MIKHA 7:7 - Sura' Madatu

⁷ Apa iatu aku la ma’penununa’ untayan PUANG, sia la umpeagina’ Puang Matua, oto’na kasalamarangku; la Naperangiina’ Kapenombangku.

MIKHA 7:7 ပူးပေါင်းရင်းမြစ်များ

KADADIAN 49:18

Umpeagina’ kamakarimmanan tu bu’tu dio mai Kalemi, o PUANG!

PA’PUDIAN 109:4

Napapakkanni kasiualian tau iato mai tu mamaseku, apa tontong bangna’ massambayang.

PA’PUDIAN 130:5

Umpeagina’ PUANG, ondongpi iatu deatangku ma’peagi-agi, sia urrannuanna’ kadanNa.

PA’PUDIAN 25:5

Palolangna’ lan kamanapparamMi sia ada’ina’, belanna Kamumo tu Puang Matua, oto’na kasalamarangku, sia kupeagiKomi keallo-keallo.

PA’PUDIAN 37:7

Parapa’i tu penaammu dio oloNa PUANG sia tayanNi; da mukaredei tu to maupa’ lalanna, sia iatu umpalolang tangnga’ kelok.

PA’PUDIAN 38:15

Ondongpi aku te butungna’ to tang parangi, sia tang naissan ma’pabali.

PA’PUDIAN 50:15

Sia meongli’ko lako Kaleku lan kapussakan, Aku la ungkarimmanniko, ammu pakala’bi’Na’. Sela

PA’PUDIAN 65:2

Lan Sion sipato’ nanii kendek pudi-pudian mati’ Kalemi, situang penaa rapa’, o Puang Matua; sia mati’ Kalemi la kinii umpalesso’ pangallonangki.

PA’PUDIAN 85:5

Pasulekan tama dandanki, o Puang Matua, oto’na kasalamarangki, sia pa’deimi tu kasengkeamMi lako kaleki.

YESAYA 12:2

Inang Puang Matua tu oto’na kamakarimmanangku, marannuna’, sia tae’ kumataku’, belanna PUANG PUANG tu oto’na kamatotorangku sia pa’pudiangku sia Iamo kupomakarimman.

YESAYA 17:7

Allo iato iatu tolino la mentingara lako To menampana sia iatu matanna la mentiro lako To maserona to Israel.

YESAYA 25:9

Allo iato la ma’kada tu tau kumua: Inang Iamo Kapenombanta te, tu tanii sande’, kumua Iamo la urram- panangki’; Iamo PUANG te, tu taposande’; maikomi anta unnarrak sia parannu diona kadirampanan lu dio mai Puang.

YESAYA 45:22

Lu maikomi Kaleku, ammi makarimman, e mintu’ randan langi’, belanna Akumo tu Puang Matua tae’ senga’na.

YESAYA 8:17

La kutayan tu PUANG, tu umpembuniammo bati’na Yakub, lako Kalena la kunii sande’.

BATING 3:24

Nakua penaangku: PUANGmo tu ba’gi mana’ku, iamoto anna Ia kurannuan.

DANIEL 3:17

Iake matoto’ siai tu Kapenombangki tu kipenombai la urrampanangkan, manassa la Narampanangkan lan mai dapo’ nanii api ma’lana-lana sia lan mai limammi, datu.

HOSEA 12:6

iamo tu PUANG, Kapenombanna mintu’ ma’dandan maritik, PUANG tu sanganNa.

YOËL 1:19

Lakori Kalemi, o PUANG, kunii metamba, belanna napoppongimo api tu kariuanna dio lu padang pangallaran, sia nalepa’i api tu mintu’ garonto’ kayu dio lu padang.

HABAKUK 2:1

La bendanna’ dao menara pa’kampangku sia la tunannangna’ dao benteng tembo’ tu kunii ummanta-mantai tu apa la Napokada Puang lako kaleku sia apa la kupebalian sarroku.

HABAKUK 2:3

Belanna iatu patiro mendeata umpeagipa tu attu dipamanassa, apa la madoi’ male lako ma’katampakanna sia tae’ nabuttok; iake malelanpi, la mukampai, belanna la sae tongan, sia tae’ nala torro.

KADIBILANGAN 5:28

Apa iake tae’i naruttakki kalena tu baine iato, sangadinna masero dio mai sala, manassa tae’ narampoi ukungan sia ma’din kianak.