MIKHA 6:1 - Sura' Madatu

¹ Perangii tu apa Napokada PUANG: Ke’de’ko, ammu tunannang butung to ma’parapa’, anna perangii mintu’ buntu, sia natananni talinga mintu’ tanete tu gamarammu.

MIKHA 6:1 ပူးပေါင်းရင်းမြစ်များ

PA’PUDIAN 50:1

Pa’pudianna Asaf. Puang Matua undaoanni mintu’ deata, Iamo PUANG, ma’kada sia untambai mintu’ banne lino randuk lan mai matallo landa’ rokko kalambunan.

PA’PUDIAN 50:4

Metambami langngan langi’ daona lu, sia tama lino, kumua la Napaolai salunna tu taunNa:

YESAYA 1:2

Perangii, e mintu’ langi’!, sia patananni talinga, e lipu daenan! belanna nakua tu kadanNa PUANG: Kupelobo’i sia Kukaduttu’ tu mai pia, apa naboko’iMo’.

YESAYA 3:13

La ke’de’ tu PUANG ma’pasala; la bendan umpaolai salunna tu mintu’ bangsa.

YEREMIA 13:15

Perangii sia tananni talinga, da mimadongnga’, belanna PUANG tu ma’kada.

YEREMIA 22:29

E tondok, e tondok, e tondok! perangii tu kadanNa PUANG.

YEHEZKIEL 36:1

E ma’rupa tau, ma’nubua’ko diona mintu’ buntunna Israel, kumua: E buntunna Israel, perangii tu kadanNa PUANG.

YEHEZKIEL 36:8

Apa kamu, e mintu’ buntunna Israel, la mentarukkomi sia la mipadenan buammi tu Israel, taungKu, belanna mandappi’mo tu kasaeanna.

YEHEZKIEL 37:4

Ma’kadami lako kaleku Nakua: Ma’nubua’ko diona te buku iate sia kuanni kumua: E buku rangke, perangii tu kadanNa PUANG.

YEHEZKIEL 6:3

E mintu’ buntu Israel, perangii tu kadanNa Puangta PUANG: inde sia tu kadanNa Puangta PUANG lako mintu’ buntu sia tanete, sia salu’-salu’ marangke sia lombok: Manassa la Kuparampoikomi pa’dang sia mintu’ inan madaomi la Kusanggang.

AMOS 3:1

Tananni talinga te kada, tu Napokada PUANG diona a’gammi e to Israel, iamotu diona mintu’ pa’rapuan tu mangka Kusolan lan mai tondok Mesir, tu nakua:

MIKHA 1:2

Perangiimi, e mintu’ bangsa, tanannimi talinga, e lino sola mintu’ issinna, kumua Puangta PUANG la titanan sa’bi la umpasalakomi, iamotu Puang lan mai banua maindanNa.

MIKHA 1:4

Lolong tu mai buntu diong to’ lentekNa Puang sia menganga tu mai lombok, susito lilin nakande api sia susito sarambu dao mai aa’.

MIKHA 6:2

Perangii, e mintu’ buntu, tu pa’parapa’Na PUANG, sia kamu duka, e parandanganna lino, tu tang tigoyang. Belanna ma’parapa’mo tu PUANG unnea taunNa, sia la sikara-kara Israel.

LUKAS 19:40

Mebalimi nakua: Kukua lako kalemi: Iake la ma’loko-lokoi tinde mai, inang la kumalasi-lasi tu batu.

PA’TOLE 32:1

Tananni talinga, e kamu mintu’ papa’na langi’, angku ma’kada, sia e padang, perangiimi tu kada nasa’bu’ randan dipudukku.

PA’TOLE 4:26

allo iate kualamo tu langi’ sia padang la ussa’biikomi diona kasalammi, kumua manassa la madomi’komi tallan lan tondok, tu la miala mipoapa, ke mangkamokomi ullamban Yordan; tae’ mimasai tuo lan tondok iato, sangadinna manassa la disanggangikomi.

1 SAMUEL 12:7

Totemo maimokomi ammi bendan melo, angku mangra’ta’ umpaissannikomi dio oloNa PUANG mintu’ penggauran malambu’, tu Napogau’ PUANG lako kalemi sia lako nene’ to dolomi.

1 SAMUEL 15:16

Nakuami Samuel lako Saul: Kappakomi, angku pokadangkomi tu kadanNa PUANG, tu rampo lako kaleku sangmai’ bongi. Mebalimi Saul lako, nakua: Pokadami.