MIKHA 7:10 - Sura' Madatu

¹⁰ Iatu iannato la natiro ualingku baine, anna samboi siri’ tu lindona, tu to ma’kada lako kaleku, nakua: Umbamira tu PUANG, Kapenombammu? La natiro matangku. Totemo la dilullu’ susi so’mak dio lu lalan.

MIKHA 7:10 ပူးပေါင်းရင်းမြစ်များ

2 SAMUEL 22:43

Kunisak-nisak tu tau iato mai butung to barra’-barra’ dio lu padang, kulullu’-lullu’ sia kupolungganak ten to so’mak dio lu lalan.

PA’PUDIAN 109:29

Sangapaoi anna umpotamangkale kamatunan tu mai balingku, sia sangapaoi anna pengkalemu’ siri’na butung parramba’.

PA’PUDIAN 115:2

Ma’apari anna la sumura tu mintu’ to kapere’ kumua: Umbamira tu Kapenombanna?

PA’PUDIAN 18:42

Metambamo tu tau iato mai, apa tae’ misa’ tau untundui, metamba lako PUANG, apa tae’ Napebalii.

PA’PUDIAN 35:26

Da’ito anna kasirisan sia maila’ tu mintu’ to umposende kamandasangku, da’ito naputu’i siri’ sia kaburerean, tu to umpamatampo kalena lako kaleku.

PA’PUDIAN 42:10

La kukua lako Puang Matua, buntu batungku susite; ma’apari amMi tang kilalaimora’? Ma’apari angku lolang ma’pote dibolong, belanna pa’pakario-riona mintu’ ualingku?

PA’PUDIAN 42:3

Ma’rang tu deatangku lako Puang Matua, ondongpi lako Puang Matua matontongan; ba’tu piran kula sae la mennolo dio oloNa Puang Matua?

PA’PUDIAN 58:10

Tonna tae’pa naruai api ranga’-ranga’ keduri tu kurinmi, iatu mamatannapa sia nakandenamo api la Napabaai angin Puang.

PA’PUDIAN 79:10

Apara bannangna anna la ma’kadara tu to kapere’ kumua: Umbamira tu Kapenombanna? Melo ke naissanni to kapere’ dio tingayoki, tu diona kaMipembalianganna tu mai rarana taumMi tu mangka dipato’do.

PA’PUDIAN 92:12

parannuna’ untiroi tu kasangganganna to undakaranna’ kakadakean sia parannuna’ urrangi kasangganganna to umbalina’.

YESAYA 26:11

O PUANG, tie’te’ tu limamMi, apa tae’ anna mengkilala; apa la mengkilala sia masiri’ diona kamakaritutuamMi lako bangsa iato. Ondongpi iatu api ungkande to umbaliKomi, la ungkande duka tau iato mai.

YESAYA 41:25

Umpake’de’Na’ misa’ tau daa mai ulunna salu, anna saemo, lu dio mai kadellekan allo tu misa’ tau ussa’bu’ sangangKu; nalullu’ tu arung susi losso’, ten to tumampa kurin ullullu’ pitti’.

YEREMIA 49:15

Belanna tonganna la Kupabitti’ko dio lu mintu’ bangsa sia matuna dio mintu’ tolino.

YEREMIA 51:24

Apa la Kupabala’imo tu Babel sia mintu’ to untorroi Kasdim dio tingayomi belanna mintu’ kakadakean napogau’ lako Sion, kadanNa PUANG.

YEREMIA 51:51

Masiri’mokan, belanna kirangimo tu pelo’bona tau; nakabu’mokan siri’ belanna iatu to sae tamamo inan maindanna banuanNa PUANG.

YEHEZKIEL 7:18

La ma’pakean karoro’ tu tau iato mai, sia umpolullung katirambanan, sia mintu’ lindo la natoding siri’, sia dao lu mintu’ ulu la den kapesean.

DANIEL 3:15

Kusanga melo, ke naalai penaammi, iammi rangii tu oni tarompe’, suling, katapi, su’dekan, dandi sia suling rapi’ sia ma’rupa-rupa oni-onian, la lumbangkomi sae rokko padang umpenombai tu rapang-rapang dipodeata, tu mangka kugaraga, (tae’ ammi dipatumba-tumba), apa ke tae’i mipenombai, ta’pa dipembuangangkomi tama dapo’, nanii api ma’lana-lana, sia den pole’raka misa’ deata tu ma’din urrampanangkomi lan mai limangku?

YOËL 2:17

Iatu mintu’ to minaa, iamo tu to untoe pentoeanNa PUANG, la tumangi’ lan kasiallaranna sarambi sia inan pemalaran, anna ma’kada nakua: Kasayangi tu taumMi, PUANG sia da Misa’bianganni tu taa mana’Mi la ditatta, naurunganni napoparumbasan to kapere’ tu tau iato mai. Ma’apai nala ma’kada tu mai tau dio lu mintu’ bangsa, nakua: Umbara tu Kapenombanna tau iato mai?

OBAJA 1:10

Belanna penggauran masa’ga’ tu mupogau’ lako siulu’mu Yakub, iamoto la natodingko siri’, sia la dipisanniko tontong sae lakona.

OBAJA 1:12

Da musende untiroi tu allona siulu’mu, iamo allo kamandasanna, sia da muparannu diona to Yehuda ke allo kasangganganna tau iato mai, da mupakapua kada ke allo kapu’duranna.

MIKHA 4:11

Moi totemo budamo tu bangsa sirampun unneako, tu ma’kada nakua: Da’ito namatuna, sia naporai matanta mentiro lako Sion!

MIKHA 7:8

Da muposendei tu a’gangku, e uali baine: moi angku tobang, manassa la bendanna’ sule; moi angku unno’ko’ lan kapittukan, manassa PUANG la dadi arrangku.

ZEFANYA 3:15

Napa’deimo PUANG tu kadiukungammu, Naputtaimo tu ualimmu. Iatu Datunna Israel, iamotu PUANG, lan lu tangngamu, tae’mo mula ungkataku’i tu kamandasan.

ZAKHARIA 10:5

Sia iatu tau iato mai butung to lalong, tu ullese so’mak dio lu lalan lan kasirarian; ondongpi parari tu tau iatu mai, belanna Narondong PUANG, apa iatu mai to ussakei darang la kasirisan.

MALEAKHI 1:5

Iake natiroi matammi tu iannato, la ma’kadakomi mikua: Pasareongan tu PUANG, moi nadio duka lu salianna lili’na Israel.

MALEAKHI 4:3

La milullu’ tu mintu’ to kelok, belanna la membarra’-barra’ diong pala’ lette’mi lan to allo la Kupasakka’, kadanNa PUANGna mintu’ ma’dandan maritik.

MATIUS 27:43

Rannu lakomo Puang Matua, da’ito na Puang Matua duka ungkarimmanNi totemo, ke Naporai Puang Matua; belanna nakua: AnaknaNa’ Puang Matua.

YOSUA 7:9

Ianna rangi to Kanaan sia mintu’ to lan tondok iate, manassa la napatama limbukan sia naputtai tu sangangki dao mai kuli’na padang. Na apamora la Mipogauranni tu sanga pasareongamMi?

KADA OMBO’ LAKO RASULU’ YOHANES 18:20

E, lanna suruga, sia mintu’ to masallo’ sia mintu’ rasulu’, sia mintu’ nabi arrakki, belanna Napaolaiammokomi salunna Puang Matua.