MIKHA 5:8 - Sura' Madatu

⁸ Iatu limammu la matande daona lu mintu’ to unneako, sia mintu’ ualimmu la dipisanni.

MIKHA 5:8 ပူးပေါင်းရင်းမြစ်များ

KADADIAN 49:9

Iatu Yehuda butung anak singa; ke mangkamoko mangrampa, e anakku, kendekmoko langngan sule. Kumuku sia mamma’ susi singa, sia susi singa birang: mindara la untundanni!

PA’PUDIAN 104:20

IamMi paden malillin, bongimi, na attu iato mintu’ olo’-olo’ lan kurra manapa’ tassu’ menono’.

PA’PUDIAN 44:5

Kamumo tu Datungku, o Puang Matua; ma’kadamoKomi anna dilendokan tu Yakub.

PA’PUDIAN 50:22

Parinaai tu iannate, e kamu to tang ungkilalai Puang Matua, da angKu se’bu-se’bukomi, sia tae’ misa’ tau umbelai untindokkomi.

SARAMBU PEADA’ 30:30

Iamotu singa, lalongna mintu’ olo’-olo’, tu tang sorong boko’ dio mai misa’ apa, ba’tu dio mai misa’ tau.

YESAYA 5:29

Angnga’na susi gamara singa birang, susi urrungna singa mangura; iatu tau iato mai unnarrak la undamak pangrampa anna pallaianni male, natae’ misa’ tau la urrampananni.

YEHEZKIEL 39:10

Naurunganni tae’mo anna lao unnala kayu tutungan lako padang, ba’tu unte’tek ranga’-ranga’ lan mai pangala’, belanna iatu pa’buno iato iamo la natutung. Susimoto tu tau iato mai la urrampa apanna tu tau mangka umpangrampai sia ullo’do’ apanna tu tau mangka umpanglo’do’i, kadanNa Puangta PUANG.

HOSEA 5:14

Belanna susiNa’ misa’ singa lako Efraim sia susi misa’ singa mangura lako bati’na Yehuda. Aku, Akumo la usserek-serekki, Kumane male; la Kusintak, natae’ misa’ tau la urrampananni.

MIKHA 2:12

Tonganna la Kurampunkomi sola nasang, e Yakub, ondongpi la Kupulung tu to Israel, torronapa. Iatu tau iato mai la Kurampun butung domba lan misa’ bontong sia sangtinti misa’ tuntunan lan lu padang kariuan. Inde to dio la mamak bang belanna kabudanna tau.

MIKHA 4:13

Bendanko sia lullu’i, e anak dara Sion, belanna iatu tandukmu la Kupopendadi bassi sia iatu kanukummu la Kupopendadi tambaga ammu nisak-nisakki tu ba’tu pira-pira bangsa sia la musabu’i, dipemalian PUANG tu saro bu’tu kadakena sia mintu’ apanna la mupa’pemalian Puangna mintu’ lino.

MIKHA 4:7

Iatu to keppa la Kupadadi to torrona sia iatu to dirambai male la Kupadadi misa’ bangsa mawatang, anNa PUANG, la Undatui dao buntu Sion, randuk totemo tontong sae lakona.

MIKHA 5:3

La tunannang ungkambi’ tau iato mai tete dio kamatotoranna PUANG sia kamala’biranNa sanganNa PUANG, Kapenombanna; sia la torro marampa’ tu tau iato mai, belanna la tarompo’ tu Mesias sae lako mintu’ randan langi’.

MIKHA 7:18

Mindara tu Kapenomban susi Kamu, tu umpagarri’ kakadakean sia umpaboko’i kapatodo-tintinganna mana’ torroNapa, tu tang unnanna kasengkeanNa tontong sae lakona, sangadinna umpopaiman kamasokanan!

ZAKHARIA 10:5

Sia iatu tau iato mai butung to lalong, tu ullese so’mak dio lu lalan lan kasirarian; ondongpi parari tu tau iatu mai, belanna Narondong PUANG, apa iatu mai to ussakei darang la kasirisan.

ZAKHARIA 11:6

Belanna tae’mo Kula ungkasayangi tu to untorroi kuli’na padang, kadanNa PUANG; manassa la Kusorong tu mintu’ tolino tama limanna padanna tolino sia tama limanna datunna; na tau iato mai la umpopempadang lo’bangi te lino sia tae’mo Kula urrampananni lan mai limanna tau iato mai.

ZAKHARIA 12:3

Attu iato iatu Yerusalem la Kupadadi misa’ batu tu manassa la naangka’ mintu’ to sangpetayanan; apa mintu’ tu tau unnangka’i, manassa la nabangkei tongan tu kalena. Sia mintu’ bangsa lan te lino la sirampun ullilingi.

ZAKHARIA 14:18

Sia iake tae’i namale sia sae tu sukunna to Mesir, tu tae’ nato’doi uran, la sae duka tu kasanggangan, tu la Naparampo PUANG lako mintu’ bangsa, tu tae’ namale umpakaraya allo kapua pekalumban.

ZAKHARIA 9:15

PUANGna mintu’ ma’dandan maritik la urrerungi tu tau iato mai, naurunganni mangampello’, ondongpi nalullu’ tu batu pelobang; la mangiru’ tu tau iato mai, namareko napobua’ uai anggoro’, sia la ponno rara tu tau iato mai susi pindan pa’pi’pikan sia susi tetuk inan pemalaran.

MALEAKHI 4:3

La milullu’ tu mintu’ to kelok, belanna la membarra’-barra’ diong pala’ lette’mi lan to allo la Kupasakka’, kadanNa PUANGna mintu’ ma’dandan maritik.

KADIBILANGAN 24:9

Umbukku kalena, anna sumpandan susito singa laki, sia butung to misa’ singa birang; mindara la umpabendanni? Nadipassakkemora tu to umpassakkeko sia naditampakkimora ropu tu to untampakkiko ropu!

MATIUS 10:14

Minda-minda tu tang untarimakomi, ba’tu tang umperangii kadammi, sunkomi lan mai banua ba’tu kota iato, mipentambakanni tu barra’-barra’ dio pala’ lentekmi.

PENGGAURANNA RASULU’ 18:6

Apa iatonna mangea tu tau sia ma’kada solang, narimbakammi tu pakeanna sia ma’kada lako tu tau nakua: Narampoi misamorokomi kamu tu kasanggangan; tae’mo aku na aku sala; randuk te attu iate angku la lu lako to kapere’.

IBRANI 12:25

Kanandai tongan-tonganni, da ammi tumpui tu To ma’kada iato. Belanna iatu to untumpumi tu To umpokada kadanna lan te lino, tae’ anna kullei ullendokan kalena, apa polepi tu kita te, ke memboko’ki’ dio mai Kalena, tu To ma’kada dao mai suruga.

IBRANI 2:3

umbara la takua tilendok, ke tae’i takatappa’i tu kasalamaran pada kapuanato, tu tipamulanna Napa’peissanan Puang, anna pakanassai mintu’ to mangka urrangii lako kita;