MIKHA 5:3 - Sura' Madatu

³ La tunannang ungkambi’ tau iato mai tete dio kamatotoranna PUANG sia kamala’biranNa sanganNa PUANG, Kapenombanna; sia la torro marampa’ tu tau iato mai, belanna la tarompo’ tu Mesias sae lako mintu’ randan langi’.

MIKHA 5:3 ပူးပေါင်းရင်းမြစ်များ

1 DATU 14:16

Sia la Nasa’biangan tu to Israel natumang kasalanna Yerobeam sia kasalan tu napa’pesuan lako to Israel umpogau’i.

2 OSSORANNA DATU 30:7

Damo misusitu mintu’ nene’ to dolomi sia siulu’mi, tu tang maruru’ lako PUANG, Kapenombanna nene’ to dolona; iamoto Naeloranni tu tau iato mai dadi apa megiangan, susitu mitiro.

PA’PUDIAN 67:3

Anna tandai tau lan te lino tu lalanMi, sia natandai duka mintu’ bangsa tu kasalamaran lu dio mai Kalemi.

YESAYA 11:11

Allo ia dukato la dadi kumua Puang la unnete’ pole limanNa la ulla’bakki sule tu taunNa tu mai torronapa, tu mai torronapa dio Asyur, dio Mesir, dio Patros, dio Etiopia, dio Elam, dio Sinear, dio Hamat na dio lu tondok ma’randan tasik.

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

YEREMIA 23:5

Tonganna la sae tu allona, kadanNa PUANG, ke Kupatuoanni Daud tu misa’ Taruk malambu’; Iamo la ma’parenta susi datu sia la lolang kinaa sia umpalalo salunna sia kamaloloan lan tu tondok.

YEREMIA 31:1

Attu iato, kadanNa PUANG; la dadiNa’ Kapenombanna mintu’ pa’rapuanna Israel, anna tau iato mai la dadi taungKu.

YEHEZKIEL 34:16

Iatu mai pa’dena la Kudaka’ sia iatu pusanna la Kupasule; iatu dibangkeinna la Kubimbin sia iatu masakinna la Kupamatoto’, apa iatu malompona sia iatu mawatangna la Kusanggangi. La Kukambi’ susi sipatunna dipogau’.

HOSEA 11:8

Umba la Kukua ussa’biangangko, e Efraim, umba la Kukua ussorongko, e Israel? Umba la Kukua ussa’biangangko susi Adma, sia la umpapadako Zeboim? Tibalik senga’omo tu penaangKu, anna tiakka’ tongan tu kamamaseangKu.

HOSEA 2:14

Sia la Kuben tu pa’lak anggoro’na dio, sia iatu lombok Akhor la Kupopendadi misa’ ba’ba pa’rannuanan. Sia attu iato la menani pole’ susi tonna mangura, iamo tonna sun lan mai tondok Mesir.

HOSEA 2:9

Totemo la Kupapayan tu kamasirisanna dio matanna to nasigau’-salan, sia tae’ tau la ullendokanni lan mai limangKu.

AMOS 5:15

Kabiri’i tu kadakena, kabarii tu melona, patunannangi tu salunna lan lu babangan, den sia manii upa’ anNa katuru-turui PUANG, Kapenombanna mintu’ ma’dandan maritik, tu to tinampena Yusuf.

MIKHA 4:4

Sangadinna la pantan unno’ko’ diong lu garonto’ anggoro’na sia diong lu garonto’ arana, anna moi misa’ tae’mo la umpatiramban lenni tu tau iato mai, belanna pudukNa PUANGna mintu’ ma’dandan maritik tu mangka umpokadai te.

MIKHA 4:7

Iatu to keppa la Kupadadi to torrona sia iatu to dirambai male la Kupadadi misa’ bangsa mawatang, anNa PUANG, la Undatui dao buntu Sion, randuk totemo tontong sae lakona.

MIKHA 5:7

Sia iatu to torronapa Yakub la dio lu mintu’ to sangpetayanan sia la lan lu ba’tu pira-pira budanna bangsa susi misa’ singa dio lu olo’-olo’ lan pangala’, sia sangtini misa’ singa mangura dio lu tuntunan domba. Iake tamai inde to dio nadammak sia nase’bu’-se’bu, na moi misa’ tau tae’ urrampananni.

MIKHA 5:8

Iatu limammu la matande daona lu mintu’ to unneako, sia mintu’ ualimmu la dipisanni.

MIKHA 6:14

La kumandeko, apa tae’ mula dia’, sangadinna iatu katangdiaran la torro lan tambukmu; la umpallaiangko apa-apa, apa tae’ mula unnannai; sia apa-apa tu munanna, la Kusorong lako pa’dang.

MIKHA 7:13

Apa iate lino la mempadang lo’bang natumang to untorroi, belanna bua penggauranna.

ZAKHARIA 10:6

Tenmoto la Kupamatoto’ tu to Yehuda sia urrampanan to Yusuf, ondongpi, la Kupasulei tu tau iato mai, belanna Kukamasei, sia iatu a’ganna la susi tonna tae’pa Kutibei. Belanna Akumo tu PUANG, Kapenombanna, sia la Kuperangii tu tau iato mai.

MATIUS 1:21

La undadian misa’ pia muane la musangai Yesu, belanna Iamo, tu la urrampanan taunNa dio mai mintu’ kasalanna.

MATIUS 12:50

Belanna minda-minda tu umpogau’ pa’poraianNa Ambe’Ku dao suruga, iamoto tu siulu’Ku muane sia anak darangKu sia indo’Ku.

MATIUS 25:40

La mebali tu Datu, sia ma’kada lako tu tau, Nakua: Tonganna tongan Kukua mati’, kumua tumba tu mipogau’namo lako misa’ te siulu’ makario-rioKu, iamoto tu mipogau’ lako Kaleku.

ROMA 8:29

Belanna iatu to tempon dio mai Natandai, tempon dio dukapa mai Nalampakki la sangrupa a’ganna AnakNa, kumua anna Ia pa’bunga’ dio tu to budai sangsiuluran.