MIKHA 7:9 - Sura' Madatu

⁹ Iatu aku untanggung kare’dekan ara’Na PUANG – belanna umpogau’na’ kasalan lako kaleNa – sae lako nasanda tongannina’ lan kara-karaku sia Napasirundunan tu salunna lako kaleku. La Napatassu’na’ lako masiang; sia la kutiro kumua umba Nakua umpogau’i tu kamaloloan.

MIKHA 7:9 ပူးပေါင်းရင်းမြစ်များ

2 SAMUEL 24:17

Iatonna tiromi Daud tu malaeka’ umparampo kasanggangan dio lu pa’tondokan, nakuami lako PUANG: Akumora te, akumo tu kasalan, sia akumo umpogau’i tu kakadakean. Apa iate mai domba, apara ia napogau’? Elo’namo Mipata’paina’ lima sola mintu’ rapungku.

AYUB 23:10

Belanna Naissan Puang, umba nakua tu lalan penggaurangku; iake Nasudina’ tassu’na’ susito bulaan.

AYUB 35:14

Ondong pole’, ke ma’kadakomi, kumua tae’ mitiroI tu Puang, sia iatu kara-kara dio oloNa, apa sipatu mikampai tu Puang.

PA’PUDIAN 119:154

Pasanda salunnana’ diona kasipakkangku tau, amMi lendokanna’; patuona’ susitu pangallu’Mi.

PA’PUDIAN 37:6

Ia duka umpadellekki tu kamaloloammu butung masiang, sia katonganammu susito kulla’ ma’tangngana allo.

PA’PUDIAN 43:1

O Puang Matua, sanda tongannina’ sia paolaina’ salunna, umbali misa’ bangsa tang mekaaluk; lendokanna’ dio mai to patua’ ba’tang sia to kelok.

PA’PUDIAN 7:6

elo’na naula’ sumpuna’ ualingku anna alaina’, sia nalullu’i rokko padang tu sunga’ku, sia nalamma’i rokko litak tu deatangku. Sela

PA’PUDIAN 94:15

Belanna iatu pa’paolai salu la sule lako kamalamburan, sia mintu’ to bulo lollong la umpengkaolai.

YESAYA 42:16

AngKu rendenni tu to buta dio lu lalan tang natandai, sia la Kupopa’lingka dio lu batatta tang nalesepa; la Kupopembali masiang tu malillin dio tingayona sia la Kurantean lalan. Mintu’na apa iate, la Kupadadi sia tae’ Kula tang umpogau’i.

YESAYA 42:7

la umpamillik mata to buta, la untassu’i to ditarungku lan mai pa’tarungkuan sia la urrampananni lan mai pa’pattangan tu to unno’ko’ lan kamalillinan.

YESAYA 46:13

Iatu kamaloloangKu Kupopengkareke’mo, tae’mo anna mambela sia iatu kasalamaran lu dio mai Kaleku tae’ nala malelan; sangadinna Aku la ungkamasei kasalamaran tu Sion sia kamala’birangKu tu to Israel.

YESAYA 51:22

Nakua tu kadanNa Puangmu PUANG, iamotu Kapenombammu, tu untonganan taunNa: La kualaimo lan mai limammu tu irusan nanii apa melango; sia tu lanna irusan nanii kamare’dekangKu tae’mo ammu la unniru’i.

YESAYA 56:1

Nakua kadanNa PUANG: Karitutui tu katonganan sia pogau’i tu kamaloloan, belanna iatu kasalamaran lu dio mai Kaleku la saemo sia iatu kamaloloan lu dio mai Kaleku sattu’mora anna dipaombo’.

YEREMIA 10:19

A’a dikka’ tu aku belanna balalaku! Tumbai mapa’di’na tu bangkeku. Manassa la ma’kadana’ kukua: Io, sipatu la kuperasai te pa’di’ iate.

YEREMIA 14:7

Moi anna iatu kakadakeangki bendan titanan sa’bi unneakan, o PUANG, pogau’i tu iannato diona sangamMi. Belanna tarru’ memboko’mokan, sia lako Kalemi kinii kasalan.

YEREMIA 51:10

PUANG umpasomboi tu katongananta; maikomi talao umpa’peissananni tu penggauranNa PUANG, Kapenombanta lako Sion.

BATING 1:18

Iatu PUANG malambu’, belanna pabali-balimo’ unnea kadanNa. Perangii, e mintu’ bangsa, sia tiroi tu kamapa’dirangku, mintu’ tu baine malolle’ dio kaleku sia pia muane malolle’ku male nasangmo dipali’.

SURA’ KATOMINAAN 26:41

iamoto angKu ea dukai tu tau iato mai sia Kusolan tama tondokna ualinna –, sia iake umpamadiongi kalena tu tang disunna’ penaanna sia mangkamo umpassan pakkan kakelokanna,

MALEAKHI 3:18

Attu iato la balik tu penaammi, ammi tiroi tu kasisengaranna to malambu’ sia to kelok, sia kasisengaranna minda tu mengkaola lako Puang Matua na minda tu tae’ namengkaola lako Kalena.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

2 TIMOTIUS 4:8

Na undinna sakka’mo makota kamalamburan, tu la Napa’kamasean Puang lako kaleku ke Allo iato, tu Tomangra’ta’ malambu’, sia tangia lako manna kaleku, sangadinna lako duka mintu’ to ungkamali’mi tu kasaeanNa.

KADA OMBO’ LAKO RASULU’ YOHANES 18:20

E, lanna suruga, sia mintu’ to masallo’ sia mintu’ rasulu’, sia mintu’ nabi arrakki, belanna Napaolaiammokomi salunna Puang Matua.

1 SAMUEL 24:15

Mindara tu nalaoi datu to Israel? Mindara tu naula’ puangku? Misa’ asu mate sia misa’ talla!

1 SAMUEL 25:39

Iatonna rangimi Daud, kumua matemo tu Nabal, ma’kadami nakua: Mintu’na kapudian lu langngan PUANG tu untuntunanna’ kara-karaku sia umpakkanni lako Nabal tu kanalo’boangku sia Nadampamo tu taunNa la umpogau’ kadake sia iatu kakadakean Napasule PUANG langngan ulunna Nabal. Mangkato nasuami Daud tu tau male sipa’kada Abigail umpokadanni, kumua la napobaine.

1 SAMUEL 26:10

Sia nakuapa Daud: La lelukraka tuoNa PUANG, manassa la nasanggangi PUANG; ba’tu la nalambi’mi lampakna, naurungan mate, ba’tu malei parari anna dipatei.

1 SAMUEL 3:18

Napokadammi Samuel tu mintu’ kada iato, moi sangbuku kada tae’ nabuni len. Nakuami Eli: Iamo Ia PUANG, da’ito anNa pogau’i tu apa Nasanga melo dio pentiroNa.