MIKHA 7:17 - Sura' Madatu

¹⁷ La ullepa’i barra’-barra’ tu tau iato mai, susi ula’, sia susito olo’-olo’ mendonglo’ dao kuli’na padang; la ma’parondo sun lan mai tambakukunna sia ma’paganggang la sae lako PUANG, Kapenombanta, sia la nakataku’Komi.

MIKHA 7:17 ပူးပေါင်းရင်းမြစ်များ

2 SAMUEL 22:46

Iatu to salian bangsa moro’mo tu kamatotoranna, anna ma’parondo sun lan mai tambaku- kunna.

2 OSSORANNA DATU 17:10

Sia katirambanan dio mai PUANG urrampoi mintu’ kadatuan lan lu mintu’ tondok untikui Yehuda, naurunganni iatu tau iato mai tae’ nasirari Yosafat.

PA’PUDIAN 18:45

Mane narangi tu diona a’gangku, naturu’mi tu parentaku; sia iatu to salian bangsa naangga’-angga’i mengkanorong lako kaleku.

PA’PUDIAN 72:11

Sangapaoi anna mintu’ datu tukku sae rokko padang dio olona, sia angganna bangsa la mengkaola lako,

PA’PUDIAN 72:9

Sangapaoi anna mintu’ tu to torro dio padang pangallaran sae menomba dio olona, sia angganna ualinna la unnudung padang.

PA’PUDIAN 9:20

Ke’de’Komi, o PUANG, da napasau’ tu tolino, melo ke dipakannai ukungan tu mintu’ bangsa dio oloMi.

YESAYA 25:3

Iamoto anna pakala’bi’Komi bangsa mawatang, sia la nakataku’Komi bentengna tu mai bangsa lalong.

YESAYA 49:23

Iatu mai datu la dadi ambe’ passarakmu sia iatu datu baine la dadi to ma’pasusummu; iatu tau iato mai la menomba sae rokko padang dio olomu, sia ullepa’i barra’-barra’ dio lentekmu. Attu iato la muissan, kumua: Akumote tu PUANG, naminda-minda untayanNa’, tae’ nala kasirisan.

YESAYA 59:19

Attu iato la nakataku’ tau tu sanganNa PUANG diong lu kabotoan allo sia la nakabangnga’ tau tu kamala’biranNa lan kabu’tuan kulla’, belanna la sae susito uai saba’ natu’ba’ penaanNa PUANG.

YESAYA 60:14

Iatu anak to umpandasako dolona la sae mengkanorong lako kalemu sia iatu mintu’ to mangka umbelle’ko la tukku menomba diong to’ lentekmu, anna gente’ko: Kotana PUANG, iamotu Sion To maserona to Israel.

YESAYA 64:2

susi api undukkui ranga’-ranga’ sia ten to api umpopa’kalimbuang uai la umpa’peissananni tu sangamMi lako mintu’ ualimMi, kumua anna ma’parondo mintu’ bangsa dio oloMi,

YESAYA 65:25

Iatu guruk na domba sibaa ungkande riu, sia iatu singa la ungkande dalame susi sapi, sia iatu barra’-barra’ la napotuo ula’; tae’ nala umpogau’ kadake sia tae’ nala umpabu’tui tu mesangganginna dao lili’na buntu maindanKu, kadanNa PUANG.

YESAYA 7:19

Mintu’i to la sae ta’pa ussamboi aa’ mi’lan sia lan lu to’ sapak batu, sia dio lu to’ duri, sia dio lu mintu’ to’ kauaianna.

YEREMIA 16:16

La ussuaNa’ to mebale buda, kadanNa PUANG, anna ia untingkanni tu tau iato mai susi bale, undinnato la ussuaNa’ buda to moasu, la unnula’i dao mai mintu’ buntu sia mintu’ tanete, sia lan mai mintu’ kalo’tok batu.

YEREMIA 33:9

Attu iato kota iato la dadi misa’ sanga Kupoparannu, sia kadipudian sia kadipangkeran dio lu mintu’ bangsa lan lino, tu la urrangi kareba diona mintu’ kameloan tu Kupogau’ lako tau iato mai; la tiakka’ sia tigega’ penaanna diona mintu’ kameloan sia kasalamaran tu Kupogau’ lako tau iato mai.

BATING 3:29

Sipatu tukku bang sae rokko to’ barra’-barra’, umbai den sia kapa’rannuanan.

ZAKHARIA 14:5

Attu iato la mallaikomi rokko lombok buntungKu, belanna iatu lombokna buntu iato la sumpu sae lako Azal, ondongpi la mallaikomi, susi kamallaiammi dio mai lino’ tonna linona Uzia, datu Yehuda. Sia iatu PUANG, Kapenombangku, la sae sola mintu’ to masero.

PA’TOLE 32:24

Iake tang nakullemi napobua’ katangdiaran sia malamma’ napobua’ lassu kale sia saki tang dampi-dampian, manassa la Kurampanan tu isi olo’-olo’ masuru ullaoi, sola ipona apa mendonglo’ lan to’ barra’-barra’.

YOSUA 9:24

Mebalimi lako Yosua, nakua: Belanna dipamanassa tonganmo lako kaleki tu apa Napasan PUANG, Kapenombammi, lako Musa, taunNa, kumua Nakamaseimokomi mintu’ tondok sia Nasabu’i tu mintu’ to umpa’tondokki dio tingayomi, iamoto angki mataku’ tongan lako kalemi tu diona katuoangki; iamo napobannang to angki pogau’i te iannate.

KADA OMBO’ LAKO RASULU’ YOHANES 3:9

Tiromi, Kusorongi ba’tu pira-pira tau dio mai banua pa’kombonganna deata bulituk, tu ussanga kalena to Yahudi apa tangngia, sangadinna mo’rang, tiromi, la Kupasae tu tau iato mai menomba dio to’ lentekmu, anna akui kumua Kukamaseiko.

1 SAMUEL 14:11

Iatonna pa’petiroammo kalena sola duai lako surodadu pa’kampana to Filistin, nakuami tu to Filistin: Tassu’mo tu to Ibrani lan mai kalo’tok, tu naninna membuni.