MIKHA 7:6 - Sura' Madatu

⁶ Belanna iatu pia muane umpamatuna ambe’na; iatu pia baine bendan umbali-bali indo’na sia minintu baine umbali-bali matusanna baine; na iatu mai tau, siruranna mendadi ualinna.

MIKHA 7:6 ပူးပေါင်းရင်းမြစ်များ

KADADIAN 49:4

Ta’dulu’ bang susi uai mandirri’ tae’mo na iko tu la tompo’, belanna mulosa’ tu randan dali’na mendadiammu, sia muruttakkimo, mukendekki tu dali’ patindoangku.

2 SAMUEL 16:11

Sia nakuapa Daud lako Abisai sia lako mintu’ taunna: Akkenna anakku kalena, tu sun dikaleku la ungka’tu sunga’ku, apa pole’pa tu to Benyamin iate. Da’ito natampakkina’ ropu, ke susii kadanNa PUANG lako kalena to.

PA’PUDIAN 41:9

Le’ke’ misa’ saki tang dampi-dampian lako kalena, iamoto totemo mamma’mo anna tae’mo nala malimbangun sule.

SARAMBU PEADA’ 30:11

Den tu tau pira unggatai ambe’na sia tae’ napasakke indo’na.

SARAMBU PEADA’ 30:17

Iatu mata untelle-telle ambe’na sia tang umbilang kamengkaolan lako indo’na, la natotokki kaduaya diong biring salu’-salu’ sia la nakande anak langkan maega.

YESAYA 3:5

Tau iato mai la sikande bete sipakario-rio, sia pia la ullaoi to matua sia to bongko la unnea to la’bi’.

YESAYA 9:19

Dio rampe kanan ma’karu’bek tu tau, apa topo sia, na dio kairi mangampello’ tu tau, apa tae’ sia anna dia’; pantan la ungkande bale-bale takia’na.

YEREMIA 12:6

Belanna moi mintu’ siulu’mu sia mintu’ sangdadianna ambe’mu tang maruru’ lako kalemu, metamba tu tau iato mai dio boko’mu umpekapuai gamaranna; da mupatonganni, ke ma’kada mammi’i lako kalemu.

YEREMIA 20:10

Belanna kurangimo tu tau buda sibisik-bisik – den kamaramban tiku lao – nakua: Pokadai apara tu la tatandaranni! Mintu’ solaku tu kusikadamakan ummanta-manta katobangangku sia nakua: Lalo sia manii tanaran anta ma’din umpasalai sia umpabala’i.

YEREMIA 9:4

Pada kanandaikomi kalemi dio mai solami sia da mirannuan moi misa’ siulu’ belanna iatu mintu’ siulu’ pa’pakenan sia lu lako lu dio mai ma’palele beko.

YEHEZKIEL 22:7

Lan lu tangngamu dipamatuna tu mai indo’ sia ambe’; sia lan lu tangngamu dipakario-rio tu to sae, sia lan lu kotamu dibala’-bala’ tu pia biung sia baine balu.

OBAJA 1:7

Mintu’ solamu musibassean ussuako sorong boko’ lako katonan tondok, sia mintu’ sangmuanemu umpakenako sia ussau’ko, sia iatu musolan kumande untananniko poya, tae’ tu tangnga’ kinaanna.

MATIUS 10:21

To siulu’ la ussorong penaanna siulu’na anna mate dipongko, sia ambe’ la ussorong penaanna anakna. Sia iatu mai pia la umbalibali indo’ ambe’na sia napa’pepatean.

MATIUS 26:23

Mebalimi Yesu Nakua: Na tu to Kusangbarasan unnoton limangKu rokko pindan, iamoto tu la umpa’peturoanNa’.

LUKAS 12:53

tonganna ambe’ la sisala anakna muane sia pia muane anna ambe’na, sia indo’na sisala anakna baine sia pia baine na indo’na, sia matusanna baine anna manintunna baine sia manintunna baine anna matusanna baine.

LUKAS 21:16

Moi to matuammi sia siulu’mi sia sangdadiammi sia sangmanemi la naparapa’ dukakomi sia iatu kamu denkomi la napatei;

YOHANES 13:18

Ia sia Kuma’kada tangia diona kamu sola nasang, belanna Aku te Kutandai minda tu Kupilei. Apa dikuari anna sundun tu lanna Sura’ Madatu, tu Nakua: Iatu to Kusolan kumande, untitti kambutu’na unneaNa’.