NAHUM 2:2 - Sura' Madatu

² Belanna la Nabangun PUANG sule tu kamala’biranna Yakub, susi dukato tu kamala’biranna Israel, belanna mangkamo narampa to mangrampa sia nasanggangi tu tangke anggoro’na.

NAHUM 2:2 ပူးပေါင်းရင်းမြစ်များ

PA’PUDIAN 47:4

Ia umpopengkanorongi tu mintu’ bangsa lako kaleki, sia Napatundukangkan tu mintu’ to sangpetayanan!

YESAYA 60:15

Iatommu disitampei pirambongi’ sia disayu pallan, naurunganni tae’mo tau unnolaiko. Akumo tu la umpamala’bi’ko sae lakona sia Kupadadiko kasendean disituran-turananni.

YEREMIA 25:29

Belanna manassa Kuparandukmo ussanggangi tu kota dinii ussa’bu’ sangangKu, umba nakua nala tang urruakomi? Tae’ mila tilendok dio mai kamandasan, belanna Akumo la umparampoi kandean pa’dang tu mintu’ to untongkonni kuli’na padang, kadanNa PUANGna mintu’ ma’dandan maritik.

YEREMIA 48:11

Tempon manguranna tu Moab torro manaman; mari’pi bang daona lu mentainna tae’ len naditua’ lan mai busso misa’ lako busso senga’, sia tae’ lenpa nadipali’; iamoto natontong bang tu mammi’na sia tae’ namembali tu busarungngu’na.

YEREMIA 49:9

Iake saei lako kalemu tu to mebua anggoro’ tae’raka nala untampei pira? Ba’tu iatu to boko ke bongi, tae’raka na ia manna naala tu silasanna lako kalena?

YEHEZKIEL 37:21

ammu ma’kada lako mukua: Inde sia tu kadanNa Puangta PUANG, Nakua: Manassa la Kuala tu to Israel dio mai mintu’ bangsa tu nanii male: sia la Kupasipulung dio mai mintu’ inan, angKu solanni lako tondokna.

YEHEZKIEL 37:23

Tae’mo anna ruttakki rapang-rapang dipodeatanna tu kalena sia apa megallianna sia mintu’ kapatodo-tintinganna, sangadinna la Kurampanan tu tau iato mai dio mai kamembokoranna, tu napobannang kasalan, sia la Kupamasero, naurunganni iatu tau iato mai Kupotau na Aku napoKapenomban.

HOSEA 10:1

Iatu Israel misa’ garonto’ anggoro’ loboran; satarri’-tarri’na tu buanna, sanarangngan-rangnganninna tu inan pemalaranna, samelo-melona tu padangna, sanaballo-balloinna tu batu dipodeata.

NAHUM 2:10

Mangsan, lo’bang, sanggang! pussak tu penaa, sia ma’parondo-rondomo tu mintu’ guntu’; iatu mintu’ aak sipa’dikan sia mintu’ lindo pa’de rupanna.

NAHUM 3:14

Timbako uai, mupakei ke dipatama limbuko, pematoto’i tu mintu’ bentengmu, pelleseiko litak pitti’ sia lullu’ko losso’ pitti’, ammu toei tu pandiri batu tela.

ZEFANYA 3:11

Allo iato tae’mo mula masiri’ belanna mintu’ penggaurammu, tu mupobannangmo patodo tinting lako Kaleku, belanna la Kualai lan mai alla’mu tu mintu’ to unnarrak tete dio kamatampoanna, sia tae’mo mula umpakapua kalemu dao buntu maindanKu.