan susito uai saba’.