MIKHA 5:7 - Sura' Madatu

⁷ Sia iatu to torronapa Yakub la dio lu mintu’ to sangpetayanan sia la lan lu ba’tu pira-pira budanna bangsa susi misa’ singa dio lu olo’-olo’ lan pangala’, sia sangtini misa’ singa mangura dio lu tuntunan domba. Iake tamai inde to dio nadammak sia nase’bu’-se’bu, na moi misa’ tau tae’ urrampananni.

MIKHA 5:7 ပူးပေါင်းရင်းမြစ်များ

2 SAMUEL 17:12

Anta laoi umba-umba inan tanii unnappa’i, la tata’pai susito ambun to’do tama lino; anna dio mai kalena sia dio mai mintu’ tu to nasolan moi misa’ tae’mo tuo.

PA’PUDIAN 110:3

Iatu taumMu masorok penaanna ussorong kalena, ke Muarakki lao parari. Anna situang kassa’ diangkaran lako malolona tu to manguramMu siduruk lako Kalemu, butungi to to’do ambun natambuk dannari lambe’.

PA’PUDIAN 133:3

Sangtinti to ambun dao mai Hermon, tu undamo’i mintu’ buntunna Sion, belanna inde to Nanii umpasonglo’i PUANG tu rongko’, iamotu katuoan tontong sae lakona.

PA’PUDIAN 72:6

Sangapaoi anna sitinti uran dilangi’ unta’pai padang dibela’i, sia sitinti uran umbanasa ussakka’i kuli’na padang.

SARAMBU PEADA’ 19:12

Iatu kasengkeanna datu susito burrungna singa mangura, apa iatu kamasokananna susito ambun dio to’ riu.

YESAYA 32:15

Sae lako attu ditua’na lako kaleta tu Penaa dao mai inan madaona. Attu iato padang rangke la membali pa’lak lunak sia iatu pa’lak lunak la susi pangala’.

YESAYA 44:3

Belanna aku la umbolloi uai tu be’ko’na sia salu’-salu’ tu kamarangkeanna; la Kupasaruranni PenaangKu tu bati’mu sia rongko’Ku tu lanto mimi’mu.

YESAYA 55:10

Belanna susi uran sia ambun makko lu dao mai langi’, anna tang sule langngan, sangadinna ussakka’i padang sia napopembura sia umpatuo tananan sia umpadenan lise’ to mangambo’ sia kande la nakande tau.

YESAYA 66:19

La Kupaden misa’ tanda dio lu tau iato mai sia mintu’ tu to tilendokmo la Kusua lako mintu’ bangsa – iamotu lako Tarsis, Pul sia Lud, to ma’pana, lako Tubal sia Yawan, sia lako mintu’ randan tasik mambela, tu tae’ lenpa narangi karebangKu sia tae’pa natiro kamala’birangKu –, anna tau iato mai umpatale’i tu kamala’birangKu dio lu mintu’ bangsa.

YEREMIA 14:22

Denraka misa’ tu rapang-rapang dipodeata tu tae’ gai’na dio lu mintu’ bangsa ma’din umpasae uran? Ma’dinraka tu langi’ umpatibarrak uran sae? Tae’raka naKamu, o PUANG, Kapenombangki? Iamoto angki rannuangKomi, belanna Kamu umpadadii tu mintu’nate.

YEHEZKIEL 14:22

inang la denpa torro lan tu ba’tu pira-pira to tilendok, tu la disolan sun, la pia muane la pia baine; manassa la tassu’ sae lako kalemi, ammi tiroi tu penggauranna sia kedona, ammi dipakatana diona kamandasan tu Kuparampo lako Yerusalem, iamotu mintu’ apa mangka Kuparampo lako.

YEHEZKIEL 47:1

Attu iato nabaamo’ sule lako to’ lalan tama Banua; kutiromi naden ia uai lolong lan mai diongna lu ampang Banua ma’palulako rampe matallo, belanna iatu tingo Banua ma’palulako rampe matallo, iatu uai lolong lan mai diongna lu sa’de kanan banua, rampe lo’na lu inan pemalaran.

YEHEZKIEL 5:5

Inde sia tu kadanNa Puangta PUANG: Nakua: Iamote tu Yerusalem. Kupalanmo tangngana mintu’ bangsa sia natikuimo tondokna tau.

DANIEL 11:32

Na iatu to untodo tinting basse, la nasede anna memboko’, apa iatu tau untandai Kapenombanna la matoto’ sia umpalalo penggauran.

HOSEA 14:5

La Kuparapa’ tu kamembokoranna tau iato mai, la kalebu tallang tu penaangKu ungkamasei, belanna iatu kasengkeangKu toyangmo dio mai kalena.

HOSEA 6:3

Moraiki’ untandai tu PUANG, tapengkullei untandai. Tonganna la bu’tu lako kaleta, susito kabu’tuanna arrang melambi’. Attu iato Nata’paiki’ susito uran, susito uran undi, tu ussakka’i padang.

YOËL 2:32

La dadi kumua minda-minda tu meongli’ ussa’bu’ sanganNa PUANG, iamo la dikarimmanni. Belanna dao buntu Sion sia dio Yerusalem la den katilendokan, susitu mangka Napokada PUANG; sia iatu naala bilanganna to tilendok, iamo la Natambai PUANG.

AMOS 5:15

Kabiri’i tu kadakena, kabarii tu melona, patunannangi tu salunna lan lu babangan, den sia manii upa’ anNa katuru-turui PUANG, Kapenombanna mintu’ ma’dandan maritik, tu to tinampena Yusuf.

MIKHA 2:12

Tonganna la Kurampunkomi sola nasang, e Yakub, ondongpi la Kupulung tu to Israel, torronapa. Iatu tau iato mai la Kurampun butung domba lan misa’ bontong sia sangtinti misa’ tuntunan lan lu padang kariuan. Inde to dio la mamak bang belanna kabudanna tau.

MIKHA 4:13

Bendanko sia lullu’i, e anak dara Sion, belanna iatu tandukmu la Kupopendadi bassi sia iatu kanukummu la Kupopendadi tambaga ammu nisak-nisakki tu ba’tu pira-pira bangsa sia la musabu’i, dipemalian PUANG tu saro bu’tu kadakena sia mintu’ apanna la mupa’pemalian Puangna mintu’ lino.

MIKHA 4:7

Iatu to keppa la Kupadadi to torrona sia iatu to dirambai male la Kupadadi misa’ bangsa mawatang, anNa PUANG, la Undatui dao buntu Sion, randuk totemo tontong sae lakona.

MIKHA 5:3

La tunannang ungkambi’ tau iato mai tete dio kamatotoranna PUANG sia kamala’biranNa sanganNa PUANG, Kapenombanna; sia la torro marampa’ tu tau iato mai, belanna la tarompo’ tu Mesias sae lako mintu’ randan langi’.

MIKHA 5:8

Iatu limammu la matande daona lu mintu’ to unneako, sia mintu’ ualimmu la dipisanni.

MIKHA 7:18

Mindara tu Kapenomban susi Kamu, tu umpagarri’ kakadakean sia umpaboko’i kapatodo-tintinganna mana’ torroNapa, tu tang unnanna kasengkeanNa tontong sae lakona, sangadinna umpopaiman kamasokanan!

ZEFANYA 3:13

Iatu to torrona Israel tae’mo nala ma’pakario-rio ba’tu ma’kada tang tongan sia iatu lila pa’pakenan la tae’mo lan sadangna, belanna tau iato mai la ungkande riu dio padang kariuan sia la matindo sia tae’mo misa’ tau la umpatirambanni.

ZAKHARIA 14:8

Allo ia dukato ba’tu pira-pira kalimbuang boba la lolong lan mai Yerusalem, sesena la lu lako tasik rampe matallo na iatu sesena la lu lako tasik rampe matampu’; moi anna pealloan, moi anna attu madingin la dadi susito.

ZAKHARIA 9:13

Belanna la Kue’teran Kaleku tu Yehuda susito pana, la Kupatorro dao pana tu Efraim, sia la Kusarrang tu anakmu, e Sion, sirari anakmu, e Yunani, sia la Kupadadiko misa’ padangna to lalong.

MATIUS 28:19

Iamoto malemokomi mipopendadii anak gurungKu tu mintu’na bangsa, ammi dio’i tama sanganNa Ambe’, sia Anak na Penaa Masallo’;

PENGGAURANNA RASULU’ 11:15

Iatongku randukmo ma’ulelean, songlo’mi tu Penaa Masallo’ lako kalena tinde tau susi kita tonna mulanna.

PENGGAURANNA RASULU’ 13:46

Apa batta’ tu Paulus sola Barnabas ma’kada nakua: Sipatu kamu la dolo dipokadan tu kadanNa Puang Matua, apa belanna mitumpu sia misanga tang sipatu katuoan sae lakona tu kalemi, angki lu lako kami to kapere’.

PENGGAURANNA RASULU’ 16:9

Iatonna bongi denmi bayo-bayo nakita Paulus; nakua den to Makedonia ke’de’ untambai nakua: Lambankomi mai Makedonia untunduikan.

PENGGAURANNA RASULU’ 9:15

Apa Nakua Puang lako: Laomoko, belanna iamotu butung misa’ parea ditonnoranNa’ la umpatale’ sangangKu lako mintu’ to kapere’ sia datu sia to Israel.

ROMA 10:20

Apa iatu Yesaya batta’ ma’kada, nakua: Nakabu’tuiNa’ to tang undaka’Na’ sia paanNa’ lako to tang umpekutananNa’.

ROMA 11:12

Iake naposugi’i issinna lino tu katobanganna sia naposugi’ to kapere’ tu kapu’duranna, ondong pissanpi tu kala’bianna.

ROMA 9:30

Apaomo la tapokada? Inde sia: kumua iatu to kapere’, tu tang untuntun kamaloloan, unnappa’mo kamaloloan, tu kamaloloan tete dio kapatonganan.

1 KORINTUS 3:6

Mangkamo’ mantanan na Apolos ma’sakka’i, apa Puang Matua Ia tu umpatuoi.

PA’TOLE 32:2

Iatu pangadarangku la to’do ten to uran, iatu kadangku to’do-to’do susito ambun, susi uran kamban unta’pai riu maluna, sia susito uran bara’ unta’pai mennutanna,

TO PARENGNGE’ 6:36

Ma’kadami Gideon lako Puang Matua nakua: Iake la Mirampananni tu to Israel tete dio limangku, susitu mangka Mipokada –,