MIKHA 7:2 - Sura' Madatu

² Iatu to mekaaluk tae’mo lan tondok sia to ma’bulo sanglampa tae’mo dio lu torro tolino. Pada ma’penunumo tu tau iato mai la umpatibollo rara; pantan undaka’ lalan la umpoya siulu’na.

MIKHA 7:2 ပူးပေါင်းရင်းမြစ်များ

PA’PUDIAN 10:9

Mangaung dio to’ kabunianna butung to singa lan to’ kakayuanna; sia mangaung la undammak to dipandasa. Nadammakmi tu to dipandasa, nariu’i tama bundena.

PA’PUDIAN 12:1

Lu lakona pangala sengo. Diala madiong. Pa’pudianna Daud.

PA’PUDIAN 12:2

Karitutui, PUANG, belanna tae’mo to mengkaola, sia madarang sa’pemo tu to maruru’ dio lu mintu’ ma’rupa tau.

PA’PUDIAN 57:6

Pamatandei tu Kalemi daona lu langi’, o Puang Matua, sangapoi anna ussamboi lino tu kamala’biramMi.

SARAMBU PEADA’ 1:11

Iake ma’kadai tu tau iato mai, nakua: Maiko tamale sola mangodo’ umpatibollo rara, sia la unnaungan to tang kasalan, moi tae’ bannangna;

SARAMBU PEADA’ 12:6

Iatu kadanna to tang mekaaluk mangodo’-odo’ bang undaka’ lalan la umpatibollo rarana tau, apa iatu lilana to bulo lollong umpamakarimman kalena.

YESAYA 3:5

Tau iato mai la sikande bete sipakario-rio, sia pia la ullaoi to matua sia to bongko la unnea to la’bi’.

YESAYA 57:1

Iatu to malambu’ sanggang, natae’ bang misa’ tau ussailei, sia iatu to masallo’ diurakkimo, natae’ bang tau umpoinaai; belanna diona kakadakean, anna diurakki tu to malambu’;

YESAYA 59:7

Iatu lentekna matira’ la umpogau’ kakadakean sia madomi’ umpatibollo rarana to tang sala; mintu’ karangan inaanna, tangnga’ kabulitukan manna sia dio lalanna kasanggangan manna sia kamatilakan.

YESAYA 9:19

Dio rampe kanan ma’karu’bek tu tau, apa topo sia, na dio kairi mangampello’ tu tau, apa tae’ sia anna dia’; pantan la ungkande bale-bale takia’na.

YEREMIA 16:16

La ussuaNa’ to mebale buda, kadanNa PUANG, anna ia untingkanni tu tau iato mai susi bale, undinnato la ussuaNa’ buda to moasu, la unnula’i dao mai mintu’ buntu sia mintu’ tanete, sia lan mai mintu’ kalo’tok batu.

YEREMIA 5:16

Iatu inan tinaranna butung to kaburu’ menganga: mintu’ tu tau iato mai tau lalong nasang.

YEREMIA 5:26

Belanna dio lu mintu’ taungKu diapparan tu to tang mekaaluk, tu mangodo’-odo’ susito ma’poya lumbang untanan poya la umpoya tau.

YEREMIA 8:6

Kupeandallingmo sia Kuperangii-rangiimo, manassa tau iato mai umpokada apa kelok; moi misa’ tae’ umpenassanni tu kakadakeanna, nakuami: Apara tu kupogau’? Mallaimi sola nasang sorong boko’ susito darang ma’dondo tama tananan ra’.

BATING 4:18

Attu iato nabasamiki’ matanna tau iato mai, ke mentengkaoki’, naurungan tae’mo tama’din umpolalan rante malona’ta; upu’mo allota sia sumpumo sumandakta, manassa, upu’mo allota!

YEHEZKIEL 22:12

Lan tangngamu den tu to ungkande pappe’ sia unneloranni tu tau umpatibollo rara; mupalaku tu denne’ sia musanta’ tu denne’ sia muperarai sia mupakario-rio tu padammu rupa tau, apa iatu Aku tae’mo mukilalaiNa’, kadanNa Puangta PUANG.

YEHEZKIEL 24:6

Iamoto, inde sia tu kadanNa Puangta PUANG Nakua: Upu’ allona tu kota umpentombang rara, iamotu kurin ta’garan, tang lossok-lossokannamo. Alai sisangira’-ira’i lan mai, apa tae’ nadipile-pilei.

HOSEA 5:1

Perangii te, e kamu to minaa, sia parinaai te, e to Israel, sia tananni talinga, e kamu to lan banuanna datu! Belanna iatu kamu, la narampoikomi ukungan, belanna dadikomi poya lako Mizpa, sia misa’ dalla’ tiballa’ dao Tabor.

HOSEA 6:9

Iato tuntunan to minaa mangodo’ susito pa’gora’, umpatei tau dio lu lalan lako Sikhem. Inang umpogau’ gau’ liu kadake tu tau iato mai.

MIKHA 2:8

Apa masai allomo tu taungKu pabali-bali susi uali lako Kaleku; nalalakki tu bayu lamba’ lan mai bayunna to lendu’ malolo, iamotu to manoka massite’ge’.

MIKHA 3:10

tu umbangun Sion umpato’do rara sia Yerusalem umpogau’ kakelokan.

MIKHA 3:2

Mikagi’gi tu melona, ammi kabarii tu kadakena, mikalekei tu kuli’na sia issinna dio mai bukunna tau iato mai.

ZAKHARIA 11:6

Belanna tae’mo Kula ungkasayangi tu to untorroi kuli’na padang, kadanNa PUANG; manassa la Kusorong tu mintu’ tolino tama limanna padanna tolino sia tama limanna datunna; na tau iato mai la umpopempadang lo’bangi te lino sia tae’mo Kula urrampananni lan mai limanna tau iato mai.

PENGGAURANNA RASULU’ 24:9

Mintu’na tu to Yahudi, untamai tu pa’parapa’ iato, ungkatottongi kamua tonganna susito.

1 SAMUEL 24:11

Tonganna allo ia dukamote anna matammi kalena untiroi, kumua Nasorong PUANG te allo totemo tu puangku tama limangku lan lo’ko’ iate sia nakuammo’ tau la umpatei puang, apa kukanana’i tu puangku, sia kukua: Ma’apai kula umpata’pai lima tu datu, belanna iamo to Natokko PUANG.

1 SAMUEL 26:20

Iatu raraku dennoupa’ da natibollo rokko padang mambela dio mai oloNa PUANG. Belanna iatu datu to Israel sunmo la undaka’ misa’ talla sia susito unnula’ manuk lampung dao lu tanete.