NAHUM 1:2 - Sura' Madatu

² Iatu PUANG iamo Kapenomban noka ditimba oloNa sia ma’pabala’i, iatu PUANG iamo To ma’pabala’i sia nakabu’ kare’dekan ara’; iatu PUANG To ma’pabala’i lako to unneaI, sia tontong tu kasengkeanNa lako ualinNa.

NAHUM 1:2 ပူးပေါင်းရင်းမြစ်များ

AYUB 20:23

La Napa’pediaran tau iato iamoto Narampananni Puang Matua tu kasengkean dukkunNa ullaoi, tu Nabarrakan susito uran lako kalena napokande.

PA’PUDIAN 94:1

O PUANG, Kapenomban ma’papakkanni, o Kapenomban ma’papakkanni, popengkillangi tu Kalemi.

KATASSURAN 20:5

Da’ mutukku umpenombai sia da’ mupengkaolai, belanna Akumo PUANG, Kapenombammu, Kapenomban manoka ditimba oloNa, tu umpapakkanni kakelokanna mintu’ ambe’ lako anakna, sae lako osso’ ma’pentallunna sia ma’penna’pa’na tu mintu’nato ungkabiri’Na’,

KATASSURAN 34:14

Belanna tae’ muma’din tukku menomba lako deata senga’ belanna iatu sanganNa PUANG iamo Puang noka ditimba oloNa, sia Iamo Kapenomban noka ditimba oloNa.

KATASSURAN 34:7

tu umpatontong kamasokananNa lako ma’sa’bu-sa’bu tau, tu umpagarri’ mintu’ kapatodo-tintingan sia kakelokan sia kasalan; inang tae’ nabilang maseroi tu mintu’ to umpogau’ kasalan, sangadinna umpapakkanni kakelokanna mintu’ ambe’ lako anak-lanto mimi’na sae lako osso’ ma’pentallunna sia ma’penna’pa’na.

YESAYA 42:13

Iatu PUANG tassu’ susi misa’ pa’barani, Natukka’ ara’Na anNa maparrang susito parari; la unnarrak-arrak parari, metalillingan tongan; la umpa’petiroan kalalonganNa unnea ualinNa.

YESAYA 51:17

Pana’dingko, pana’dingko, millikko e Yerusalem; e iko tu mangka unniru’i tu lan irusan nanii kare’dekanNa PUANG tu Natadoangko, sia mangka umpepurai nairu’ tu apa palango lan irusan.

YESAYA 51:20

Mintu’ anakmu limpu nasangmo dio lu to’ tetuk lalan, susi nuang naala patuang: nalango liumo kare’dekanNa PUANG sia pa’garrakNa Kapenom- bammu.

YESAYA 66:15

Belanna manassa la sae tu PUANG susi api na mintu’ karetaNa sangtinti talimpuru’, la umpapayan kasengkean ma’lulu-lulunNa sia pa’garrak ma’lana-lananNa.

YEREMIA 25:15

Belanna inde sia tu kadanNa PUANG, Kapenombanna to Israel, lako kaleku, Nakua: Alami te irusan Kutadoangko nanii anggoro’ kare’dekan ara’, ammu pairusanni mintu’ bangsa, tu la Kunii ussuako.

YEREMIA 28:8

Iatu mintu’ nabi dolo-dolona, tu dolo na aku sia dolo na iko ma’nubua’ diona ba’tu pira-pira tondok matoto’ sia ba’tu pira-pira kadatuan kapua, kumua la narampoi kasirarian sia kamandasan sia ropu.

YEREMIA 3:5

Ma’dinraka tu kasengkeanNa la tontong sae lakona? Ma’dinraka la Napatontong bang tu kare’dekanNa? Susimo kadammu to, ammu pogau’ siapi tu mintu’ kakadakean, naurungan sakerangngan-rangnganna.

YEREMIA 36:7

Den sia manii upa’ tu palakunna dipenomban dio oloNa PUANG, anna pantan mengkatoba’ tu tau iato mai dio mai lalan kadakena; belanna lendu’ kapuana tu kasengkeanNa sia kare’dekan ara’Na PUANG, tu Napakarranganni te bangsa iate.

YEREMIA 4:4

Sunna’i tu kalemi lako PUANG sia tibei tu salepe’ kasirisan penaammi, e kamu to Yehuda sia pa’tondokan Yerusalem, da nama’lana-lana susi api tu kare’dekangKu sia ma’pamampu’, naurunganni tang dibela dipa’dei, belanna penggauran kadakemi.

YEREMIA 50:15

Sumapukokomi ullilingi – ussorongmo kalena; ro’pokmo tu lentong tembo’na, sia dirondonmo tu rinding tembo’na, belanna iamote tu pa’pakkanNa PUANG; papakkanni sia pogau’i lako susitu mangka napogau’.

BATING 4:11

Napasundunmo PUANG tu kare’dekan ara’Na. Nabarrakan tu kadukkuanna kasengkeanNa. Ondong pissan Napadukkumo tu api lan Sion, tu umpepurai nakande tu parandangan tembo’na.

YEHEZKIEL 36:6

Iamoto, ma’nubua’ko diona padangna Israel sia ma’kadako lako mintu’ buntu sia tanete, lako randan salu’-salu’ sia lombok, kumua: Inde sia tu kadanNa Puangta PUANG, Nakua: Manassa ma’kadaNa’ tete dio kapangimburuangku sia kare’dekanna ara’Ku, Kukua: Belanna mipassanmo tu kadilo’boanna tu mintu’ bangsa,

YEHEZKIEL 38:18

Apa attu iato, ke saei tu Gog ullaoi tondok Israel, kadanNa Puangta PUANG, manassa iatu kare’dekan ara’Ku la ma’pamurru’ lan mai illongKu,

YEHEZKIEL 38:19

sia tete dio kapangimburuangKu sia kasengkeangKu, tu dukku-dukku, angKu ma’kada kukua: manassa allo iato la narampoi lino’ kapua tu tondok Israel.

YEHEZKIEL 39:25

Iamoto, inde sia tu kadanNa Puangta PUANG, totemo la Kupasule tama dandanna tu Yakub sia la Kukamasei tu mintu’ to Israel sia la natukka’Na’ ara’Ku belanna sanga madatungKu.

YEHEZKIEL 5:13

Susimoto tu kasengkeangKu la Kutappu’i Kubarrakan sia la Kuparampoi kare’dekan ara’Ku tu tau iato mai, namane sau penaangKu sia ma’papakkanniNa’. Sia la naissan tau iato mai, kumua Akumo, tu PUANG, tu kamanokangKu ditimba oloKu angku ma’kada, ke mangkami Kutappui tu mintu’ kare’dekan ara’Ku Kuparampoan tau iato mai.

YEHEZKIEL 6:12

Minda-minda tu mambelanna la mate napobua’ ra’ba biang, minda-minda tu mandappi’na la tibambang nakande pa’dang; na minda-minda tu torronapa sia tilendoknapa la mate napobua’ karorian; la Kutappui tu mintu’ kare’dekan ara’Ku la Kuparampoan tau iato mai.

YEHEZKIEL 8:18

Iamoto la Kuparampoi peada’ situang kare’dekan ara’Ku. Tae’ Kula ungkasayangi sia tae’ Kula ungkatirinnai. Moi anna melallak-lallak lako to’ talingangKu, inang tae’ Kula umperangii.

YOËL 2:18

Attu iato Napa’tunduammi PUANG tu tondokNa, sia Nakamasei tu taunNa.

SURA’ KATOMINAAN 26:28

manassa la Kulaoikomi sia la Kuparampoikomi kare’dekan ara’Ku, ondongpi la Kupa’dikkikomi pempitu diona kasalammi.

MIKHA 7:18

Mindara tu Kapenomban susi Kamu, tu umpagarri’ kakadakean sia umpaboko’i kapatodo-tintinganna mana’ torroNapa, tu tang unnanna kasengkeanNa tontong sae lakona, sangadinna umpopaiman kamasokanan!

ZAKHARIA 1:14

Ma’kadami lako kaleku tu malaeka’ kusipa’kadan nakua: Pa’peissananni, mukua: Inde sia tu kadanNa PUANGna mintu’ ma’dandan maritik, Nakua: Lendu’ tongan Kukamali’na tu Yerusalem dio Sion, angKu posara’i,

ZAKHARIA 8:2

Inde sia tu kadanNa PUANGna mintu’ ma’dandan maritik, Nakua: Lendu’ Kukamali’na tu Sion, angKu posara’i. Kukamali’ tongan, angKu posara’i.

KADIBILANGAN 25:11

Iatu Pinehas, anakna Eleazar, anakna to minaa Harun, umpara’dai tu kare’dekan ara’Ku dio mai to Israel, belanna maparrang tongan dio lu tau iato mai umpakala’bi’Na’, iamoto natae’mo Kumaparrang ussabu’i tu to Israel.

ROMA 12:19

E pa’kaboro’ku, da anna kamu kalena ma’pasibalaran, sangadinna pakampai kasengkeanNa Puang Matua, belanna den disura’ kumua: Aku umpoissanni tu pepakkan; Akumote tu la umpapakkanni, kadanNa Puang.

ROMA 13:4

Belanna iamo taunNa Puang Matua tu umpabu’tuangko kameloan. Apa iake umpogau’ko kakadakean, la mataku’ko, belanna tae’ natakin punala bangi tu la’bo’, apa iamo taunNa Puang Matua, tu umparampo kasengkean lako minda-minda tu umpogau’ kakadakean.

PA’TOLE 4:24

Belanna iatu PUANG, Kapenombammu, susito misa’ api ma’pamampu’ sia Kapenomban noka ditimba oloNa.

PA’TOLE 7:10

Apa lako simisa’-misa’ tau tu to ungkabiri’I, Napabala’i tu penggauranna, ke Nasanggangi. Tae’ Napadapai lako minda-minda tu ungkabiri’I, sangadinna lako batang kalena Nanii umpabala’i tu penggauranna.

IBRANI 10:30

Belanna tatandai tu To mangkamo ma’kada kumua: Akumo untoe pepakkan; Aku duka tu ma’papakkanni, sia Nakua siapa: Puang tu la umpaolai salu tu taunNa.

YOSUA 24:19

Apa ma’kada tu Yosua lako bangsa iato nakua: Tang miatta umpengkaolai PUANG, belanna Iamo Kapenomban sumpu masero. Iamo Kapenomban noka ditimba oloNa. Tae’ nala umpagarri’i tu kapatodo-tintingammi sia kasalammi.

2 PETRUS 2:9

iake susito, payanmo kumua Naissan Puang urrampanan mintu’ to mengkaola lan mai kadirosoan, sia umpattang mintu’ to kelok penaanna sae lako allo pangukungan, anNa pakario-rioi,