MIKHA 6:12 - Sura' Madatu

¹² Iatu mai to sugi’na untambuk kamasa’garan sia iatu pa’tondokanna ma’kada tang tongan sia iatu lilana lan sadangna nanii pa’pakena.

MIKHA 6:12 ပူးပေါင်းရင်းမြစ်များ

PA’PUDIAN 120:2

O PUANG, rampananni tu deatangku dio mai puduk mo’rang. Sia dio mai lila pakira-kira.

PA’PUDIAN 35:20

Belanna tangia kamarampasan napokada tau iato mai, sangadinna untangnga’ apa tang tongan, lako mintu’ to rapa’ lan tana iate.

PA’PUDIAN 78:36

Apa iatu tau iato mai umbangko malute Puang, sia umpakena Puang tete dio bisaranna.

YESAYA 1:23

Iatu tedong pariu’mu pabali-balimo sia sibaa to bokomo; pantan ungkaduangi pamengan sia unnanga’ pappe’, tae’ anna pasipatui patunna tu pia biung sia tae’ naperangii kara-karana baine balu.

YESAYA 3:8

Belanna tibambang tu Yerusalem sia ra’pak tu Yehuda natumang pudukna tau iato mai sia mintu’ penggauranna umbali PUANG, tae’ namataku’ umpenunu mata mala’bi’Na Puang.

YESAYA 5:7

Iatu pa’lak anggoro’Na PUANGna mintu’ ma’dandan maritik iamotu bati’na Israel na iatu mintu’ to Yehuda iamo misa’ tananan Naposende; untayan parenta malambu’, apa to’doan raraora; umpeagi kamalamburan, apa kamarukkanora narampoi.

YEREMIA 9:8

Iatu lilana tau iato mai susito tinaran papatean, tu ma’kada tang tongan; iatu pudukna pada ma’kada marampa’ sola tu mai solana, apa lan penaanna natananan poya.

HOSEA 7:1

IangKu la umpakatanai sule tu to Israel, la payan tu kakelokanna Efraim sia kakadakeanna Samaria. Belanna ma’pakena bang: tama bang tu to boko, anna mangrampa tuntunan pa’gora’ dio salian.

HOSEA 7:13

Upu’ allona tu tau iato mai, belanna male umboko’iNa’! Sumpu sumandakna, belanna sepangmo dio mai Kaleku. Moi mangkamo Kurampanan, tontong duka ma’kada mo’rang lako Kaleku.

AMOS 2:4

Inde sia tu kadanNa PUANG Nakua: Belanna tallu tu kapatodo-tintinganna Yehuda, ondongpi belanna a’pa’, iamoto natae’ Kula umpasalai ukungan. Belanna natumpu tu Sukaran alukNa PUANG sia tae’ nakaritutui tu mintu’ apa Napondok Puang, sangadinna napapusamo deata mo’rangna tu naturu’mo nene’ to dolona,

AMOS 6:4

E kamu, tu matindo dao inan katindoan gading, sia melundan-lundan dao bale-balemi, sia ungkande anak domba dio mai tuntunan domba sia anak sapi lan mai lantang sapi.

ZEFANYA 1:9

Allo ia dukato la Kuukung tu mintu’ to ungkondongi ampang sia iatu to umponnoi kamasa’garan sia pa’pakena tu banuanna puangna.

ZEFANYA 3:3

Mintu’ arungna dio lu tangngana susi bang singa umburrung-burrung, mintu’ to ma’paolainna salu susi bang, guruk ke bongi, tu tang massesa sae lako melambi’na.

PENGGAURANNA RASULU’ 24:9

Mintu’na tu to Yahudi, untamai tu pa’parapa’ iato, ungkatottongi kamua tonganna susito.

ROMA 3:13

iatu gora-gorana susi liang tungangnga’, lilana umpana’ta’ kapa’pakenan, ipo ula’ dio randan pudukna,