MIKHA 5:1 - Sura' Madatu

¹ Na iatu iko, e Betlehem Efrata, moi ammu bitti’ dio lu mintu’ tongkonanna Yehuda, apa dio mai kalemu la nanii bu’tu lako Kaleku tu misa’ tau tu la dadi to ma’parentana to Israel, tu bu’tu tempon dio mai, dio mai allo tae’ tipamulanna.

MIKHA 5:1 ပူးပေါင်းရင်းမြစ်များ

KADADIAN 35:19

Susimoto tu kamateanna Rahel, dilamunmi dio randan lalan lako Efrata, iamotu Betlehem.

KADADIAN 49:10

Iatu tekken kapayungan tae’ anna la tileluk dio mai Yehuda, sia iatu ta’ba kaparentan tae’ natiberu dio mai to’ lentekna. Sae lako saena tu Silo, na lako kalena nanii mengkaola mintu’ bangsa.

1 DATU 22:24

Saemi tu Zedekia, anakna Kenaana, ussala’pai tu pili’na Mikha sia nakua: Umba nakuan tu PenaanNa PUANG la lele dio mai kaleku, anna ma’kada lako kalemu?

2 DATU 24:2

Nasuami PUANG tu surodadu to Kasdim sia surodadu to Aram sia surodadu to Moab sia surodadu to Amon la ullaoi Yoyakim; iatu tau iato mai Nasua Puang la ullaoi Yehuda sia ussanggangi, susi kadanNa PUANG tu Napokada nalopian taunNa, iamotu mintu’ nabi.

AYUB 16:10

Iatu tau iato umpopenganga sadangna umbalina’, sia napamatunana’ sia ussala’pa popoku, sangbara’ tu tau iato sae sirampun unneana’.

SARAMBU PEADA’ 8:23

Dikombongmo’ tempon dio mai, randuk dio mai pamulanna, tonna tae’pa te lino.

YESAYA 10:6

Kusuamo umpandasa misa’ bangsa tang mekaaluk sia Kukuan la ullaoi misa’ to sangpetayanan narua kasengkeangKu, la umpangrampai sia umpanglo’do’i anna lullu’i tu tau iato mai susi so’mak dio lu lalan.

YESAYA 33:22

Belanna PUANG tu To ma’paolainta salu, PUANG, tu To umbenki’ parenta, PUANG tu Datunta, sia Ia dukamo tu ungkaritutuiki’.

YESAYA 8:9

Maparrangkomi palaoan, e kamu mintu’ bangsa, nake disabu’ikomi; patananni talinga e kamu to randan langi’; selle’i tu la’bo’mi, nake disabu’ikomi; selle’i tu la’bo’mi, nake disabu’ikomi.

YESAYA 9:5

Belanna dipadadiammiki’ misa’ Pia, misa’ Pia muane dikamaseangki’ umpobayu bayu kapayungan, sia iatu sanganNa nasa’bu’ tau: Rangga inaa kalle-kallean tu ma’patudu, Kapenomban kuasa, Ambe’ matontongan sia Datu pasali rampa’.

YEREMIA 25:9

iamoto la Kusua tu mintu’ bangsa daa mai ulunna salu, kadanNa PUANG, sia ia duka tu Nebukadnezar, datu Babel, taungKu, sia la Kupasae tu tau iato mai ussanggangi te padang iate sia mintu’ pa’tondokanna, sia mintu’ bangsa tiku lao, sia la Kusabu’i butung pepayu sia la Kupopendadi apa napotiramban tau sia apa nabellu’i tau sia nabelle’i sae lakona.

YEREMIA 4:7

Iatu singa bendanmo lan mai to’ pangala’-ala’na, iatu to pasanggangna mintu’ bangsa ke’de’mo, tassu’mo lan mai inanna, la umpopempadang lo’bangi tu padangmu; mintu’ tondokmu la disabu’i, naurunganni tae’mo misa’ tau torro lan.

BATING 3:30

Sipatu napopa’elo’na tu popona lako minda-minda ussala’pai, da’ito napedia’i kadilo’boan.

YEHEZKIEL 21:32

La napokandeko api; lan tangnga tondok tu nanii lolong tu raramu, sia tae’mo nakilalaiko tau, belanna akumo, tu PUANG, mangkamo umpokadai tu iannato.

YEHEZKIEL 24:2

E ma’rupa tau, sura’i tu tanggala’na te allo iate, te allo ia bangsiamote: allo ia bangsiamote nanii datu Babel ullaoi Yerusalem.

DANIEL 9:25

Issanni sia tandai, kumua randuk dio mai attu tassu’na tu kada la umpemeloi sia umbangunni sule tu Yerusalem sae lako kaparentanna misa’ to ditokko, iamotu misa’ arung, den pitung minggu, sia annan pulona ndua minggu la dinii umpemeloi sia umbangunni, anna torro susito, sola tana lapangna sia kalo’na, apa siappa’ attu kadipakario-rioan.

YOËL 3:9

Petambanni te dio lu mintu’ bangsa. Pamaindanni tu rari, pake’de’i tu mintu’ to lalong; iatu mintu’ surodadu la ke’de’ male.

AMOS 2:3

sia la Kusabu’i tu to ma’parentana lan mai sia la Kupatei tu mintu’ arungna sola to ma’parentana, – kadanNa PUANG.

HABAKUK 1:6

Belanna tonganna iatu to Kasdim Kupabendan, misa’ bangsa masa’ga’ sia malinta’, tu lumingka unnoloi lua’na lino, la unnala inan katorroanna tau la napoapa, tu tangia apanna.

HABAKUK 3:16

Iatongku rangii tu iannato, ma’rundedemi tu ba’tengku, bannang dio oni iato anna ma’parondo tu pudukku, sia langgang tu bukungku, angku ma’parondo dio inan kunii bendan; moi susito la rapa’na’ umpeagii tu allo kapussakan, ke narampoi tu bangsa iato, tu ma’tuntunan sae ullaoikan.

MATIUS 26:67

Natittuduimi tu lindoNa, sia natambusuk; sia den tu untappele’I,

MATIUS 27:30

Natittuduimi tau, sia naala tu tallang nalonga’i tu ulunNa.

MATIUS 5:39

apa Aku Kukua mati’: Da’ mipasuleanni tu to kadake, sangadinna minda-minda ussala’pa popo kananmu, patadoanni lako tu sangbalinnapa.

YOHANES 18:22

IatonNa mangka umpokadai te, denmi misa’ tu pa’ronda’ ke’de’ dio ussala’pai tu lindoNa sia nakua: Susimoraka pebalimMi lako tominaa kapua to?

YOHANES 19:3

saemi lako Kalena nakua: Tabe’ Datu to Yahudi! sia nasala’pa len tu lindoNa.

PENGGAURANNA RASULU’ 23:2

Nasuami Ananias, Tominaa Kapua tu to ke’ de’ nasikandappiran Paulus ussala’pai tu pudukna.

2 KORINTUS 11:20

Belanna mipama’tanan sia para’ penaa, ke napokaunankomi tau, ke nakandekomi tau, ke nakale’ke’ikomi tau, ke umpamadaoanni kalena tu tau, ke nasala’pai tau tu lindomi.

PA’TOLE 28:49

PUANG la umpasae misa’ bangsa ullaoiko, tu sae dio mai tondok mambela, dio mai randan langi’, susito langkan maega mettia’, iamotu misa’ bangsa tae’ mitandai basana,

PA’TOLE 33:27

Puang Matua matontongan mupopentionganan sia tontong urrande pala’ko. Belanna mangkamo unnula’ ualimmu dio tingayomu sia ma’kada Nakua: Pisanni!

TO PARENGNGE’ 17:7

Denmi misa’ pia muane lu dio mai Betlehem lili’na Yehuda, dio mai lili’ pa’rapuanna Yehuda; tau iato to Lewi sia torro to sae dio.