NAHUM 2:3 - Sura' Madatu

³ Iatu balulangna mintu’ to lalongna mararang, sia iatu pa’barani ma’pakean karamisi; iatu karetana bendan umpoarrang bae’-bae’na susi api, ke allo kadipasakkaranna, sia mintu’ doke dipopangandu.

NAHUM 2:3 ပူးပေါင်းရင်းမြစ်များ

AYUB 39:23

Mubela siaraka umpopekkondongi susito batik? Sumeke metakuran na mepatiramban.

PA’PUDIAN 80:13

Ma’apari amMi lo’po’ri tu tembo’na, naurunganni minda-minda lendu’ inde to lalan iato napeloloi bang.

YESAYA 14:8

Sia naposendeko mintu’ kayu sanoba’, susi dukato tu kayu arasi’ dao Libanon, nakua: Tempommu sumpandan dio, tae’ bangmo misa’ tau kendek mai la ullellengkan.

YEHEZKIEL 23:24

Tau iato mai ma’kareta sia ma’lentenan la ullaoiko sangsiturusan buda bangsa, la ma’pakolong sia ma’balulang sia ma’songko’ basi sae ullaoiko tiku lao. La Kueloran tu tau iato mai ma’paolai salu, anna paolaiko salu situru’ atoranna.

YEHEZKIEL 26:7

Belanna inde sia tu kadanNa Puangta PUANG, Nakua: Manassa la Kupake’de’ daa mai tu Nebukadnezar, datu Babel, datunna mintu’ datu, sola darang, kareta, pakkanarang, sia surodadu lumingka buda tongan, sae ullaoi Tirus.

NAHUM 3:2

Perangiimi tu oni pebamba! perangiimi tu oni lentenan karetana, sikane’tekan! Mintu’ darang sipa’tetta’-tettaran sia iatu mintu’ kareta sitibuang-buang.

ZAKHARIA 1:8

Iatonna bongi kutiromi den misa’ muane ussakei darang balibi, anna tadang dio lu tangngana mintu’ garonto’ murdu’ dio to’ inan madiong, sia dio boko’na den ba’tu pira-pira darang balibi, pilla’ sia busa’ dio boko’na.

ZAKHARIA 11:2

Sumarroko, e sanoba’, belanna songkamo tu arasi’, sia diratoimo tu mintu’ kayu umbalumbun; sumarrokomi, e mintu’ jati dio Basan, belanna tibambangmo tu pangala’ tamman.

ZAKHARIA 6:2

Dio tu kareta bunga’na nanii darang balibi, dio kareta ma’penduanna nanii darang bolong,

KADA OMBO’ LAKO RASULU’ YOHANES 12:3

Kaanan pole’omi misa’ tanda senga’ dao langi’, iamotu misa’ naga kapua dukku mararang, pitu ulunna sia sangpulo tandukna, sia pitu makota dao ulunna;

KADA OMBO’ LAKO RASULU’ YOHANES 6:4

Nasun pole’o misa’ darang senga’, ma’bulu balibi, nadiben to ussakei tu kuasa umputtai kamarampasan lan lino, naurunganni sipate-patean tu tau; sia misa’ pa’dang kapua dikamaseanni.