MIKHA 7:1 - Sura' Madatu

¹ Upu’ alloku, belanna iatu a’gangku susi ke attu pangalan bua, sia susi ke attu ungkatote bua anggoro’; moi sanglise’ bua anggoro’ tae’mo la dikande, ba’tu moi sanglise’ bua ara tae’ dukamo, tu kukaduangi.

MIKHA 7:1 ပူးပေါင်းရင်းမြစ်များ

PA’PUDIAN 120:5

Sumpu sumandakku! Belanna susina’ to mempue dio Mesekh, sia sangtinti to torro dio lu tendana Kedar.

SARAMBU PEADA’ 20:6

Buda tu tau umpudi kalena kamasokananna, apa iatu to matappa’, mindara ma’din ullambi’i?

YESAYA 17:6

La ia manna tinampe tu diala undinna susito ke naremba’i tau tu bua-bua zaitun, tinampe da’dua tallu tu buanna dao lolokna, a’pa’ ba’tu lima dio tangke membuanna, kadanNa PUANG, Kapenombanna to Israel.

YESAYA 24:13

Belanna la susi a’ganna te, tu mintu’ bangsa lan lino, kumua butungi to bua saitun di- remba’ sia butungi to bua muru’na anggoro’.

YESAYA 24:16

Dio mai randan langi’ kirangi tu pa’pudian, umpakala’bi’ to masallo’. Apa kukua: Sanggangna’, sanggangna’, upu’ alloku! umpogau’mo kakelokan tu to tang maruru’, sia lolangmo lan kakelokanna.

YESAYA 28:4

Na iatu bunga-bunga malayu, napobelo maramba’ dao ulunna lombok malompo masapi, la susi bua ara matasak dolo, ke tae’pi anna attu pebua-kayuan; natirona sia tau, ta’pa naala anna sussu’i.

YESAYA 6:5

Kukuami: Upu’ alloku, sumpu sumandakku, belanna aku te to maruttak puduk sia torrona’ sirau misa’ bangsa maruttak puduk, na nata’paimo matangku tu Datu, tu PUANGna mintu’ ma’dandan maritik.

YEREMIA 15:10

Upu’ alloku, o indo’ku, belanna midadiammo’, misa’ to te’geran, misa’ to passipakkan lako mintu’ pa’tondokan; tae’ kuma’peindan sia tae’ kukaindanan, apa pa’gantanna manna tau lako kaleku.

YEREMIA 24:2

Lan tu bakku’ misa’na den bua ara tarru’ melo, susito bua ara dolo matasak, apa lan tu bakku’ misa’na den bua ara tarru’ kadake, tu lendu’ ia kadakena, naurunganni tang dikande.

YEREMIA 4:31

Belanna kurangi tu misa’ sarro, susi sarrona baine mangurria’ sia sarro sume’den-me’den susi sarrona baine kianak pa’bunga’, iamotu sarrona anak dara Sion; seka-seka tongan sia umpopempala’ limanna, nakua: Upu’alloku, belanna la ka’tumo tu sunga’ku napobua’ to papatean.

YEREMIA 45:3

Mukua ma’kada: A’a dikka’ tu kaleku, belanna iatu kamaparrisangku Narangnganniomo PUANG kamasussan, boyo’ tontong sumarro sia tang rapa’mo penaangku.

YEREMIA 5:1

La lele-lelekomi lan lu batatta Yerusalem, tiro meloi sia kamantang tonganni sia daka’i lan lu tana lapangna, ke denni miappa’, moi misa’mora tau tu umpogau’ salunna sia untoe manda’ kabulo-lollongan, manassa la Kupa’dei tu kasalanna.

HOSEA 9:10

Kukabu’tuimo tu Israel susi bua anggoro’ dio padang pangallaran; iatu nene’ to dolomi Kutiro susi bua ara bunga’, iamotu pamulanna dio garonto’ ara. Apa tau iato mai male lako Baal-Peor, sia mengkaola lako deata mesirisan; iamoto megallian tu tau iato mai susitu apa nakamali’.

KADIBILANGAN 18:13

Iatu bunga’ pealanna dio mai mintu’na bura padang, tu dipennoloan lako PUANG, la mupotaa; minda-minda masero tu to lan banuammu ma’din ungkandei.