MIKHA 6:15 - Sura' Madatu

¹⁵ La mangambo’ko apa tae’ mula ma’ke’te’, la ullullu’ko bua saitun, apa tae’ mula umpa’minnakanni kalemu, sia la ullullu’ko bua anggoro’ ba’ru, apa tae’ mula unniru’ uai anggoro’.

MIKHA 6:15 ပူးပေါင်းရင်းမြစ်များ

AYUB 31:8

elo’namo na iatu apa kuambo’ nakande to senga’, na iatu apa dipabu’tuanna’, elo’namo nadilampi’i situang uaka’!

YEREMIA 12:13

Lise’ gandung naambo’ tau, apa duri nasasa’, unta’ka’i kalena, apa tae’ namembura. Iamoto la masiri’komi tu diona bura padangmi, napobua’ kare’dekanNa PUANG.

SURA’ KATOMINAAN 26:16

iamoto la Kupogau’ dukamo susito lako kalemi sia la Kuparampoimokomi te katirambanan iate, iamotu saki rangke sia lalla’ tu umpamalo’ko’ mata sia umpalangga’ sumanga’; attu iato tae’ gai’mi unnambo’ bannemi, belanna la pura nakande ualimmi.

SURA’ KATOMINAAN 26:20

Anna iatu kamabukuammi mipake sala, belanna iatu padangmi tang la membura sia iatu kayu lan pa’lak tang la membua.

AMOS 5:11

Belanna ullullu’komi to bongko sia miparuku la umbenkomi pamengan, iamotu gandung, iamoto moi ammi bangun banua batu dipa’, tae’ duka ammi la unnii, moi ammi garagai pa’lak anggoro’ ballo, tae’ duka ammi la unniru’i tu uai anggoro’na.

HABAKUK 3:17

Moi anna tae’ namenta’bi tu garonto’ ara, anna tang membua tu garonto’ anggoro’, sia moi tae’ nama’pakarannu-rannu tu bua garonto’ saitun; moi anna tae’ napakendek burana tu mai pa’lak, sia diula’i tu domba lan mai bala sia tae’ tu sapi lan lu bontong,

ZEFANYA 1:13

Iatu kasugiranna tau iato mai la dirampa sia iatu banuanna la disanggang. Moi naumpabendan banua, tae’ nala unnii torro, moi nauntanan garonto’ anggoro’, tae’ nala unniru’i tu uai anggoro’na.

HAGAI 1:6

Buda tu miambo’, apa ia tu mialanna sidi’ri; kumandekomi, apa tae’ midia’; mangiru’komi, apa tae’ nabossakomi, ma’pakeankomi, apa tae’ namalassu tu kalemi, sia minda-minda tu male sumaro, untarima sarona lan poro’-poro’ lo’po’.

YOHANES 4:37

Belanna iatu ianna te tonganna bangmo tu dipoparumbasan kumua: Senga’ tau mangambo’, laen tau mepare.

TO PARENGNGE’ 6:4

Napabendanmi tu tendana lan lili’na tau iato mai, anna sanggangi tu bura padangna sae lako tu naninna tau rampo lako Gaza, tae’ natampeanni to Israel, tu la nakandena, tae’ duka domba, sapi sia keledai.