MIKHA 7:13 - Sura' Madatu

¹³ Apa iate lino la mempadang lo’bang natumang to untorroi, belanna bua penggauranna.

MIKHA 7:13 ပူးပေါင်းရင်းမြစ်များ

AYUB 4:8

Iatu mangkanna kutiro: Minda-minda tu untengko kakadakean, sia unnambo’ kamasussan lako to senga’, iamo la umpeparei.

SARAMBU PEADA’ 1:31

iamoto la nakande tu bua penggauranna, sia umpedia’i kalena pa’tangngaranna.

SARAMBU PEADA’ 31:31

Benni lako tu bunga rangka’na, sia iatu penggauranna la umpudi lan babangan tondok!

SARAMBU PEADA’ 5:22

Iatu to tang mekaaluk la napungo kalena kakadakeanna, sia la napurru’ poya kasalanna.

YESAYA 17:9

Allo iato iatu mai tambakukunna la ten tondok talo lan pangala’ sia dao lu buntu, tu natampe tau, belanna natalo to Israel sia la mempadang lo’bang.

YEREMIA 17:10

Akumo, PUANG, ussandak penaa sia ussudi ba’teng, la umpabala’i simisa’-misa’i tu tau sitinaya kedona sia sitinaya bua penggauranna.

YEREMIA 21:14

Belanna Aku la umpapakkannikomi sitinaya bua penggaurammi, kadanNa PUANG sia Akumo la umpadukku api lan to pangala’na, anna lallei tu mintu’ apa untikui.

YEREMIA 25:11

Mintu’ tondok iate la daun lauan sia lo’bang. Mintu’ bangsa iate la napokaunan datu Babel pitungpulo taunna.

YEREMIA 32:19

Tarompo’ tu pa’pana’ta’Mi sia kalle-kallean tu penggauramMi, sia natiro matamMi tu lalanna mintu’ ma’rupa tau la umpapakkanni simisa’-misa’i sitinaya kedona sia sitinaya bunga rangka’na.

YEHEZKIEL 12:19

Sia la ma’kadako lako tau lan tondok, kumua: Inde sia tu kadanNa Puangta PUANG diona pa’tondokan Yerusalem dio lu padang Israel, Nakua: iatu tau iato mai la ungkande rotinna situang karossoan penaanna sia la unniru’ uainna situang kamagianganna – kumua anna iatu tondokna tau iato mai masopu tu mintu’ apa lan sia mempadang lo’bang napobua’ kamasa’garanna mintu’ pa’tondokanna.

YEHEZKIEL 33:28

La Kupopempadang lo’bang tu tondok iato sia la Kupopendadi misa’ padang sanggang, sia la Kusabu’i tu kuasa tarompo’na sia mintu’ buntunna Israel la makarorrong, naurunganni moi misa’ tau tae’ unnolai.

MIKHA 3:12

Iamoto kamu napobannang na iatu Sion la ditengko susi misa’ pa’lak, sia iatu Yerusalem la mendadi misa’ inan daun launan, ondongpi iatu buntu Banua Kabusungan la membuntu pangala’.

MIKHA 3:4

Attu iato la metamba-tamba tu tau iato mai lako PUANG, apa tae’ Nabalii, sangadinna la Nabunian lindoNa, belanna ma’gau’ kadakemo tu tau iato mai.

MIKHA 5:3

La tunannang ungkambi’ tau iato mai tete dio kamatotoranna PUANG sia kamala’biranNa sanganNa PUANG, Kapenombanna; sia la torro marampa’ tu tau iato mai, belanna la tarompo’ tu Mesias sae lako mintu’ randan langi’.

MIKHA 6:13

Apa la Kupa’di’iko, la Kubamba sia la ma’kasanggangNa’ natumang kasalammu.