MIKHA 5:4 - Sura' Madatu

⁴ Sia Ia la oto’na kasalamaran. Iake la tamai tondokta tu to Asyur sia iake la ullesei tongkonan layukta, manassa la tapabendanan pitu to mangkambi’ sia karua arung dio mai tolino la unneai,

MIKHA 5:4 ပူးပေါင်းရင်းမြစ်များ

PA’PUDIAN 145:12

Anna pa’peissananni tu penggauran kalle-kalleanNa lako ma’rupa tau, sia iatu kakapuanna mala’bi’na kadatuanNa.

PA’PUDIAN 22:27

Iatu to umpamadiongan penaanna la kumande sadia’na, sia mintu’ to undaka’ PUANG la umpudiI. Sangapaoi anna paya tu sumanga’mi tontong sae lakona.

PA’PUDIAN 72:19

Sia mintu’ kadipudian lu langngan nasang sanga mala’bi’Na tontong sae lakona, mintu’ nalili’ lino nasamboi kamala’biranNa. Amin, ya, amin.

PA’PUDIAN 72:8

Sangapaoi anna ma’parenta umpasilamban-lamban tasik, sia umpasitarru’ Salu landa’ lako randan langi’.

PA’PUDIAN 93:1

PUANG untoe kapayungan; Ia umpobayu sielle’ kabarrealloan; Iamo bayu sielle’Na Puang to, sia umpotambeke’ kapaan. Iate lino bantangmo, tae’ anna la tiberu susuk.

PA’PUDIAN 98:3

Nakilalai tu kamasokananNa, sia kamarurusanNa lako bati’na Israel, mintu’ duka lelean uran untiromo kamakarimmanan lu dio mai Kapenombanta.

KATASSURAN 23:21

Kanandai tu kalemu dio oloNa, turu’i tu kadanna sia da mubali-balii, belanna tae’ na la umpa’dei tu kapatodotintingammi, belanna iatu sangangKu lan kalena.

YESAYA 45:22

Lu maikomi Kaleku, ammi makarimman, e mintu’ randan langi’, belanna Akumo tu Puang Matua tae’ senga’na.

YESAYA 49:5

Apa totemo Nakua tu PUANG tu umpadadina’ taunNa tempon lan mai pa’tambukan angku pasulei tu Yakub lako, sia angku pasipulungi tu to Israel lako – sia dipakala’bi’mo’ dio pentiroNa PUANG sia Kapenombangku tu kupomatoto’ –:

YESAYA 52:10

Nakalili’mo PUANG tu takia’ maseroNa dio tingayona mintu’ bangsa sia la natiro mintu’ randan langi’ tu kasalamaran dio mai Kapenombanta.

YESAYA 52:13

Manassa, la maupa’ tu taungKu, la diangka’ sia dipalaang tanduk, anna tarru’ matande.

YESAYA 8:7

iamoto manassa la Napatu’ba’i Puang uai Salu pua, luang sia mandirri’ tu tau iato mai, iamotu datu Asyur sola mintu’ kamala’biranna, tu la ullempa’i pa’kalobangna sia ulleanni panampona.

MIKHA 7:14

Kambi’i tekkenMi tu taumMi, iamotu tuntunan domba mana’Mi, tu torro makarorrong lan lu pangala’, lan lu tangnga padang malompo. Popa’elo’nai ungkande riu dio lu Basan sia dio Gilead, susitu attu dolo-dolona.

ZAKHARIA 13:7

E pa’dang tinonokko, ta’pai tu to mangkambi’Ku ta’pai tu muane marengke’Ku, kadanNa PUANGna mintu’ ma’dandan maritik; ba’tai tu to mangkambi’, naurunganni sisarak-sarak tu domba; sia la Kubalik tu limangKu unta’pai tu bitti’na.

ZAKHARIA 9:10

Attu iato la Kuputtai tu mintu’ kareta dio mai Efraim sia darang dio mai Yerusalem, sia ia duka tu pana dipake parari; sia la umpakalelean kamarampasan lako mintu’ bangsa, sia iatu kaparentanna la randuk dio mai tasik sae lako tasik sia dio mai Salu sae lako randan langi’.

MALEAKHI 1:5

Iake natiroi matammi tu iannato, la ma’kadakomi mikua: Pasareongan tu PUANG, moi nadio duka lu salianna lili’na Israel.

MATIUS 16:18

Sia Aku Kukua mati’ kumua, ikomo te tu Petrus, sia dao batu iate la Kunii umpabendan kombongangKu, sia bambana mukkun tae’ nabelai untaloi.

MATIUS 2:6

E Betlehem, dio tana Yehuda, inang tae’ ia nala iko bitti’na tu mintu’ pangulu Yehuda, belanna iko nanii sun misa’ panglalan, tu la ungkambi’ taungKu to Israel.

MATIUS 25:31

IanNa sae tu Anak rampan dilino nakabu’ kamala’biranNa, sia naturu’ mintu’ malaeka’Na, anNa unno’ko’ dao isungan kapayunganNa;

LUKAS 1:32

Iamo la kapuanna sia la digente’ Anak Puang Patodoranna sia la Nasorong Puang Kapenombanta lako Kalena tu isungan kapayunganna Daud nene’Na.

YOHANES 10:38

Apa iake kupogau’i, patonganni tu pengkarangan iato, moi natae’ mipatonganNa’, anna sakerangngan-rangnganna miissan sia mikatonganni kumua lan KaleKu tu Ambe’ sia Aku lan Ambe’.

YOHANES 20:17

Nakuami Yesu lako: Da mukaka’Na’ mai, belanna tae’pa Kukendek langngan Ambe’; apa laomoko lako mintu’ siulu’Ku, sia pokadanni kumua: La kendekNa’ langngan Ambe’Ku sia Ambe’mi, PuangKu sia Puangmi.

EFESUS 1:3

Mintu’na kadipudian lu langngan Puang Matua, tu Ambe’Na Puangta Yesu Kristus, tu mangka umpasiriaki’ mintu’ kamauparan mempenaa dao suruga lan Kristus.

1 PETRUS 1:5

tu Narinding pala’ kuasanNa Puang Matua tete dio kapatonganan lu lako kamakarimmanan tu diparandan la dipasombo, ke attu ma’katampakanna.

YUDAS 1:1

Sura’ iate lu dio mai Yudas, taunNa Yesu Kristus sia siulu’na Yakobus, diparampo lako mintu’ to ditambai tu naluang pa’kaboro’Na Puang Matua Ambe’ sia kadikarimmanan dio mai Yesu Kristus.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.