MIKHA 7:18 - Sura' Madatu

¹⁸ Mindara tu Kapenomban susi Kamu, tu umpagarri’ kakadakean sia umpaboko’i kapatodo-tintinganna mana’ torroNapa, tu tang unnanna kasengkeanNa tontong sae lakona, sangadinna umpopaiman kamasokanan!

MIKHA 7:18 ပူးပေါင်းရင်းမြစ်များ

KADADIAN 4:7

Iake ma’gau’ meloko tae’ mutang mentingara? Na iake tae’i ammu ma’gau’ melo, tumayamo tu kasalan dio to’ babangan. Nakailuiko apa sipatu la muparenta!

1 DATU 8:23

Sia ma’kada nakua: O PUANG, Kapenombanna to Israel, tae’ tu Kapenomban senga’ sangadinna Kamu manna, la lan langi’ dao la dao kuli’na padang diong, tu umpalanda’ basseMi sia kamasokanamMi lako taumMi, tu lantuk penaanna lolang dio oloMi.

2 OSSORANNA DATU 30:9

Belanna iake sulemokomi lako PUANG, iatu mintu’ siulu’mi sia anakmi la nakamasei to mangka urrampai, anna sule lako tondok iate. Belanna iatu PUANG, Kapenombammi, maturu-turu sia mamase; manassa tae’ Natanannikomi boko’, ke sulekomi lako Kalena.

2 OSSORANNA DATU 6:21

Perangii tu mintu’ pengkamoyana taumMi sia taumMi to Israel, tu la napennoloan lan inan iate. Manassa la Miperangii sia lan mai inan Minii torro, iamotu dao suruga; sia iamMi rangimi, la Mipa’dei tu kasalangki.

NEHEMIA 9:17

Mengkailing tu tau iato mai ma’perangi sia tae’ nakilalai tu mintu’ tanda mangnga mangka Mipogau’ dio lu tau iato mai sia napabattuk tu penaanna sia unnangka’ misa’ pangulu lan kapabali-balianna la sule lako kakaunananna. Apa Kamumo tu Kapenomban ma’pagarri’ sia maturu-turu, sia mamase sia kalando pesuka’ sia kapua kamasokanamMi sia tae’ Mitampei tu tau iato mai.

PA’PUDIAN 103:13

Susi misa’ ambe’ unnala mase anakna, susi dukamoto tu PUANG unnala mase mintu’ to ungkataku’I.

PA’PUDIAN 130:4

Apa dio kalemi den kaumpa’deian kasalan, kumua anna kabangnga’Komi tau.

PA’PUDIAN 35:10

Mintu’ kaleku sae tama bukungku la ma’kada kumua: O PUANG, mindara tu sitinti batumMi, urrampanan to mandasa dio mai to ussau’i, ondongpi to mandasa sia to bongko dio mai to umpangrampai?

PA’PUDIAN 65:3

O Puang, tu umperangii passambayangna tau, mati’ Kalemi nanii mengkara’pa mintu’na kepenaanna.

PA’PUDIAN 65:4

Ma’rupa-rupa kakadakean untaloina’, apa mintu’ salaki la Miseroi.

PA’PUDIAN 71:19

Iatu kamaloloamMi sumpu langngan langi’, o Puang Matua, tu mangkamo umpogau’ ba’tu pira-pira penggauran kapua; o Puang Matua, mindaora ussitintibatuangKomi?

PA’PUDIAN 86:15

Apa kamu, o Puang, tu Kapenomban sumpu mamase sia sa’pala buda, sia kalando pesuka’ sia kapua tu kamasokanamMi sia kamarurusamMi.

PA’PUDIAN 86:5

Belanna Kamu to masokan, o Puang, sia malangngo’ penaamMi umpa’dei salana tau, sia kapua kamaturu-turuamMi lako mintu’ to umpengkamoyaiKomi.

PA’PUDIAN 89:6

Iamoto anna mintu’ tu daona langi’ umpudi penggauran kalle-kalleamMi, o PUANG, sia kamarurusamMi dipudi lan kombonganna to masallo’.

PA’PUDIAN 89:8

Iamotu Kapenomban metakuran tongan lan tinimbunna to masallo’, sia lendu’ nakataku’na mintu’ to untalimbungi.

KATASSURAN 15:11

O, PUANG, iatu mintu’ deata mindara tu la ussitinti-batuangKomi, mindara tu susimMi, dipatarompo’ tete dio kamaindanan, metakuran tete dio penggauran kapudian, tu umpogau’ tanda kalle-kallean.

KATASSURAN 34:9

anna ma’kada nakua: O Puang iake Mikaturu-turuina’, Puang la ussolangkan. Tonganna iate bangsa iate to makarra’ penaanna, apa la Mipa’dei dikka’ tu kapabali-baliangki sia kasalangki, amMi pomana’kan.

YESAYA 1:18

Ammi mane male mai ma’tutu Kupaolaikomi salu, kadanNa PUANG, moi anna susi kaseda tu kasalammi, manassa la memmabusa susi ambun makko, moi anna mararang susi karamisi, manassa la memmabussang ten to bulu domba.

YESAYA 33:24

Moi misa’ pa’tondokan tae’mo tu la ma’kada, kumua: Masakina’, belanna mintu’ to torro lan dipa’deimo tu kasalanna.

YESAYA 38:17

Iatu kamaparrisan kapuaku membalimo kasalamarangku. Puangmo tu ullendokanna’ dio mai patuang lambe’ nanii kaburukan, belanna mintu’ kasalangku Mitibemo lako boko’Mi.

YESAYA 40:18

Mindara la mipasitintianNi tu Puang Matua sia rupa apara tu la mipasangrupanNi?

YESAYA 40:25

Mindara tu la mipasitintianNa’, kumua angKu sangtinti? kadanna To masero.

YESAYA 43:25

Aku, Akumote tu umpa’dei mintu’ kakadakeammu belanna iamo pa’poraiangKu sia tae’mo Kupalanni penaa tu kasalammu.

YESAYA 44:22

Kusarrinni tu kakadakeammu susi rambu roya sia iatu kasalammu susi salebu’; la suleko lako Kaleku, belanna Akumo tu ullendokangko.

YESAYA 55:7

Melo ke untampei lalanna tu to tang mekaaluk sia untampe tangnga’na tu to kelok penaanna, anna mengkatoba’ lako PUANG, Nakaturu-turui Puang, sia mengkatoba’ lako Kapenombanta, belanna inang mamase liu ma’pagarri’.

YESAYA 57:10

Moi bo’yo’ko ma’lingka mambela, tae’ duka sia muma’kada kumua: Ka’tumo rannungku. Unnappa’ko kamatotoran ba’ru; iamoto anna tae’ mukopa.

YESAYA 57:16

Belanna tae’ angKu la tontong sae lakona ullo’bo to lino sia tae’ nala tae’ upu’na tu kasengkeangKu; iake susito la ka’tu sunga’na tu to lino dio oloKu, anna Aku kalena umbenni penaa.

YESAYA 62:5

Belanna susi pia muane lolle’ umpobaine anak dara, susi dukato la sirampeangko to ma’tondok sia susito misa’ muane la diparampo ungkasinnai baine la narampanni kapa’, ten dukamoto tu Kapenombammu la umpopaimanko.

YESAYA 64:9

O PUANG, da Misengke tarru’ bang sia da Mitontong ungkilalai tu kakadakeangki. Tiromi sia mantami: kami sola nasang te, taumMi.

YESAYA 65:19

La kumalasi-lasiNa’ diona Yerusalem sia sende-sendeNa’ diona taungKu. Tae’mo anna la dirangi len lan tu tangi’ sia urruk.

YEREMIA 3:12

Malemoko, petambanni te kada iate rekke ulunna salu, kumua: La mengkatoba’ko, e Israel, to sorong boko’, kadanNa PUANG, da angKu patiroangko lindo sengke, belanna maturu-turuNa’, kadanNa PUANG, sia tae’ angKu la unnannai tu kare’dekangKu tontong sae lakona.

YEREMIA 3:5

Ma’dinraka tu kasengkeanNa la tontong sae lakona? Ma’dinraka la Napatontong bang tu kare’dekanNa? Susimo kadammu to, ammu pogau’ siapi tu mintu’ kakadakean, naurungan sakerangngan-rangnganna.

YEREMIA 31:20

Tang anak pa’kaboro’Kuraka tu Efraim, tang anak Kukamasei tonganraka, Kuurunganni pempiran-piran umpokadai tu a’ganna, tontong bang Kuparinaa? Iamoto tiakka’ tu penaangKu diona a’ganna; manassa la Kukaturu-turui, kadanNa PUANG.

YEREMIA 31:34

Attu iato iatu tau iato mai sia iatu mai to massiulu’ pada tae’mo nala siadaran, nakua: La mitandai tu PUANG!, belanna mintu’ tu tau iato mai la untandaiNa’ randuk dio mai tarru’ bitti’na sae lako tarru’ kapuana, kadanNa PUANG, belanna la Kupa’dei tu mintu’ kakadakeanna sia iatu mintu’ kasalan tae’mo Kula ungkilalai.

YEREMIA 32:41

Sia la parannuNa’ diona tau iato mai sia la umpogau’Na’ melona lako sia la Kupatorro tontong lan tondok iate situang kaponnoan penaangKu sia deatangKu.

YEREMIA 33:8

Sia la Kupemaseroi tu tau iato mai dio mai mintu’ kakadakeanna tu napobannang kasalan lako Kaleku sia umboko’iNa’.

YEREMIA 38:8

tassu’mi tu Ebed-Melekh lan mai tongkonan layukna datu, anna ma’kada nakua:

YEREMIA 50:20

Allo iato sia attu iato, kadanNa PUANG, la didaka’ tu kakadakeanna Israel, apa tae’, sia iatu kasalanna Yehuda, apa tae’ diapparan, belanna la Kupagarri’ kasalanna minda-minda tu Kupopa’elo’napa la torro.

YEREMIA 9:24

apa iatu to la morai massattuan, melo ke massattuanni, belanna paissan sia natandaiNa’, kumua Akumo tu PUANG, tu umpalalo kamasokanan sia kamalamburan sia kamaloloan dao kuli’na padang; belanna naala penaangKu tu to massattuan susito, kadanNa PUANG.

YEHEZKIEL 18:23

Ma’apai anna la unnalai penaangKu tu kamateanna to tang mekaaluk?, kadanNa Puangta PUANG. Tang ia raka naala penaangKu te, kumua anna mengkatoba’ dio mai lalanna, anna tuo?

YEHEZKIEL 33:11

Ma’kadako lako tau iato mai kumua: La lelukraka tuoKu, kadanNa Puangta PUANG, tae’ naalai penaangKu tu kamateanna to tang mekaaluk, sangadinna mandu naala penaangKu, ke tibalikki tu to tang mekaaluk dio mai lalanna, anna tuo. Tibalikkomi, tibalikkomi dio mai lalan kadakemi. Belanna ma’apari ammi la matera, e to Israel?

YEHEZKIEL 33:16

Anna moi misa’ tu kasalan mangka napogau’ tae’mo nadibilang lako kalena; umpogau’mo salunna sia kamaloloan, dadi manassa la tuo.

DANIEL 9:9

Dio ia Puang, Kapenombangki, tu kamamasean sia kama’pagarrisan, moi angki pabali-balimo lako Kalena,

HOSEA 14:2

Mengkatoba’ko, e Israel, lako PUANG, Kapenombammu, belanna tete dio kakadakeammu, ammu tisumbang.

HOSEA 14:5

La Kuparapa’ tu kamembokoranna tau iato mai, la kalebu tallang tu penaangKu ungkamasei, belanna iatu kasengkeangKu toyangmo dio mai kalena.

YOËL 2:32

La dadi kumua minda-minda tu meongli’ ussa’bu’ sanganNa PUANG, iamo la dikarimmanni. Belanna dao buntu Sion sia dio Yerusalem la den katilendokan, susitu mangka Napokada PUANG; sia iatu naala bilanganna to tilendok, iamo la Natambai PUANG.

AMOS 1:11

Inde sia tu kadanNa PUANG, Nakua: Belanna tallu tu kapatodo-tintinganna Edom, ondongpi belanna a’pa’, iamoto natae’ Kula undampai to. Belanna naula’imo pa’dang lao tu siulu’na sia napa’deimo tu kamamaseanna, sia tete dio kasengkeanna, anna ma’kase’bu-se’bu bang sia unnanna bang kare’dekan ara’na,

AMOS 7:8

Attu iato ma’kadami tu PUANG lako kaleku Nakua: Apara mutiro, e Amos? Ma’kadamo’ kukua: Misa’ batu petimbang. Ma’kadami tu Puang Nakua: La Kupalako taungKu, to Israel, tu batu petimbang; tae’mo Kula ullendu’i lenni.

AMOS 8:2

Ma’kadami tu Puang, Nakua: Apara mutiro, e Amos? Mebalimo’, kukua: Den misa’ baka ponno bua matasak. Ma’kadami tu PUANG lako kaleku, Nakua: Nalambi’mo tu ma’katampakanna Israel, taungKu, Tae’mo Kula ullendu’i lenni.

YUNUS 4:2

Massambayangmi lako PUANG nakua: O PUANG, tang mangkamoraka kupokada, tongku lanpa tondokku? Iamoto angku padoloi mallai lako Tarsis, belanna kuissan, kumua iatu Kamu Kapenomban sumpu mamase sia sa’pala buda, kalando pesuka’ sia kapua tu kamasokananNa sia umpenassanni tu diona kamandasan.

MIKHA 2:12

Tonganna la Kurampunkomi sola nasang, e Yakub, ondongpi la Kupulung tu to Israel, torronapa. Iatu tau iato mai la Kurampun butung domba lan misa’ bontong sia sangtinti misa’ tuntunan lan lu padang kariuan. Inde to dio la mamak bang belanna kabudanna tau.

MIKHA 4:7

Iatu to keppa la Kupadadi to torrona sia iatu to dirambai male la Kupadadi misa’ bangsa mawatang, anNa PUANG, la Undatui dao buntu Sion, randuk totemo tontong sae lakona.

MIKHA 5:3

La tunannang ungkambi’ tau iato mai tete dio kamatotoranna PUANG sia kamala’biranNa sanganNa PUANG, Kapenombanna; sia la torro marampa’ tu tau iato mai, belanna la tarompo’ tu Mesias sae lako mintu’ randan langi’.

MIKHA 7:14

Kambi’i tekkenMi tu taumMi, iamotu tuntunan domba mana’Mi, tu torro makarorrong lan lu pangala’, lan lu tangnga padang malompo. Popa’elo’nai ungkande riu dio lu Basan sia dio Gilead, susitu attu dolo-dolona.

ZEFANYA 3:17

Iatu PUANG, Kapenombammu, lan lu tangnga’mu, iamotu to lalong mangrampanan. La parannu tu Puang umposendeko, la umpakappa kaleNa tete dio pa’kaboro’Na; la mela’tek sia unnarrak umpopaimanko.

KADIBILANGAN 23:21

Tae’ napenunui tau tu kamandasan dio lu Yakub, sia tae’ natiroi tu kasanggangan dio lu Israel. Iatu PUANG, Kapenombanna, urrondongi, sia arrakna to untendeng Datu den dio lu tau iato mai.

LUKAS 15:32

Sipatuki’ ma’marua’-rua’ sia parannu-rannu, belanna iate adimmu matemo anna tuomo sule, pa’demo anna dikabu’tuimo sule.

LUKAS 24:47

nadipalele sola sanganNa tu kamengkatobaran umpasae kadipa’deian kasalan lako mintu’ issinna lino nasambo langi’ narande tana, randuk dio mai Yerusalem.

ROMA 11:4

Apa umbara nakua tu kada dipaomboranni? Den siapa Kupopa’mirringan lako Kaleku pitungsa’bu tu muane, tu tang umpenombainna Baal.

PA’TOLE 33:26

Moi misa’ tau tae’ sangtende’na Puang Matua, e Yesyurun; tu ma’kareta dao langi’ butung to patunduammu, sia situang kapasareongananNa dao lu salebu’.

YAKOBUS 2:13

Belanna kama’paolaian salu tae’ nakamasei tu to tang umpogau’ kamamasean. Anna iatu kamamasean undaoanni kama’paolaian salu.

TO PARENGNGE’ 10:16

Iatu rapang-rapang dipodeata dio lu tau iato mai natibemo, anna umpengkaolai PUANG; attu iato tang masemo penaanNa Puang untiroi tu kamandasanna to Israel.